<p> தமிழ்நாட்டின் சட்டமன்ற கூட்டத்தொடர் முன் எப்போதும் இல்லாத வகையில் மிகப்பெரிய தாக்கத்தை தமிழ்நாடு முழுவதும் ஏற்படுத்தியுள்ளது. முழுவதும் நேரலையில் தவெக ஆட்சியில் நேரலை ஒளிபரப்பப்பட்டது. </p>
<h2>அனல்பறந்த சட்டமன்றம்:</h2>
<p>காவல்துறை மானியக்கோரிக்கை மீதான முதலமைச்சரின் விஜய்யின் பதிலுரை திமுக-வினர் மத்தியில் ஆதங்கத்தை ஏற்படுத்தியுள்ளது. சர்க்காரியா கமிஷன், கடந்த கால ஆட்சி மீதான அமலாக்கத்துறை குற்றச்சாட்டு, முன்னாள் அமைச்சர் <a title="செந்தில் பாலாஜி" href="https://tamil.abplive.com/topic/senthil-balaji" data-type="interlinkingkeywords">செந்தில் பாலாஜி</a> மீதான குற்றச்சாட்டு ஆகியவை குறித்து விஜய் பேசினார். மேலும், மு.க.ஸ்டாலினின் மிசா கைது குறித்தும் விஜய் பேசினார். </p>
<p>அப்போது, விஜய் வெளிப்படுத்திய உடல்மொழிக்கு திமுக உள்ளிட்ட பல்வேறு கட்சியினரும் கண்டனம் தெரிவித்தனர். இந்த நிலையில், இன்று முன்னாள் முதலமைச்சர் மு.க.ஸ்டாலின் முதலமைச்சர் விஜய்க்கு அறிவுரை கூறும் வகையில் வீடியோ வெளியிட்டுள்ளார்.</p>
<h2><strong>தவெக கண்டனம்:</strong></h2>
<p>இந்த நிலையில், முன்னாள் முதலமைச்சர் மு.க.<a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a> மற்றும் முன்னாள் துணை முதலமைச்சரும், எதிர்க்கட்சித் தலைவருமான உதயநிதி கடந்த காலங்களில் மேடையில் அதிமுக-வின் மறைந்த பொதுச்செயலாளரும், மறைந்த முதலமைச்சருமான ஜெயலலிதா பற்றியும், முன்னாள் முதலமைச்சரான எடப்பாடி பழனிசாமி பற்றி சர்ச்சைக்குரிய வகையில் பேசிய வீடியோக்களை தவெக ஐடி விங் பகிர்ந்துள்ளது. </p>
<blockquote class="twitter-tweet" data-media-max-width="560">
<p dir="ltr" lang="ta">தலைமுறை தலைமுறையாகத் தொட்டுத் தொடரும் திமுகவின் ஆபாச பாரம்பரியம்!<br /><br />பெண்ணியம் என்பார்! பெண் விடுதலை என்பார்! ஆனால் கட்சி மேடை, கல்யாண மேடை, பொது மேடை எதுவாயினும் ஆபாசத்தை மட்டுமே கொள்கையாகக் கொள்வார்.<br /><br />குடும்ப வாரிசு + ஆபாச பேச்சு + வன்மம் +அவதூறு = திமுகவின் தலைமை தகுதி… <a href="https://t.co/VXuY6XyO1q">pic.twitter.com/VXuY6XyO1q</a></p>
— TVK IT Wing Official (@TVKHQITWingOffl) <a href="https://x.com/TVKHQITWingOffl/status/2098040912966455419?ref_src=twsrc%5Etfw">September 10, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>மேலும், அந்த வீடியோக்களுடன் <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> பதிவிட்டுள்ளதாவது,</p>
<h2><strong>ஆபாச பாரம்பரியம்:</strong></h2>
<p>தலைமுறை தலைமுறையாகத் தொட்டுத் தொடரும் திமுகவின் ஆபாச பாரம்பரியம்! பெண்ணியம் என்பார்! பெண் விடுதலை என்பார்! ஆனால் கட்சி மேடை, கல்யாண மேடை, பொது மேடை எதுவாயினும் ஆபாசத்தை மட்டுமே கொள்கையாகக் கொள்வார்.</p>
<p>குடும்ப வாரிசு + ஆபாச பேச்சு + வன்மம் +அவதூறு = திமுகவின் தலைமை தகுதி சான்றிதழ்! பேச்சில் இத்துணை ஆபாசம் பாய்ந்து இருந்தால், இவர்களின் ஆட்சியில் மட்டும் எத்துணை கண்ணியம் இருந்திருக்கும்?</p>
<p>கடமை, கண்ணியம், கட்டுப்பாடு என்று ஊருக்கு உபதேசித்துவிட்டு இவர்கள் பேசுவது ஆபாசமும் அசிங்கமும் தான்</p>
<p>இவ்வாறு பதிவிட்டுள்ளனர்.</p>
<p>சட்டமன்றத்தில் பேசிய முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> பெண்கள் குறித்து அவதூறாக ஆபாசமாக யார் பேசினாலும் அவர்கள் மீது பாரபட்சமின்றி நடவடிக்கை எடுக்கப்படும் என்று எச்சரித்தார். மேலும், ஆபாசநதி, வன்மநதி என்று உதயநிதியையும் மறைமுகமாக விமர்சித்து பேசியிருந்தார் என்பதும் குறிப்பிடத்தக்கது.</p>
<p><iframe class="vidfyVideo" style="border: 0px;" src="https://tamil.abplive.com/web-stories/health/read-these-tips-and-follow-for-better-sleep-274116" width="631" height="381" scrolling="no"></iframe></p>
Source: Read Full Article
