வளர்ந்து வரும் டிஜிட்டல் ஊடகம் மற்றும் மீடியா டெக் நிறுவனம் சார்பில் தமிழ் மற்றும் ஆங்கில செய்தி எழுத்தாளர்களுக்கான ஆட்சேர்ப்பு அறிவிப்பு வெளியாகியுள்ளது.
டிஜிட்டல் ஊடகத் துறையில் கால்பதிக்க விரும்பும் இளம் எழுத்தாளர்கள் மற்றும் செய்தி ஆர்வலர்களுக்கு ஒரு மகிழ்ச்சியான செய்தி வெளியாகியுள்ளது. முன்னணி டிஜிட்டல் செய்தி இணையதளம் மற்றும் மீடியா டெக் தீர்வுகளை வழங்கி வரும் நிறுவனம், தனது செய்திப் பிரிவை விரிவுபடுத்தும் நோக்கில் 20 புதிய செய்தி எழுத்தாளர்களை (News Content Writers) பணியமர்த்த உள்ளது.
சென்னையை மையமாகக் கொண்டு செயல்படும் இந்த நிறுவனத்தில், தேர்ந்தெடுக்கப்படும் நபர்களுக்கு 'ஹைப்ரிட்' முறையில் பணி வழங்கப்பட உள்ளது. குறிப்பாக, பெரும்பாலான நாட்கள் வீட்டிலிருந்தபடியே (Remote) பணியாற்றும் வசதி இருப்பதால், பயண நேரத்தை மிச்சப்படுத்தி தங்கள் திறமையை முழுமையாக வெளிப்படுத்த முடியும்.
இந்தப் பணியில் இணையும் செய்தியாளர்கள், அன்றாடம் நிகழும் முக்கியச் செய்திகள், உடனுக்குடன் வெளியாகும் 'பிரேக்கிங்' தகவல்கள் மற்றும் சமூக வலைதளங்களில் டிரெண்டிங்கில் இருக்கும் சுவாரசியமான தலைப்புகளைக் கண்டறிந்து தினமும் 10 புதிய கட்டுரைகளை எழுதிப் பதிவேற்ற வேண்டும். வாசகர்களைக் கவரும் வகையில் எளிய, தெளிவான மற்றும் வேகமான நடையில் செய்திகளைக் கொடுக்கும் திறன் கொண்டவர்களுக்கு முன்னுரிமை அளிக்கப்படும்.
தமிழ் செய்தி எழுத்தாளர் (Tamil News Writer) பணிக்கு விண்ணப்பிக்க விரும்புவோர், தங்களது சுயவிவரக் குறிப்பை [email protected] என்ற மின்னஞ்சல் முகவரிக்கு உடனடியாக அனுப்பி வைக்கலாம். ஊடகத் துறையில் சாதிக்கத் துடிக்கும் எழுத்தாளர்களுக்கு இது ஒரு சிறந்த வாய்ப்பாகப் பார்க்கப்படுகிறது.
in
வேலைவாய்ப்பு