<p><strong>TN weather Rain Update (05-09-2026):</strong> சென்னையில் இன்று இடி மின்னல் மற்றும் பலத்த காற்றுடன் லேசானது முதல் மிதமான மழைக்கு வாய்ப்புள்ளதாக கணிக்கப்பட்டுள்ளது.</p>
<h2><strong>இன்று எங்கெல்லாம் மழைக்கு வாய்ப்பு?</strong></h2>
<p><strong>வானிலை மையம் வெளியிட்டுள்ள அறிக்கையில், “</strong>சுமார் 7.6 கிமீ உயரத்தில் கடலோர தமிழகம் மற்றும் அதனை ஒட்டிய தென்மேற்கு வங்கக்கடல் பகுதிகளின் மேல் ஒரு வளிமண்டல சுழற்சி நிலவுகிறது. சுமார் 0.9 கிமீ உயரத்தில் தெற்கு உள் கர்நாடகா முதல் மன்னார் வளைகுடா வரை தமிழக பகுதிகள் வழியாக ஒரு காற்றழுத்த தாழ்வு பாதை (Trough) நிலவுகிறது. நேற்று தமிழக கடலோரப்பகுதிகளில் கீழ்மட்ட வளிமண்டலத்தில் நிலவிய பலவீனமான காற்றழுத்தத்தாழ்வுப் பாதை (Feeble Trough) மேல் குறிப்பிட்ட காற்றழுத்த தாழ்வு பாதையுடன் இணைந்துள்ளது.</p>
<p>இதன் காரணமாக இன்று மேற்கு தொடர்ச்சி மலை மாவட்டங்கள், மதுரை, சிவகங்கை, ராமநாதபுரம் மற்றும் விருதுநகர் மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய லேசானது முதல் மிதமான மழை பெய்யக்கூடும். ஏனைய தமிழகத்தில் ஒரிரு இடங்களிலும் புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசான மழை பெய்யக்கூடும்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/auto/which-is-the-most-expensive-bike-in-pakistan-details-in-pics-273495" width="631" height="381" scrolling="no"></iframe></p>
<h2><strong>அடுத்த 5 நாட்களுக்கான வானிலை:</strong></h2>
<p><strong>06-09-2026 முதல் 08-09-2026 வரை</strong>: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசான மழை பெய்யக்கூடும்</p>
<p><strong>09-09-2026 மற்றும் 10-09-2026:</strong> மேற்கு தொடர்ச்சி மலை மாவட்டங்கள், வட தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். ஏனைய தமிழகத்தில் ஓரிரு இடங்களில் லேசான மழை பெய்யக்கூடும்.</p>
<p><iframe title="YouTube video player" src="https://www.youtube.com/embed/I5UnC-6NYGc?si=0GMT_GMHLHfQ7rNV" width="560" height="315" frameborder="0" allowfullscreen="allowfullscreen"></iframe></p>
<h2><strong>அதிகபட்ச வெப்பநிலை பற்றிய முன்னறிவிப்பு:</strong></h2>
<p><strong>05-09-2026 முதல் 08-09-2026 வரை:</strong> உள் தமிழகத்தில் அதிகபட்ச வெப்பநிலை ஒருசில இடங்களில் 2-4° செல்சியஸ் இயல்பை விட அதிகமாகவும், கடலோர தமிழகம், புதுவை மற்றும் காரைக்கால் பகுதிகளில் இயல்பை ஒட்டியும் இருக்கக்கூடும்.</p>
<h2><strong>சென்னை பகுதிகளுக்கான வானிலை முன்னறிவிப்பு:</strong></h2>
<p>சென்னையை பொறுத்தவரை இன்று வானம் ஓரளவு மேகமூட்டத்துடன் காணப்படும். மாலை/இரவு நேரங்களில் நகரின் ஒருசில பகுதிகளில் இடி மின்னலுடன் கூடிய லேசான/ மிதமான மழை பெய்ய வாய்ப்புள்ளது. அதிகபட்ச வெப்பநிலை 35-36° செல்சியஸை ஒட்டியும், குறைந்தபட்ச வெப்பநிலை 26-27° செல்சியஸை ஒட்டியும் இருக்கக்கூடும்” என வானிலை மையம் எச்சரித்துள்ளது. இதனிடையே நேற்று மாலை முதலும் சென்னை மற்றும் அதன் சுற்றுவட்டார பகுதிகளில் மேகமூட்டமான சூழலே நிலவுகிறது. ஒரு சில இடங்களில் லேசான மழை பெய்தாலும், குளிர்ச்சியான உணர்விற்கு பதிலாக உஷ்ணத்தை கிளப்பியுள்ளதாக பொதுமக்கள் தெரிவிக்கின்றனர்.</p>
<p>மீனவர்களுக்கு என பிரத்யேகமான முன்னெச்சரிக்கைகள் எதுவும் வழங்கப்படவில்லை.</p>
<p> </p>
Source: Read Full Article
