ஒருத்தருக்கு ரூபாய் 5 லட்சம் வரை கடன்.. சிறு, குறு விவசாயிகளுக்கு சூப்பர் அறிவிப்பு! தவெக அரசு அசத்தல்

<p>தமிழ்நாடு அரசு இன்று வெளியிட்டுள்ள செய்திக்குறிப்பில் கூறியிருப்பதாவது,&nbsp;</p> <h2><strong>மத்திய காலக் கடன்:</strong></h2> <p>தமிழ்நாடு அரசின் 2026 - 2027ம் ஆண்டிற்கான கூட்டுறவுத்துறை மானியக் கோரிக்கை, கூட்டுறவுத்துறை அமைச்சர் வெளியிட்ட அறிவிப்பு எண் 2ன்படி, விவசாயிகள் மற்றும் விவசாயம் சார்ந்த தொழில்களில் ஈடுபடும் குறு மற்றும் சிறு விவசாயிகளின் வருவாயை அதிகரிக்கும் நோக்கில் ரூபாய் 5 ஆயிரம் கோடி மதிப்பில் ஊரகத் தொழிற்கடன் ஆண்டுக்கு 9 சதவீதம் வட்டி விகிதத்தில் வழங்க நடவடிக்கை எடுக்கப்பட்டுள்ளது.&nbsp;</p> <p>மாவட்ட மத்தியக் கூட்டுறவு வங்கிகள் மற்றும் தொடக்க வேளாண்மை கூட்டுறவு கடன் சங்கங்கள் மூலம் விவசாயம் மற்றும் விவசாயம் சார்ந்த தொழில்களுக்கு மத்திய காலக் கடன்கள் வழங்கப்படும்.&nbsp;</p> <h2><strong>ஒரு நபருக்கு 5 லட்சம் கடன்:</strong></h2> <p>இத்திட்டத்தின்படி, ஒரு பயனாளிக்கு அதிகபட்சமாக ரூபாய் 5 லட்சம் வரை கடன் வழங்கப்படும். கடன் வழங்கிய நாளிலிருந்து 36 மாதங்களுக்குள் வட்டியுடன் கடனைத் திருப்பிச் செலுத்த வேண்டும். தேவைக்கேற்ப 3 முதல் 6 மாதங்கள் வரை தவணைச் சலுகைக் காலம் வழங்கவும் வழிவகை செய்யப்பட்டுள்ளது.</p> <p>இக்கடன்களை வழங்குவதற்கான மாதிரி ஒழுங்குமுறை விதிகள் வகுக்கப்பட்டு, அவற்றின் அடிப்படையில் உரிய அங்கீகாரம் பெற்று கடன் வழங்கும் நடவடிக்கைகளை மேற்கொள்ள கூட்டுறவு &nbsp;நிறுவனங்களுக்கு அறிவுறுத்தப்பட்டுள்ளது.&nbsp;</p> <h2><strong>5 ஆயிரம் கோடி கடன்:</strong></h2> <p>மேலும், 2026 -27ம் நிதியாண்டில் இத்திட்டத்தின் கீழ் மாவட்ட, மத்தியக் கூட்டுறவு வங்கிகள் மூலம் ரூபாய் 2 ஆயிரம் கோடியாகவும், தொடக்க வேளாண்மை கூட்டுறவுக் கடன் சங்கங்கள் மூலம் ரூபாய் 3 ஆயிரம் கோடியும் என மொத்தம் ரூபாய் 5 ஆயிரம் கோடி கடன் வழங்க இலக்கு நிர்ணயிக்கப்பட்டுள்ளது.&nbsp;</p> <p>இத்திட்டத்தில் கடன் குறு விவசாயிகள், பெண் விவசாயிகள் மற்றும் விளிம்புநிலைப் பிரிவினருக்கு முன்னுரிமை அளிக்கவும், கடன் தகுதியை சரிபார்த்து உரிய விதிமுறைகளைப் பின்பற்றவும், கடன் திருப்பிச் செலுத்துதல் மற்றும் வசூல் நடவடிக்கைகளைத் தொடர்ந்து கண்காணிக்கவும் கூட்டுறவு நிறுவனங்களுக்கு அறிவுறுத்தப்பட்டுள்ளது.&nbsp;</p> <p>எனவே, விவசாயிகள் மற்றும் விவசாயம் சார்ந்த தொழில்களில் ஈடுபடும் குறு மற்றும் சிறு விவசாயிகள் தங்களது வருவாயை அதிகரிக்கும் நோக்கில் செயல்படுத்தப்படும் இந்த ஊரகத் தொழில் கடன் திட்டத்தின் கீழ் பயன்பெறுமாறு கூட்டுறவுத்துறை அமைச்சர் கீழ் கேட்டுக்கொள்கிறோம்.</p> <p>இவ்வாறு அதில் தெரிவிக்கப்பட்டுள்ளது.</p> <p>தமிழக அரசின் இந்த அறிவிப்பால் விவசாயிகள் மகிழ்ச்சி அடைந்துள்ளனர். மழைக்காலம் பெரியளவில் இல்லாத சூழலில், தமிழக அரசின் இந்த அறிவிப்பு அவர்களுக்கு மிகப்பெரிய அளவில் உதவியாக இருக்கும் என்று கருதப்படுகிறது.</p>

Source: Read Full Article