<p class="p2">சமூக வலைதளங்களில் அவ்வப்போது வித்தியாசமான வீடியோக்கள் வைரலாவது வழக்கம்<span class="s1">. </span>அந்த வகையில்<span class="s1">, </span>பிறந்த குழந்தையின் முகத்தில் அடர்த்தியான கருப்பு மீசை இருப்பது போன்ற வீடியோ தற்போது இணையத்தில் கவனம் பெற்றுள்ளது<span class="s1">. </span>குழந்தை மீசையுடன் பிறந்ததாகப் பலரும் பகிர்ந்து வரும் நிலையில்<span class="s1">, இந்த வீடியோ உண்மையா போலியா என்கிற குழப்பம் உருவாகியுள்ளது</span></p>
<h2 class="p2">மீசையுடன் பிறந்த குழந்தை</h2>
<p class="p2">தற்போது வைரலாகி வரும் இந்த வீடியோவில் மத்துவமனையில் படுக்கையில் இருக்கும் குழந்தையின் முகத்தில் தெளிவான மீசையும் தாடையைச் சுற்றி முடிகளும் இருப்பதுபோல் தெரிகிறது<span class="s1">. </span>குழந்தை கண்களைத் திறப்பதும்<span class="s1">, </span>தலையை அசைப்பதும்<span class="s1">, </span>சிரிப்பதுபோன்ற முகபாவனைகளைக் காட்டுவதும் வீடியோவைப் பார்ப்பவர்களின் கவனத்தை ஈர்த்துள்ளது<span class="s1">. </span>இதனால்<span class="s1">, </span>குழந்தை உண்மையிலேயே மீசையுடன் பிறந்தது என பலரும் நம்பி வருகிறார்கள்</p>
<blockquote class="twitter-tweet">
<p dir="ltr" lang="fr">INSOLITE | Un bébé arrivé au monde avec une moustache fait le tour des réseaux sociaux https://t.co/bs1j6xMztW</p>
— 75 Secondes 🗞️ (@75secondes) <a href="https://x.com/75secondes/status/2113868946960986257?ref_src=twsrc%5Etfw">October 24, 2026</a></blockquote>
<p class="p2">
<script src="https://platform.x.com/widgets.js" async="" charset="utf-8"></script>
</p>
<h2 class="p2">நிஜமா ? போலியா ?</h2>
<p class="p2">இந்த வீடியோ அக்டோபர்<span class="s1"> 20</span>ஆம் தேதி<span class="s1"> ‘Newborn Cuteness’ </span>என்ற ஃபேஸ்புக் பக்கத்தில் பகிரப்பட்டதாக உண்மைச் சரிபார்ப்பு ஆய்வில் தெரியவந்துள்ளது<span class="s1">. </span>இதே பக்கத்தில் மீசை மற்றும் தாடியுடன் இருப்பதுபோன்ற குழந்தைகளின் பல்வேறு வீடியோக்களும் இடம்பெற்றுள்ளன<span class="s1">. </span>அவற்றில் சில செயற்கை நுண்ணறிவால் உருவாக்கப்பட்டவை என்று குறிப்பிடப்பட்டுள்ளன<span class="s1">.</span></p>
<p class="p2">லெபனானைச் சேர்ந்த<span class="s1"> ‘</span>அந்நஹார்<span class="s1">’ </span>செய்தி நிறுவனத்தின் உண்மைச் சரிபார்ப்புப் பிரிவு இந்த வீடியோவை ஆய்வு செய்து<span class="s1">, </span>அது செயற்கை நுண்ணறிவால் உருவாக்கப்பட்டதாக முடிவு செய்துள்ளது<span class="s1">. Hive </span>என்ற கருவியின் ஆய்விலும்<span class="s1">, </span>வீடியோ<span class="s1"> AI </span>மூலம் உருவாக்கப்பட்டிருப்பதற்கான வாய்ப்பு<span class="s1"> 87.9 </span>சதவீதமாகக் காட்டப்பட்டுள்ளது<span class="s1">. </span>எனவே<span class="s1">, </span>குழந்தை மீசையுடன் பிறந்ததாகப் பரவும் தகவல் உண்மையல்ல என்று அந்த ஆய்வு தெரிவித்துள்ளது<span class="s1">.</span></p>
<h2 class="p2">பிறந்த குழந்தைகளுக்கு முடி இருக்குமா<span class="s1">?</span></h2>
<p class="p2">உண்மையில்<span class="s1">, </span>சில குழந்தைகள் பிறக்கும்போதே உடலிலும் முகத்திலும் மெல்லிய முடிகளுடன் இருக்கலாம்<span class="s1">. </span>இதற்கு<span class="s1"> ‘</span>லானுகோ<span class="s1">’ (Lanugo) </span>என்று பெயர்<span class="s1">. </span>கருவில் இருக்கும்போது உருவாகும் இந்த மென்மையான முடிகள் பொதுவாகப் பிறந்த பிறகு இயற்கையாக உதிர்ந்துவிடும்<span class="s1">. </span>ஆனால்<span class="s1">, </span>வைரல் வீடியோவில் இருப்பதுபோன்ற அடர்த்தியான<span class="s1">, </span>தெளிவான மீசையை இதனுடன் ஒப்பிட முடியாது<span class="s1">.</span></p>
<p class="p2">செயற்கை நுண்ணறிவு மூலம் உருவாக்கப்படும் காட்சிகள் உண்மையான வீடியோக்களைப் போலவே தோன்றும் காலகட்டத்தில்<span class="s1">, </span>சமூக வலைதளங்களில் பரவும் வித்தியாசமான காட்சிகளை உடனடியாக நம்பிப் பகிராமல்<span class="s1">, </span>அவற்றின் உண்மைத்தன்மையைச் சரிபார்ப்பது அவசியமாகியுள்ளது<span class="s1">.</span></p>
Source: Read Full Article
