<p>தமிழ்நாட்டில் கடந்த சில தினங்களாகவே மழை தொடர்ந்து பெய்து வருகிறது. சென்னையில் மெட்ரோ பணிகள், மோசமான சாலைகள் போன்ற பல்வேறு காரணங்களால் மழைநீர் ஆங்காங்கே தேங்கி மக்கள் அவதிப்பட்டு வருகின்றனர்.</p>
<h2><strong>சென்னையை அச்சுறுத்தும் மழை:</strong></h2>
<p>இந்த நிலையில், சென்னையில் ஆங்காங்கே தேங்கிய மழைநீரை உடனடியாக அகற்ற தவெக அரசால் தொடர்ந்து நடவடிக்கைகள் மேற்கொள்ளப்பட்டு வருகிறது. இருப்பினும் மழைநீர் அதிகம் தேங்கும் வேளச்சேரி, மடிப்பாக்கம் போன்ற பகுதிகளில் மழைநீர் அகற்றும் பணி சவாலாகவே இருந்தது. </p>
<p>தவெக அரசு அலட்சியப்போக்காக செயல்படுவதாக திமுக தரப்பில் குற்றம் சாட்டப்பட்டு வருகிறது. இந்த விவகாரம் தொடர்பாக முன்னாள் அமைச்சர் சேகர்பாபு தெரிவித்த கருத்துக்கு கண்டனம் தெரிவித்து தவெக ஐடி விங் சார்பில் பதிவிடப்பட்டுள்ளது.</p>
<p>அதில் அவர்கள் கூறியிருப்பதாவது, </p>
<h2><strong>வெட்கமே இல்லையா?</strong></h2>
<p>திமுக ஆட்சியில் கட்டமைப்பை ஏற்படுத்தியதால்தான் கடந்த 5 ஆண்டுகளில் தண்ணீர் தேக்கம் இல்லை என்று பத்திரிகையாளர் முன்பு கொஞ்சம் கூட மனசாட்சியின்றி, வாய் கூசாமல் அப்பட்டமான பொய்யைப் பேச உங்களுக்கு வெட்கமா இல்லையா சேகர்பாபு?</p>
<blockquote class="twitter-tweet">
<p dir="ltr" lang="ta">கரப்ஷன் கட்டமைப்புக் கழகமான திமுகவின் தில்லுமுல்லு https://t.co/5AA2cUD9JB</p>
— TVK IT Wing Official (@TVKHQITWingOffl) <a href="https://x.com/TVKHQITWingOffl/status/2113915471946989790?ref_src=twsrc%5Etfw">October 24, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>ஆட்சியில் இருந்த போது முறையாக நடவடிக்கை எடுத்திருந்தால் இப்போது ஏன் அறநிலையத்துறையில் தண்ணீர் தேங்கப்போகிறது. மழைநீர் வடிகால் பணிகளுக்கான 4 ஆயிரம் கோடி ரூபாய் சுருட்டி வாயில் போட்டதன் விளைவுதான் இந்த அவலம்.</p>
<h2><strong>அசிங்கமா இல்லையா?</strong></h2>
<p>2023ல் அறநிலையத்துறை ஆணையர் அலுவலகத்தையே வெள்ளத்தில் மிதக்கவிட்ட நீங்கள், ஊரைச் சீரமைத்தோம் என கதை விடுவது அசிங்கமா இல்லையா?</p>
<p>இவ்வாறு அதில் பதிவிடப்பட்டுள்ளது.</p>
<p>கடந்த மு.க.<a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a> தலைமையிலான திமுக ஆட்சியில் சென்னையில் உள்ள மழைநீர் தேங்காமல் இருப்பதற்காக சுமார் 4 ஆயிரம் கோடி ரூபாய் செலவில் பணிகள் மேற்கொள்ளப்பட்டதாக அப்போதைய அமைச்சர்கள் பேட்டி அளித்திருந்தனர். </p>
<p>ஆனால், கடந்த திமுக ஆட்சியில் சென்னையில் பல இடங்களிலும் மழை காரணமாக தண்ணீர் தேங்கி நின்றதும், மக்கள் அவதியுற்றதையும் தற்போது சுட்டிக்காட்டி <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> கேள்வி எழுப்பியுள்ளது.</p>
<p> </p>
<p> </p>
Source: Read Full Article
