<h2><strong>"UPI கட்டண உயர்வு"</strong></h2>
<p>நாடு முழுவதும் அத்தியாவசியப் பொருட்களின் விலை கடுமையாக உயர்ந்துள்ள நிலையில் , யுபிஐ (UPI) பணப் பரிவர்த்தனைகளுக்குக் கட்டணம் விதிக்கப்பட்டால் விலைவாசி மேலும் உயரும் என்று தமிழ்நாடு வணிகர் சங்கங்களின் பேரமைப்பு தெரிவித்துள்ளது.</p>
<p>யுபிஐ பணப் பரிவர்த்தனைகளுக்கு 0.4 சதவீத கட்டணம் விதிக்கப்பட உள்ளதாகக் கூறப்படும் நிலையில் , இதற்கு எதிர்ப்புத் தெரிவித்து சென்னையில் தமிழ்நாடு வணிகர் சங்கங்களின் பேரமைப்பு சார்பில் கண்டன ஆர்ப்பாட்டம் நடைபெற்றது.</p>
<h2><strong>இதில் தலைமை ஏற்று பேசிய ஏ.எம். விக்கிரமராஜா ;</strong></h2>
<p>ஏற்கெனவே அத்தியாவசியப் பொருட்களின் விலை உயர்வால் பொதுமக்கள் கடுமையாகப் பாதிக்கப்பட்டுள்ள நிலையில் , யுபிஐ பரிவர்த்தனைகளுக்குக் கட்டணம் வசூலிக்கப்பட்டால் அதன் சுமை பொருட்களின் விலையில் எதிரொலிக்கும். இதனால் பொதுமக்கள் மேலும் பாதிக்கப்படுவார்கள்.</p>
<p>மேலும், தமிழகத்தில் தொடர்ந்து உயர்ந்து வரும் அரிசி விலையைக் கட்டுப்படுத்த அரசு உடனடியாக நடவடிக்கை எடுக்க வேண்டும். விவசாயிகள் அறுவடை செய்யும் நெல்மணிகளைப் பாதுகாக்கும் வகையில் , அனைத்து மாவட்டங்களிலும் நெல் கொள்முதல் நிலையங்களை விரைவாக அமைக்க வேண்டும்.</p>
<p>தமிழகத்தில் வெளிநாட்டு நிறுவனமான லூலூ சந்தை அமைவதைத் தடுக்க நடவடிக்கை எடுக்க வேண்டும் என்றும், இதுதொடர்பாக விரைவில் தமிழக முதலமைச்சரைச் சந்தித்து மனு அளிக்க உள்ளதாகவும் விக்கிரமராஜா தெரிவித்தார்.</p>
Source: Read Full Article
