<h2><strong>"மூதாட்டிக்கு பாலியல் தொல்லை"</strong></h2>
<p>திருவள்ளூர் மாவட்டம் திருத்தணி அருகே உள்ள ஆர்.கே.பேட்டை வட்டம் சமத்துவபுரம் பகுதியில் வசித்து வருபவர் சின்னப்பொண்ணு ( வயது 80 ) இவர் தனியாக வசித்து வருகிறார். இவர் தனது வீட்டின் அருகே நடந்து சென்று கொண்டிருந்ததாகக் கூறப்படுகிறது. அப்போது, அதே பகுதியைச் சேர்ந்த ஏழாம் வகுப்பு படிக்கும் 13 வயது சிறுவன் , மூதாட்டியைப் பாதுகாப்பாக வீட்டில் கொண்டு சேர்ப்பதாகக் கூறி அவரை அழைத்துச் சென்றுள்ளான்.</p>
<p>இதையடுத்து , மூதாட்டியை அவரது வீட்டிற்கு அழைத்துச் சென்ற சிறுவன், அங்கு யாரும் இல்லாததை கவனித்து, சிறுது நேரத்தில் அவரிடம் அத்துமீற முயன்றதாகக் கூறப்படுகிறது. மூதாட்டியின் வாயில் துணியை வைத்து, அவரைப் பலவந்தப்படுத்தி பாலியல் வன்கொடுமை செய்ய முயன்றதாகப் புகாரில் தெரிவிக்கப்பட்டுள்ளது.</p>
<h2><strong>"போலீசாரிடம் சிக்கிய சிறுவன்"</strong></h2>
<p>இதனால் அதிர்ச்சியடைந்த மூதாட்டி துணியை அகற்ற முயற்சித்து அலறியுள்ளார். அவரது சத்தத்தைக் கேட்டு அருகில் இருந்த உறவினர்கள் மற்றும் குடும்பத்தினர் ஓடிவந்து சிறுவனைப் பிடித்ததாகக் கூறப்படுகிறது. பின்னர் , இந்தச் சம்பவம் குறித்து போலீசாரின் கட்டுப்பாட்டு அறைக்கு தகவல் தெரிவித்துள்ளனர்.</p>
<p>சம்பவ இடத்திற்கு போலீசார் வருவதில் தாமதம் ஏற்பட்டதாகக் கூறப்படும் நிலையில், அங்கிருந்து சிறுவன் தப்பிச் சென்றுள்ளான். இதையடுத்து, சம்பவ இடத்திற்கு வந்த ஆர்.கே.பேட்டை போலீசார் , மூதாட்டியிடம் புகார் பெற்று விசாரணையைத் தொடங்கினர். தப்பிச் சென்ற சிறுவனைத் தேடும் பணியில் ஈடுபட்ட போலீசார் , 5 மணி நேரத்திற்குள் பிடித்து காவல் நிலையத்திற்கு அழைத்துச் சென்றனர். தொடர்ந்து விசாரணை நடத்திய பின்னர் , சிறுவன் கைது செய்யப்பட்டதாகத் தெரிவிக்கப்பட்டுள்ளது.</p>
Source: Read Full Article
