<h2><strong>"இன்ஸ்டாகிராமில் குறுஞ் செய்தி"</strong></h2>
<p>ஈரோடு மாவட்டம் அந்தியூர் அடுத்த சுந்தராம்பாளையம் பகுதியைச் சேர்ந்த சிவராஜ் என்பவரது மகன் கோகுல்ராஜ் ( வயது 34 ) இவர் டெம்போ ஓட்டுநராக பணிபுரிந்து வாழ்கை நடத்தி வந்திருக்கிறார். இந்நிலையில் அதே பகுதியிலுள்ள உத்தர விநாயகர் கோயில் வீதி கள்ளுக்கடை அருகில் வசிக்கும் தேவராஜ் ( வயது 30 ) என்பவரது மனைவிக்கு இன்ஸ்டாகிராம் மூலம் குறுஞ்செய்திகளை அனுப்பி வந்ததாகக் கூறப்படுகிறது.</p>
<p>தினமும் தொடர்ந்து மெசேஜ் அனுப்பி வந்த நிலையில் இது குறித்து இளம்பெண் அவரது கணவர் தேவராஜிடம் தெரிவித்துள்ளார். இதைக் கேட்டு கோபமடைந்த அவர் உடனடியாக கோகுல்ராஜை நேரில் சந்தித்து தனது மனைவிக்கு இன்ஸ்டாவில் மெசேஜ் செய்ய வேண்டாம் என எச்சரித்துள்ளார்.</p>
<h2><strong>"4 பேர் கைது"</strong></h2>
<p>கோகுல்ராஜ் தொடர்ந்து குறுஞ் செய்திகளை அனுப்பித் தொந்தரவு செய்து வந்ததாகக் கூறப்படுகிறது. இதனால் ஆத்திரமடைந்த தேவராஜ், தனது நண்பர்களான நந்தகுமார் ( வயது 19 ) , பிரசாந்த் ( வயது 23 ) மற்றும் தரனேஷ் ( வயது 23 ) ஆகியோருடன் சேர்ந்து கோகுல்ராஜைத் தாக்கியதாகத் கூறப்படுகிறது.</p>
<p>இந்தத் தாக்குதலில் கோகுல்ராஜ் படுகாயமடைந்தார். இதையடுத்து , அங்கிருந்தவர்கள் அவரை மீட்டு அந்தியூரில் உள்ள தனியார் மருத்துவமனையில் அனுமதித்தனர் அங்கு முதலுதவி பெற்ற அவர் மேல்சிகிச்சைக்காக ஈரோடு அரசு மருத்துவக் கல்லூரி மருத்துவமனையில் அனுமதிக்கப்பட்டார்.</p>
<p>அங்கு அவர் கவலைக்கிடமான நிலையில் சிகிச்சை பெற்று வருவதாகத் தெரிவிக்கப்பட்டுள்ளது. இந்தச் சம்பவம் குறித்து கோகுல்ராஜின் தந்தை சிவராஜ் , அம்மாபேட்டை காவல் நிலையத்தில் புகார் அளித்தார். அதன் அடிப்படையில் வழக்குப் பதிவு செய்த போலீசார் , தேவராஜ் உள்ளிட்ட 4 பேரையும் கைது செய்தனர். பின்னர் கைது செய்யப்பட்ட 4 பேரையும் பவானி குற்றவியல் நடுவர் நீதிமன்றத்தில் ஆஜர்படுத்தி சிறையில் அடைத்தனர்.</p>
Source: Read Full Article
