Special Bus: ஆயுதபூஜைக்கு ஊருக்கு போறீங்களா? 15 ஆயிரம் பஸ் ரெடி - எந்த ஊருக்கு போக எங்கே ஏறணும்?

<p>தமிழ்நாட்டில் மிகப்பெரிய அளவில் கொண்டாடப்படும் மிகப்பெரிய பண்டிகைகளில் ஒன்று ஆயுதபூஜை, விஜயதசமி ஆகும். இதற்கு அடுத்து கொண்டாடப்படும் மிகப்பெரிய பண்டிகை தீபாவளி ஆகும். அடுத்தடுத்த மாதங்களில் இந்த பண்டிகைகள் வருவது வழக்கம் ஆகும்.</p> <h2><strong>சிறப்பு பேருந்துகள்:</strong></h2> <p>தமிழ்நாட்டைப் பொறுத்தமட்டில் இதுபோன்ற பண்டிகை காலங்களில் சிறப்பு பேருந்துகள் இயக்கப்படுவது வழக்கம். நடப்பாண்டிற்கான ஆயுத பூஜை, தீபாவளி பண்டிகைகளுக்கான பேருந்துகள் எங்கிருந்து? எந்தெந்த ஊர்களுக்கு இயக்கப்படுகிறது? என்ற அறிவிப்பு வெளியாகியுள்ளது.</p> <h2><strong>15 ஆயிரம் பேருந்துகள்:</strong></h2> <p>ஆயுத பூஜையை முன்னிட்டு வரும் 15ம் தேதி முதல் 18ம் தேதி வரையில் சென்னையில் இருந்து இயக்கக்கூடிய 8 ஆயிரத்து 764 பேருந்துகளுடன் கூடுதலாக 6 ஆயிரத்து 199 சிறப்பு பேருந்துகள் இயக்கப்பட உள்ளது. இந்த நான்கு நாட்களில் மொத்தமாக 14 ஆயிரத்து 963 பேருந்துகள் இயக்கப்பட உள்ளது.&nbsp;</p> <p>ஆயுத பூஜை முடிந்த பின்னர் வெளியூர் சென்றவர்கள் சென்னை திரும்ப 20ம் தேதி மற்றும் 21ம் தேதி ஆகிய நாட்களில் சென்னைக்கு திரும்பும் 4 ஆயிரத்து 382 பேருந்துகளுடன் கூடுதலாக 4 ஆயிரத்து 809 சிறப்பு பேருந்துகள் இயக்கப்பட உள்ளது. மொத்தமாக 9 ஆயிரத்து 191 பேருந்துகள் இயக்கப்பட உள்ளது.&nbsp;</p> <h2><strong>எங்கிருந்து எங்கே?</strong></h2> <p>ஆயுத பூஜைக்கு எந்தெந்த ஊர்களுக்கான பேருந்துகள் எங்கெங்கு இருந்து இயக்கப்படுகிறது? என்பதை கீழே காணலாம்.</p> <p><strong>1. கிளாம்பாக்கம் &nbsp;பேருந்து நிலையம்:</strong></p> <p>புதுச்சேரி, கடலூர், சிதம்பரம், திருச்சி, மதுரை, தூத்துக்குடி, செங்கோட்டை, திருநெல்வேலி, சேலம், கோயம்புத்தூர் மார்க்கமாக செல்லும் பேருந்துகள் கிளாம்பாக்கம் பேருந்து நிலையத்தின் உள்ளே இருந்து இயக்கப்பட உள்ளது.</p> <p><strong>2. சிஎம்டிஏ காலநிலை பூங்கா அருகில் திறந்த வெளி இடம், கிளாம்பாக்கம் ( தற்காலிக பேருந்து நிலையம்)</strong></p> <p>வந்தவாசி, போளூர், திருவண்ணாமலை மார்க்கமாக செல்லும் பேருந்துகள்</p> <p><strong>3. மறைமலைநகர் தற்காலிக பேருந்து நிலையம்: (சோதனை அடிப்படையில்)</strong></p> <p>கும்பகோணம், தஞ்சாவூர், நாகப்பட்டினம் மார்க்கமாக செல்லும் பேருந்துகள்</p> <p><strong>4. கோயம்பேடு பேருந்து நிலையம்:</strong></p> <p>ஈசிஆர் வழியாக காஞ்சிபுரம், வேலூர், பெங்களூர் மற்றும் திருத்தணி மார்க்கமாக செல்லும் பேருந்துகள்</p> <p><strong>5. மாதவரம்:</strong></p> <p>பொன்னேரி, ஊத்துக்கோட்டை வழியாக ஆந்திரா மாநிலம் மார்க்கமாக செல்லும் பேருந்துகள் மற்றும் வழக்கமாக இயக்கப்படும் திருச்சி, சேலம், கும்பகோணம் மற்றும் திருவண்ணாமலை பேருந்துகள்</p> <p>இந்த பேருந்துகளில் செல்வதற்கு முன்பதிவு செய்வதற்கு கிளாம்பாக்கத்தில் 10 முன்பதிவு மையங்களும், கோயம்பேட்டில் 2 முன்பதிவு மையங்களும், மறைமலைநகர் தற்காலிக பேருந்து நிலையத்தில் 2 முன்பதிவு மையங்கள் என 14 முன்பதிவு மையங்கள் உருவாக்கப்பட்டுள்ளது.</p> <h2><strong>தீபாவளி:</strong></h2> <p>ஆயுத பூஜை மட்டுமின்றி தீபாவளி பண்டிகைக்கும் இந்த ஊர்களுக்கு இதே இடங்களில் இருந்து பேருந்துகள் இயக்கப்பட உள்ளது. தீபாவளி பண்டிகைக்கு எத்தனை சிறப்பு பேருந்துகள் இயக்கப்படுகிறது? என்ற விவரத்தையும் இன்றே அமைச்சர் தமிழன் பார்த்திபன் வெளியிட்டார்.&nbsp;</p> <p>தீபாவளி பண்டிகையை முன்னிட்டு நவம்பர் 5ம் தேதி முதல் 7ம் தேதி வரை சென்னையில் இருந்து வழக்கமாக இயங்கும் 6 ஆயிரத்து 573 பேருந்துகளுடன் கூடுதலாக 9 ஆயிரத்து 86 சிறப்பு பேருந்துகள் இயக்கப்பட உள்ளது. மொத்தமாக 15 ஆயிரத்து 659 பேருந்துகள் இயக்கப்பட உள்ளது.</p> <p>தீபாவளி முடிந்து சொந்த ஊர்களில் இருந்து சென்னை திரும்புவதற்கு அடுத்த மாதம் 9ம் தேதி மற்றும் 10ம் தேதி ஆகிய நாட்களில் வழக்கமாக இயங்கும் 4 ஆயிரத்து 382 பேருந்துகளுடன் கூடுதலாக 6 ஆயிரத்து 815 சிறப்பு பேருந்துகள் இயக்கப்படுகிறது.&nbsp;புகார்கள் மற்றும் குறைகள் தெரிவிப்பதற்கு 94450 14436 எண்ணைத் தொடர்பு கொள்ளலாம்.</p> <p>&nbsp;</p>

Source: Read Full Article