<h2><strong>"250 ச.அடி வீடுகளுக்கு அனுமதி"</strong></h2>
<p>தமிழகத்தில் சில வகை புறம்போக்கு நிலங்களை தவிர்த்து , மற்ற புறம்போக்கு நிலங்களில், 250 சதுர அடி வரை கட்டப்பட்ட வீடுகளுக்கு , அரசு அதிகாரிகளின் தடையில்லா சான்று பெறாமல் , மின் இணைப்பு வழங்க , கடந்த மாதம் , மின் வாரியத்திற்கு, தமிழக அரசு அனுமதி வழங்கியது.</p>
<p>அதன் அடிப்படையில், மின் வாரியம், பொறியாளர்களுக்கு, மின் இணைப்பு வழங்குவதற்கான அறிவுறுத்தல்களை தற்போது வெளியிட்டுள்ளது. அதன்படி, புறம்போக்கு நிலங்களில், கட்டட பரப்பு, 250 சதுர அடிக்கு மிகாமல் உள்ள வீடுகளுக்கு மட்டுமே , மின் இணைப்பு வழங்க வேண்டும்.</p>
<h2><strong>"பிரிவு அலுவலர் உறுதி செய்ய வேண்டும்"</strong></h2>
<p>நீர்வழி , மேய்க்கால் , மேய்ச்சல் புறம்போக்கு நிலங்கள், வன நிலங்கள், ராணுவ குடியிருப்பு பகுதிகள், மத்திய அரசுக்கு சொந்தமான ரயில்வே உள்ளிட்ட நிலங்கள், மத நிறுவனங்கள், கோவில்களின் பெயரில் பட்டா உள்ள நிலங்கள், கோவில் புறம்போக்கு நிலங்களுக்கு, இந்த சலுகை பொருந்தாது.</p>
<p>இதற்கு , தனி பிரிவில் கட்டணம் வசூலிக்க வேண்டும். மின் இணைப்பு வழங்கும் முன், சம்பந்தப்பட்ட பிரிவு அலுவலர், மின் இணைப்பு கோரப்படும் வீடு , தடை செய்யப்பட்ட நில வகைகளில் அமைந்திருக்கவில்லை என்பதை , உறுதி செய்ய வேண்டும். தமிழக அரசின் , தமிழ் நிலம் இணையதளம் , மின் பகிர்மான கழக இணையதளத்தை ஒருங்கிணைக்கும் வசதி உருவாக்கப்படும்.</p>
<p>இது நடைமுறைக்கு வரும் வரை, கிராம நிர்வாக அலுவலர், வருவாய் துறை அதிகாரிகளிடம் இருந்து, நிலத்தின் வகைப்பாட்டை உறுதி செய்ய வேண்டும். அதன்பின்தான் மின் இணைப்பு வழங்க வேண்டும் என, மின் வாரியம் தெரிவித்துள்ளது.</p>
Source: Read Full Article
