<p style="text-align: justify;">சபரிமலை ஐயப்பன் கோவிலில் நடப்பு மண்டல, மகர விளக்கு சீசன் முதல் 2027-ம் ஆண்டின் மண்டல சீசன் வரையில் நடை திறக்கப்படும் நாட்கள், சிறப்பு பூஜை குறித்த விவரங்களை திருவிதாங்கூர் தேவசம் போர்டு வெளியிட்டுள்ளது. அதன் விவரம் பின்வருமாறு,</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/11/12/dfca5699f58499cc76fa45ea52b33dfc1794471568435193_original.JPG" /></p>
<p style="text-align: justify;">மண்டல பூஜைக்காக சபரிமலை ஐயப்பன் கோவில் நடை வருகிற 16-ந் தேதி (திங்கட்கிழமை) மாலை 5 மணிக்கு திறக்கப்படுகிறது. அன்றைய தினம் சபரிமலை மற்றும் மாளிகப்புரம் கோவில்களுக்கான புதிய மேல்சாந்திகள் தந்திரி முன்னிலையில்மூல மந்திரம் சொல்லி பதவி ஏற்கிறார்கள்.</p>
<p style="text-align: justify;">மறுநாள் 17-ந் தேதி (கார்த்திகை 1-ந் தேதி) முதல் புதிய மேல்சாந்திகள் நடையை திறந்து பூஜைகளை நிறைவேற்றுவார்கள். நடப்பாண்டின் மண்டல பூஜை டிசம்பர் 27-ந் தேதி நடக்கிறது. அன்று இரவு நடை சாத்தப்பட்டு மீண்டும் மகரவிளக்கு பூஜைக்காக டிசம்பர் 30-ந் தேதி நடை திறக்கப்படும். மகரவிளக்கு பூஜை ஜனவரி 14-ந் தேதி நடை பெறும். மேலும் 20-ந் தேதி பந்தளம் ராஜ குடும்ப பிரதிநிதியின் சிறப்பு தரிசனத்திற்கு பிறகு கோவில் நடை அடைக்கப்படுவதுடன் சீசன் நிறைவு பெறும்</p>
<p style="text-align: justify;">பின்னர் மாசி மாத பூஜைக்காக <a href="https://www.dailythanthi.com/topic/%E0%AE%9A%E0%AE%AA%E0%AE%B0%E0%AE%BF%E0%AE%AE%E0%AE%B2%E0%AF%88" target="_self" aria-label="content">சபரிமலை</a> கோவில் நடை பிப்ரவரி 12-ந் தேதி திறக்கப்பட்டு 17-ந் தேதி அடைக்கப்படும். பங்குனி மாத பூஜைக்காக மார்ச் 14-ந் தேதி முதல் 19-ந் தேதி வரை சிறப்பு பூஜை நடைபெறும். முன்னதாக பங்குனி ஆராட்டு திருவிழாவை முன்னிட்டு மார்ச் 12-ந் தேதி நடை திறக்கப்படும். 13-ந் தேதி திருவிழா கொடியேற்றத்துடன் ஆரம்பமாகும். 22-ந் தேதி ஆராட்டுடன் 10 நாட்கள் விழா நிறைவு பெறும்.</p>
<p style="text-align: justify;">சித்திரை மாத பூஜைக்காக ஏப்ரல் 10-ந் தேதி நடை திறக்கப்படும். 15-ந் தேதி விஷு பண்டிகைக்காக சிறப்பு பூஜை நடைபெறும். இதனை தொடர்ந்து 19ந் தேதி நடை அடைக்கப்படும். வைகாசி மாத பூஜைக்காக மே மாதம் 14-ந் தேதி நடை திறக்கப்பட்டு 5 நாள் சிறப்பு பூஜைக்கு பிறகு 19-ந் தேதி நடை அடைக்கப்படும்.</p>
<p style="text-align: justify;">பிரதிஷ்டை தினத்தை முன்னிட்டு ஜூன் 12-ந் தேதி நடை திறக்கப்படும். 13-ந் தேதி பிரதிஷ்டை சிறப்பு வழிபாடுகள் நடைபெறும். ஆனி மாத பூஜைக்காக ஜூன் 15-ந் தேதி முதல் 20-ந் தேதி வரையும், ஆடி மாத பூஜைக்காக ஜூலை 16-ந் தேதி முதல் 21-ந் தேதியும். ஆவணி மாத பூஜைக்காக ஆகஸ்டு 17-ந் தேதி முதல் 22-ந் தேதி வரையும் நடை திறக்கப்பட்டிருக்கும். ஓணம் பண்டிகை சிறப்பு பூஜைக்காக செப்டம்பர் 10-ந் தேதி திறக்கப்பட்டு 15-ந் தேதி அடைக்கப்படும்.</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/11/12/75ffe460ebbed7e601ab86e3ef3949f41794471548039193_original.JPG" /></p>
<p style="text-align: justify;">புரட்டாசி மாத பூஜைக்காக செப்டம்பர் 17-ந் தேதி முதல் 22-ந் தேதி வரையும், ஐப்பசி மாத பூஜைக்காக அக்டோபர் 17-ந் தேதி முதல் 22-ந் தேதி வரையும் கோவிலில் சிறப்பு வழிபாடு நடைபெறும். சித்திரை திருநாள் மகாராஜா பிறந்த நாளையொட்டி, அக்டோபர் 28-ந் தேதி நடை திறக்கப்படும். மறுநாள் சிறப்பு பூஜைகளுக்கு பிறகு நடை அடைக்கப்படும். பின்னர் 2027 மண்டல சீசன் நவம்பர் 16-ந் தேதி ஆரம்பமாகும். மண்டல பூஜை டிசம்பர் 27-ந் தேதி நடைபெறும். இவ்வாறு அதில் கூறப்பட்டுள்ளது.</p>
<p style="text-align: justify;">நடப்பு மண்டல சீசனை முன்னிட்டு <a title="சபரிமலை" href="https://tamil.abplive.com/topic/sabarimala" data-type="interlinkingkeywords">சபரிமலை</a>யில் தங்கும் அறைகளுக்கான ஆன்லைன் மூலம் முன்பதிவு செய்யும் வசதி செய்யப்பட்டுள்ளது. அதற்கான முன்பதிவு நேற்று மாலை 5 மணி முதல் https://www.onlinetdb.com என்ற இணைய தளத்தில் தொடங்கியது.</p>
Source: Read Full Article
