<p>தமிழ்நாட்டில் தவெக ஆட்சிப் பொறுப்பேற்றது முதலே திமுக - தவெக மோதல் நாளுக்கு நாள் அதிகரித்து வருகிறது. தற்போது மதுராந்தகம் மற்றும் தாராபுரம் இடைத்தேர்தல் வரும் அக்டோபர் 6ம் தேதி நடைபெற உள்ளது.</p>
<h2><strong>இடைத்தேர்தல்:</strong></h2>
<p>இந்த இரு தொகுதிகளுக்கான இடைத்தேர்தலில் ஆளுங்கட்சியான தவெக - எதிர்க்கட்சியான திமுக - இரு தொகுதிகளையும் பறிகொடுத்த அதிமுக - நாம் தமிழர் - இந்திய கம்யூனிஸ்ட் என 5 முனைப் போட்டி நிலவுகிறது. </p>
<p>மதுராந்தகம் தொகுதியில் நேற்று முன்தினம் முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> பரப்புரையில் ஈடுபட்டார். உதயநிதி <a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a> நேற்று பரப்புரையில் ஈடுபட்டார். இந்த நிலையில், தமிழக வெற்றிக் கழகத்தின் ஐடி விங் தனது எக்ஸ் பக்கத்தில் பதிவிட்டுள்ளதாவது,</p>
<h2><strong>உளறல் நிதி: </strong></h2>
<p>நம் வெற்றித் தலைவர் தமிழ்நாடு முதலமைச்சர் ஆட்சிப் பொறுப்பேற்றதும் என்ன சொன்னார்? கொடுத்த வாக்குறுதிகளைப் படிப்படியாக<br />நிறைவேற்ற அவகாசம் வேண்டும் எனக் கேட்டார்.</p>
<p>இது உலகத்திற்கே தெரியும். ஆனால், அரசியல் அறிவும் புரிதலும் சிறிதும் அற்ற, நிதானமற்ற, சுயமற்ற பண்ணையார் வீட்டுக் குழந்தையான உளறல் நிதி ஆட்சிக்கு வந்த அடுத்த நிமிஷமே வாக்குறுதியை நிறைவேற்றுவேன் என்று நம் தமிழ்நாடு முதலமைச்சர் சொன்னதாக உளறிக் கொட்டுகிறார்.</p>
<p>ஆபாசநிதியே உன் பெயர்களின் வரிசையில் பொய்நிதிதான் முதல் பெயரா? பொய்கள்தான் உன் அரசியலின் முதலீட்டு<br />நிதியா?</p>
<p>இவ்வாறு அதில் பதிவிடப்பட்டுள்ளது.</p>
<h2><strong>சரமாரி விமர்சனங்கள்:</strong></h2>
<p>இரு கட்சியின் அதிகாரப்பூர்வ ஐடி பக்கங்களிலும் சரமாரியான விமர்சனங்களை இரு கட்சியினரும் மேற்கொண்டு வருகின்றனர். தற்போது இடைத்தேர்தல் என்பதால் இரு கட்சியினரும் சரமாரி விமர்சனத்துடன் இந்த பரப்புரையில் ஈடுபட்டு வருகின்றனர்.</p>
<p>தனிப்பெரும்பான்மை இல்லாமல் ஆட்சி நடத்தி வரும் தவெக அரசுக்கு இந்த இரு தொகுதிகளின் வெற்றி மிக மிக முக்கியம் ஆகும். இந்த இரு தொகுதிகளின் வெற்றியைப் பொறுத்தே சட்டசபையில் தமிழக வெற்றிக் கழகத்தின் பலம் மேலும் அதிகரிக்கும். </p>
<p>5 முனைப் போட்டி உள்ள நிலையில், தவெக அரசின் அமைச்சர்கள், எம்எல்ஏ-க்கள் ஆகியோர் இரு தொகுதியிலும் முகாமிட்டுள்ளனர். திமுக-வைப் பொறுத்தமட்டிலும் முன்னாள் அமைச்சர்களும் இரு தொகுதியிலும் முகாமிட்டுள்ளனர். </p>
<h2><strong>முடிவுகள்:</strong></h2>
<p>இந்த தொகுதியின் முடிவுகளைப் பொறுத்தே எஞ்சியுள்ள 5 தொகுதிகளுக்கான இடைத்தேர்தலில் தவெக வேட்பாளர்களாக பதவியை ராஜினாமா செய்துவிட்டு வந்த வேட்பாளர்களை களமிறக்கலாமா? வேண்டாமா? என்பதை <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> முடிவு செய்யும் என்று கருதப்படுகிறது. தேர்தல் முடிவுகள் வரும் அக்டோபர் 9ம் தேதி வெளியாக உள்ளது. </p>
<p><iframe class="vidfyVideo" style="border: 0px;" src="https://tamil.abplive.com/web-stories/health/here-are-the-health-benefits-of-consuming-peanut-butter-275780" width="631" height="381" scrolling="no"></iframe></p>
Source: Read Full Article
