
<p>பறவைக் காய்ச்சல் தொற்று காரணமாக தற்காலிகமாக மூடப்பட்டிருந்த சென்னை வண்டலூர் அறிஞர் அண்ணா உயிரியல் பூங்கா, நவ.18 முதல் மீண்டும் திறக்கப்படவுள்ளது.</p>
<h2><strong>வண்டலூர் பூங்கா புதன்கிழமை மீண்டும் திறப்பு</strong></h2>
<p>நீர்வாழ் பறவைகளிடையே பறவைக் காய்ச்சல் கண்டறியப்பட்டதை அடுத்து, முன்னெச்சரிக்கை நடவடிக்கையாக பூங்கா சில நாட்களாக பூங்கா மூடப்பட்டிருந்தது. நீர்வாழ் பறவைகளிடையே எச்5 என்1 பறவைக் காய்ச்சல் கண்டறியப்பட்டதைத் தொடர்ந்து, அப்பகுதியில் பார்வையாளர்களுக்கு தடைவிதிக்கப்படடிருந்தது.</p>
<p>பாதிக்கப்பட்ட பறவைகளுக்கு 15 நாட்கள் இடைவெளியில் இரு கட்டங்களாக பரிசோதனைகள் நடத்தப்பட்ட நிலையில், தொற்று இல்லையென்பது உறுதி செய்யப்பட்டதாக தெரிவிக்கப்பட்டுள்ளது. இதன் காரணமாக வருகிற 18-ஆம் தேதி புதன் கிழமை முதல் பூங்காவினுள் பார்வையாளர்கள் அனுமதிக்கப்பட உள்ளனர்.</p>
<p>ஏற்கனவே கடந்த அக்டோபர் மாதத்தில் இதேபோன்று பறவைக்காய்ச்சல் எதிரொலியாக சில நாட்கள் பூங்கா மூடப்பட்ட நிலையில் பின்னர் கிருமிநாசினிகள் தெளித்தல், பறவைகளுக்கான நீர்த்தொட்டிகளை சுத்தப்படுத்துத்தல் உள்ளிட்ட தூய்மைப்பணிகள் நடைபெற்று பின்னரே பூங்கா மீண்டும் திறக்கப்பட்டு சுற்றுலா பயணிகள் அதனுள் அனுமதிக்கப்பட்டது குறிப்பிடத்தக்கது.</p>
Source: Read Full Article