<p><strong> DMK ON TNEB Tender:</strong> நீண்டகால ஒப்பந்தங்கள் மூலம் குறைந்த விலையில் மின்சாரம் வாங்குவோம் என தவெக அளித்த வாக்குறுதி என்னவாயிற்கு என திமுக கேள்வி எழுப்பியுள்ளது.</p>
<h2><strong>ஒரு யூனிட் மின்சாரம் 35 ரூபாயா?</strong></h2>
<p>கோடை காலம் முடிந்த பிறகும் வெயிலின் தாக்கம் தொடர்வதால் மின்பயன்பாடு தொடர்ந்து அதிகரித்து வருகிறது. இதற்கு நிகரான உற்பத்தி இல்லாததால் மின்வெட்டு மிகப்பெரிய பிரச்னையாக உருவெடுத்துள்ளது. இதனை ஈடுசெய்யும் நோக்கில் வெளிச்சந்தையில் 4 ஆயிரத்து மெகாவாட் மின்சாரத்தை கொள்முதல் செய்ய அரசு டெண்டர் கோரியது. அதற்கு விண்ணப்பித்த ஒப்பந்ததாரர்களின் தரவுகளின்படி, ஒரு யூனிட் மின்சாரத்தின் சராசரி விலை 35 ரூபாயாக நிர்ணயிக்கப்பட்டுள்ளது. இது வழக்கமான வாங்கப்படும் விலையை காட்டிலும் சுமார் 3 மடங்கு வரை அதிகமாகும். இதனால் நாளொன்றின்றி பல கோடி ரூபாய் அரசுக்கு செலவாகும். இதனை குறிப்பிட்டு வெறும் 5 ரூபாய்க்கு உற்பத்தி செய்யக்கூடிய மின்சாரத்தை தவெக அரசாங்கம் 35 ரூபாய் செலவழித்து வாங்குவதாக திமுக கடுமையாக விமர்சித்துள்ளது.</p>
<p><iframe title="YouTube video player" src="https://www.youtube.com/embed/_m2p9ybO60I?si=DkUJXSQGQg5KNVgB" width="560" height="315" frameborder="0" allowfullscreen="allowfullscreen"></iframe></p>
<h2><strong>தமிழ்நாடு அரசு காத்திருந்தது ஏன்?</strong></h2>
<p>திமுக முன்னாள் அமைச்சர் டி.ஆர்.பி. ராஜா வெளியிட்டுள்ள ட்விட்டர் பதிவில், “தேர்தலுக்கு பின் பதவி ஏற்ற தவெக அரசு 2026 மே 23ல், முந்தைய திமுக அரசு அதிக விலைக்கு மின் கொள்முதல் செய்ததாகக் குற்றம்சாட்டி கேள்விக்குள்ளாக்கினார்கள். அதே தவெக அரசு 2026 ஜூன் 25ல், நீண்டகால ஒப்பந்தங்கள் மூலம் குறைந்த விலையில் மின்சாரம் வாங்குவோம் என வாக்குறுதி அளித்தது. ஆனால் 2026 அக்டோபர் 12ல், ஒரு யூனிட் ரூ.37 வரை கொடுத்து அவசர கதியில் மின்கொள்முதல் செய்கிறது. திமுக ஆட்சியில் வெறும் ரூ.5.40 முதல் ரூ.9.50 வரை ஒப்புதல் பெற்ற மின்கொள்முதல் கட்டணங்கள் என்னவாயிற்று? செப்டம்பர் 9-ஆம் தேதியே ஆந்திரா ரூ.16 முதல் ரு.20 வரை தனக்கான அக்டோபர் மாத தேவைக்கான மின்சாரத்தை ஒப்பந்தம் செய்துவிட்டது. தமிழ்நாடு அரசு ஜோசியம் பார்த்து கடைசி நேரம் வரை காத்திருந்ததா?</p>
<p><a title="Perambur Hospital: இடம் ரெடி..! பெரம்பூரில் 6 ஏக்கரில் ரூ.300 கோடியில் பன்னோக்கு மருத்துவமனை - எங்கு அமைகிறது தெரியுமா?" href="https://tamil.abplive.com/news/chennai/6-acre-land-identified-for-cm-vijays-perambur-multi-speciality-hospital-with-400-beds-300-crore-project-details-know-where-it-locates-tn-govt-277268" target="_self">இதையும் படியுங்கள்: Perambur Hospital: இடம் ரெடி..! பெரம்பூரில் 6 ஏக்கரில் ரூ.300 கோடியில் பன்னோக்கு மருத்துவமனை - எங்கு அமைகிறது தெரியுமா?</a></p>
<h2><strong>”போதிய நிலக்கரி கையிருப்பில் இல்லை”</strong></h2>
<p><a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a> தலைமையிலான திறமையான திராவிட மாடல் திமுக ஆட்சியில் உருவாக்கப்பட்ட தூத்துக்குடி மற்றும் வடசென்னை அனல்மின் நிலையம் இரண்டும் சரியான நேரத்தில் தயாராக இருந்த நிலையிலும், இந்த அரசின் மோசமான திட்டமிடல் காரணத்தால் நிலக்கரி இருப்பு இல்லாமல் போனதால், தற்போது இவ்விரு நிலையங்களும் மிகக் குறைவான திறனில் செயல்படுகின்றன. இவ்விரு நிலையங்களில் வெறும் 5 ரூபாய்க்கு உற்பத்தி செய்யக்கூடிய மின்சாரத்தை எதற்காக 7 மடங்கு அதிக விலை கொடுத்து ரூபாய் 35 முதல் 37 வரை வாங்குகிறது இந்த அரசு?</p>
<h2><strong><a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசுக்கு கேள்வி..!</strong></h2>
<p>மின் உற்பத்தி, இறக்குமதி நிலக்கரி கொள்முதல் ஆகியவற்றில் இந்த அரசு படு மோசமாக சொதப்பியதால் தான் இன்று இந்த நிலை. தற்போதைய ஒப்பந்தப்படி, வெறும் 20 நாட்களுக்கு முழு மின்சாரமும் வாங்கப்பட்டால் ₹3,100 கோடிக்கும் அதிகமான செலவு என்கிறார்கள் விஷயம் அறிந்தவர்கள். மக்களின் வரிப்பணத்தில் இப்படியொரு வீண் செலவு ஏன்? மின் கட்டணத்தை மட்டுமல்ல, இந்த முடிவுகளுக்கான முழுக் கணக்கையும் மக்களிடம் காட்ட<br />முடியுமா?” என டி.ஆர்.பி. ராஜா கேள்வி எழுப்பியுள்ளார்.</p>
Source: Read Full Article
