பாகிஸ்தானை பந்தாடுமா இந்திய அணி! - இந்தியாவுக்கு 338 ரன்கள் இலக்கு

<p>U19 ஆசியக்கோப்பை இறுதிப் போட்டியில் இந்திய அணிக்கு 338 ரன்களை இலக்காக நிர்ணயித்தது பாகிஸ்தான் அணி.</p> <h2><strong>U19 ஆசியக்கோப்பை இறுதிப்போட்டி</strong></h2> <p>இந்தியர்களுக்கு பெரும்பாலும் பிடித்தமான விளையாட்டு என்றால் அது கிரிக்கெட்தான். அதிலும் இந்தியா - பாகிஸ்தான் இடையேயான போட்டி என்றால் பரபரப்புக்கும், விறுவிறுப்புக்கும் பஞ்சமே இருக்காது.</p> <p>ஒமனில் நடைபெற்றுவரும் U19 ஆசியக்கோப்பை இறுதிப்போட்டியில்,டாஸ் வென்ற பாகிஸ்தான் அணி பேட்டிங்கைத் தேர்வு செய்தது. 50 ஓவர்களில் அந்த அணி 9 விக்கெட்டுகள் இழப்புக்கு 337 ரன்கள் குவித்துள்ளது. U19 ஆசியக்கோப்பை இறுதிப்போட்டியில் டாஸ் வென்று முதலில் பேட்டிங் செய்தது. தொடக்க ஆட்டக்காரரான உஸ்மான் கான் 111 பந்துகளில் 107 ரன்களை விளாசினார். மேலும், அப்துல் காதர் 80 ரன்களையும், பர்கான் யூசப் 63 ரன்களையும் எடுத்த நிலையில் இறுதியாக 50 ஓவர்கள் முடிவில் 9 விக்கெட்டுகள் இழப்புக்கு 337 ரன்களை பாகிஸ்தான் அணி குவித்தது.</p> <p>இந்தியா தரப்பில் காவ்யா படேல் 10 ஓவர்களில் 68 ரன்களை விட்டுக்கொடுத்து 4 விக்கெட்களையும், சிகுருபதி வெங்கடா 5 ஓவர்களில் 40 ரன்களை விட்டுக்கொடுத்து &nbsp;3 விக்கெட்களையும் வீழ்த்தினர்.</p> <h2><strong>இலக்கை எட்டி வெற்றி வாகை சூடுமா இந்திய அணி?</strong></h2> <p>இந்நிலையில் 338 எடுத்தால் வெற்றி என்ற இலக்குடன் இந்திய அணி களமிறமிறங்க உள்ளது. இந்தியா தரப்பில் கேப்டன் லக்&zwnj;ஷயா ராய்சந்தனி, ஆர்யவீர் சேவாக் உள்ளிட்ட வீரர்கள் அணிக்கு கைகொடுப்பார்கள் என ரசிகர்களிடையே ஆர்வம் அதிகரித்துள்ளது. பாகிஸ்தானை பந்தாடி இந்தியா வெற்றிவாகை சூடுமா என்பதை பொறுத்திருந்து பார்க்கலாம்.</p>

Source: Read Full Article