<header class="main__header">
<div class="temp__container">
<div class="nav__section">
<h2 class="it__logo"><strong>"அங்கீகாரம் தொடர்பான விஷயங்களில் கவனம்"</strong></h2>
</div>
</div>
</header>
<div id="main" class="section__cities sectionId__1206628 pagenode__2482065 pagetype__video" aria-hidden="false">
<div class="temp__container">
<div class="temp__layout">
<div class="content__section"><main class="main__content">
<div class="lhs__section">
<div class="videoCard__widget widgetgap">
<div class="video__grid">
<div class="videoplayer__widget widgetgap">
<div class="videodetails">
<div class="description">
<div class="clearfix text-formatted field field--name-body field--type-text-with-summary field--label-hidden field__item">
<p>சென்னை போன்ற நகரங்களில் வீடு வாங்க வேண்டும் என்று தான் பெரும்பாலான மக்கள் நினைக்கின்றனர். ஆனால் , இங்கு காணப்படும் விலை உயர்வு ஒரு கட்டத்தில் குறைந்த வருவாய் பிரிவினர் யாரும் வீடு வாங்க முடியாது என்ற சூழலை ஏற்படுத்தி விடுகிறது.</p>
<p>இதனால் , குறைந்த வருவாய் , நடுத்தர வருவாய் பிரிவு மக்கள் பழைய வீடுகளை வாங்கி குடியேறும் நிலைக்கு தள்ளப்பட்டனர். ஆனால் , பழைய வீடுகள் விலையும் வெகுவாக உயர்ந்து வரும் நிலையில் , பக்கத்து மாவட்டங்களில் காலி மனை வாங்கலாம் என்று நினைக்கின்றனர்</p>
<p>இவர்கள் மட்டுமல்ல , சென்னை போன்ற நகரங்களில் ஏற்கனவே சொந்த வீடு வைத்துள்ளவர்களும் , எதிர்கால தேவை என்ற அடிப்படையில் பக்கத்து மாவட்டங்களில் காலி மனை வாங்க ஆசைப்படுகின்றனர். இவ்வாறு காலி மனை வாங்கும் போது , அதன் அங்கீகாரம் தொடர்பான விஷயங்களில் கவனமாக இருக்க வேண்டும்.</p>
<p>புதிதாக உருவாக்கப்பட்ட மனைப் பிரிவு திட்டம் என்றால் , நகர் , ஊரமைப்பு சட்டப்படியான அங்கீகாரம் இருக்கிறதா என்று பாருங்கள். முறையான அங்கீகாரம் இல்லாத புதிய மனைப் பிரிவு திட்டங்களில் நிலம் வாங்குவது பிரச்னைகளுக்கு வழிவகுப்பதாக அமையும். குறிப்பாக , புதிதாக நீங்கள் மனை வாங்க விரும்பும் திட்டத்தில் , மனைகளுக்கு வழிகாட்டி மதிப்பு என்ன வகைப்பாட்டில் நிர்ணயிக்கப்பட்டுள்ளது என்று பாருங்கள்.</p>
<h2><strong>"தவணை முறையில் மனைகள்"</strong></h2>
<p>குடியிருப்புக்கான வகைப்பாட்டில் மனைகளுக்கு வழிகாட்டி மதிப்பு இல்லா விட்டால் அதுவும் பிரச்னையை ஏற்படுத்தும். இதில் தற்போது , மனைக்கான விலை தொகையை தவணை முறையில் செலுத்தலாம் என, ரியல் எஸ்டேட் நிறுவனங்கள் சலுகை வழங்குகின்றன.</p>
<p>இது போன்று , மனைக்கான விலை தொகையை தவணை முறையில் செலுத்தும் வாய்ப்பு நடுத்தர மக்களுக்கு வசதியாக அமையும். ஆனால், தவணை முறையின் மனை விற்பனை என்றால், அதில் மனையின் விலையில் ஏதாவது மாற்றம் இருக்கிறதா என்று பாருங்கள்.</p>
<p>அதன் பின், மனையின் விலை என்ன, அதில் முன்பணமாக எவ்வளவு ரூபாய் செலுத்த வேண்டும், மீதி தொகையை எத்தனை மாதங்களில் செலுத்த வேண்டும் என்பதற்கான எழுத்துப் பூர்வ அறிக்கையை பெற வேண்டும்.</p>
<p>சில நிறுவனங்கள் , மனையின் விலையில் 50 சதவீத தொகையை செலுத்தியவுடன் உங்கள் பெயருக்கு பத்திரப் பதிவு செய்து கொடுத்து விடும். மீதி தொகையை ஆறு மாதம் அல்லது ஒரு ஆண்டுக்குள் தவணைகளாக செலுத்த அனுமதிக்கும்.</p>
<h2><strong>"மனையை முன் கூட்டியே தேர்வு செய்ய வேண்டும்"</strong></h2>
<p>எனவே, நீங்கள் தவணை முறையில் மனை வாங்கும் போது அதன் விலை, தவணை காலத்துக்கு வட்டி வசூலிக்கப்படுமா, பத்திரப் பதிவு எப்போது என்பது போன்ற விஷயங்களை தெளிவாக விசாரித்து அறிய வேண்டும். குறிப்பாக , உங்களுக்கான மனையை முன்கூட்டியே தேர்வு செய்ய வேண்டியது அவசியம்.</p>
<p>தவணை முடிந்த நிலையில் மனை தேர்வு என்பது உங்களுக்கு பல்வேறு பிரச்னைகளை ஏற்படுத்த வாய்ப்புள்ளது. வசதி குறைவான மனை கிடைக்க வாய்ப்பு உள்ளது என்கின்றனர் நகரமைப்பு வல்லுனர்கள்.</p>
<p>தவணை முறையில் மனை வாங்கும் போது அதன் விலை , தவணை காலத்துக்கு வட்டி வசூலிக்கப்படுமா , பத்திரப்பதிவு எப்போது என்பது போன்ற விஷயங்களை தெளிவாக விசாரித்து அறிய வேண்டும்</p>
</div>
</div>
</div>
</div>
</div>
</div>
</div>
</main></div>
</div>
</div>
</div>
Source: Read Full Article
