<p style="text-align: left;">சமீபத்தில் 19 ஐஏஎஸ் அதிகாரிகளை பணியிட மாற்றம் செய்து தமிழக அரசு உத்தரவிட்டது. இந்தப்பட்டியலில் அதிகம் கவனிக்கப்பட்ட பெயர் மோனிகா ராணா ஐஏஎஸ். தென்காசி மாவட்டத்தின் 8-வது மற்றும் முதல் பெண் ஆட்சியராக மோனிகா ராணா பொறுப்பேற்றுள்ளார்.<br /> </p>
<h2 style="text-align: left;"><strong>யார் இந்த மோனிகா ராணா?</strong></h2>
<p style="text-align: left;">உத்தரகாண்ட் மாநிலத்தில் 1990-ஆம் ஆண்டு பிறந்த இவர், சென்னையில் உள்ள எம்.ஜி.ஆர் மருத்துவக் கல்லூரியில் மருத்துவப் படிப்பை முடித்து பட்டம் பெற்றுள்ளார். மருத்துவப்படிப்பை முடித்து குடிமை பணிகளை விரும்புபவர்கள் வெகுசிலரே, இந்நிலையில் அப்பட்டியலில் தன்னையும் இணைத்துக்கொண்டு ஐஏஎஸ் தேர்வில் வெற்றிபெற்று 2018-ஆம் ஆண்டில், தான் கல்வி பயின்ற தமிழ்நாடு கேடருக்கு தேர்வானார் மோனிகா ராணா.2018-இல் சேலம் மாவட்டத்தில் சார் ஆட்சியராக நியமிக்கப்பட்ட மோனிகா ராணா, பின்னர் நீலகிரியில் துணை ஆட்சியராகவும், மதுரையில் கூடுதல் ஆட்சியர் மற்றும் திட்ட இயக்குநர் உள்ளிட்ட பதவிகளில் நியமிக்கப்பட்டார்.</p>
<h2 style="text-align: left;">திருநெல்வேலியில் மாநகராட்சி ஆணையர்</h2>
<p style="text-align: left;">மாவட்ட அளவிலான பதவிகளில் நியமிக்கப்பட்டு வந்த மோனிகா ராணா ஐஏஎஸ், கடந்த ஆண்டு ஜூன் மாதத்தில் திருநெல்வேலி மாநகராட்சியின் ஆணையராக நியமிக்கப்பட்டார். அங்கு ஆணையராக பணியாற்றிய காலத்தில் உள்கட்டமைப்பு வசதிகளை மேம்படுத்துதல் மற்றும் தூய்மைப் பணிகளில் கவனம் செலுத்தியதாகவும் கூற்ப்படுகிறது.</p>
<h2 style="text-align: left;">தென்காசியின் முதல் பெண் ஆட்சியர்</h2>
<p style="text-align: left;">2019-ஆம் ஆண்டு உருவாக்கப்பட்ட தென்காசி மாவட்டத்தில் முதல் ஆட்சியராக அருண் சுந்தர் தயாளன், பின்னர் சமீரன், கோபால சுந்தரராஜ் என இதுவரை 7 ஆட்சியர்கள் பணியாற்றியுள்ள நிலையில் பெண் ஐஏஎஸ் அதிகாரிகள் ஒருவர் கூட அங்கு நியமிக்கப்படவில்லை. இந்நிலையில் மாவட்டத்தின் 8-வது ஆட்சியராகவும், முதல் பெண் ஆட்சியராகவும் மோனிகா ராணா நியமிக்கப்பட்டு பதவியேற்றுள்ளது குறிப்பிடத்தக்கது.</p>
Source: Read Full Article
