TN Weather News: இடி, மின்னல், பலத்த காற்றுடன் இன்று எங்கெல்லாம் மழை? 16 மாவட்டங்கள், தமிழக வானிலை அறிக்கை

<p><strong>TN weather Rain Update (06-09-2026):</strong> சென்னையில் இன்று மிதமான மழைக்கு வாய்ப்புள்ளதாக வானிலை மையம் எச்சரித்துள்ளது.</p> <h2><strong>இன்று எங்கெல்லாம் மழைக்கு வாய்ப்பு..!</strong></h2> <p>வானிலை மையம் வெளியிட்டுள்ள அறிக்கையில், &ldquo;சுமார் 7.6 கிமீ உயரத்தில் கடலோர தமிழகம் மற்றும் அதனை ஒட்டிய தென்மேற்கு வங்கக்கடல் பகுதிகளின் மேல் ஒரு வளிமண்டல சுழற்சி நிலவுகிறது. சுமார் 0.9 கிமீ உயரத்தில் தெற்கு தெலுங்கானா முதல் மன்னார் வளைகுடா வரை ராயலசீமா மற்றும் தமிழக பகுதிகள் வழியாக ஒரு காற்றழுத்த தாழ்வு பாதை (Trough) நிலவுகிறது.</p> <p>அதன் காரணமாக இன்று மேற்கு தொடர்ச்சி மலை மாவட்டங்கள், மதுரை, விருதுநகர் மற்றும் சிவகங்கை மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 40 முதல் 50 கிலோ மீட்டர் வேகத்தில்) கூடிய லேசான முதல் மிதமான மழை பெய்யக்கூடும். ஏனைய தமிழகம், புதுவை மற்றும் காரைக்கால் பகுதிகளில் ஓரிரு இடி மின்னலுடன் கூடிய லேசான மழை பெய்யக்கூடும்.</p> <p><iframe class="vidfyVideo" style="border: 0px;" src="https://tamil.abplive.com/web-stories/gk/can-you-travel-on-waiting-list-train-ticket-know-the-rules-details-in-pics-273603" width="631" height="381" scrolling="no"></iframe></p> <h2><strong>7 மணி வரையிலான அலெர்ட்:</strong></h2> <p>அதிகாலையில் வெளியிடப்பட்டுள்ள மற்றொரு அறிக்கையின்படி, அரியலூர், கள்ளக்குறிச்சி, பெரம்பலூர், சேலம், தஞ்சாவூர், திருவாரூர், நாகப்பட்டினம், புதுக்கோட்டை, சிவகங்கை, கடலூர், திருவண்ணாமலை, விழுப்புரம், சென்னை, திருவள்ளூர், காஞ்சிபுரம் மற்றும் செங்கல்பட்டு மாவட்டங்களில் ஒரு சில இடங்களில், காலை 7 மணி வரை இடி மின்னல் மற்றும் பலத்த காற்றுடன் மழைக்கு வாய்ப்புள்ளதாக தெரிவிக்கப்பட்டுள்ளது.</p> <h2><strong>அடுத்த 5 நாட்களுக்கான எச்சரிக்கை:</strong></h2> <p><strong>07-09-2026 மற்றும் 08-09-2026 வரை:</strong> தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசான மழை பெய்யக்கூடும்.</p> <p><strong>09-09-2026 மற்றும் 10-09-2026:</strong> மேற்கு தொடர்ச்சி மலை மாவட்டங்கள், வட கடலோர தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். ஏனைய தமிழகத்தில் ஓரிரு இடங்களில் லேசான மழை பெய்யக்கூடும்.</p> <p><strong>11-09-2026:</strong> தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசான மழை பெய்யக்கூடும்.</p> <p><iframe title="YouTube video player" src="https://www.youtube.com/embed/1zKGYOLvjNg?si=qkwLWCu2g4g6_qQp" width="560" height="315" frameborder="0" allowfullscreen="allowfullscreen"></iframe></p> <h2><strong>அதிகபட்ச வெப்பநிலை பற்றிய முன்னறிவிப்பு:</strong></h2> <p><strong>06-09-2026 முதல் 09-09-2026 வரை:</strong> உள் தமிழகத்தில் அதிகபட்ச வெப்பநிலை ஒருசில இடங்களில் 2-4&deg; செல்சியஸ் இயல்பை விட அதிகமாகவும், கடலோர தமிழகம், புதுவை மற்றும் காரைக்கால் பகுதிகளில் இயல்பை ஒட்டியும் இருக்கக்கூடும்.</p> <h2><strong>சென்னை பகுதிகளுக்கான வானிலை முன்னறிவிப்பு:</strong></h2> <p>சென்னையை பொறுத்தவரை இன்று வானம் ஓரளவு மேகமூட்டத்துடன் காணப்படும். மாலை அல்லது இரவு நேரங்களில் நகரின் ஒருசில பகுதிகளில் இடி மின்னலுடன் கூடிய லேசான/ மிதமான மழை பெய்ய வாய்ப்புள்ளது. அதிகபட்ச வெப்பநிலை 36-37&deg; செல்சியஸை ஒட்டியும், குறைந்தபட்ச வெப்பநிலை 26-27* செல்சியஸை ஒட்டியும் இருக்கக்கூடும்&rdquo; என வானிலை மையம் எச்சரித்துள்ளது.</p> <p>இதனிடையே, மீனவர்களுக்கு என எந்தவொரு முன்னெச்சரிக்கைகளையும் வானிலை மையம் அளிக்கவில்லை.</p>

Source: Read Full Article