<p>தமிழ்நாட்டைச் சேர்ந்த மாணவர் பாரதிதாசன் மலேசியாவில் படித்து வருகிறார். அவரது கல்வி உதவித்தொகையை தமிழக அரசு கவனித்து வருகிறது. தவெக ஆட்சி அமைந்தது முதலே அவருக்கு கல்வி உதவித்தொகை கிடைக்கவில்லை என்று அந்த மாணவர் ஏற்கனவே குற்றம் சாட்டியிருந்தார். </p>
<p>இந்த நிலையில், தான் கோரிக்கை விடுத்தும் தமிழக அரசு தனது கோரிக்கையை நிறைவேற்றாத காரணத்தால் தன்னை கல்லூரியில் இருந்து நீக்கும் அபாயம் ஏற்பட்டுள்ளதாக அந்த மாணவர் வேதனையாக வீடியோ வெளியிட்டிருந்தார். </p>
<p>இந்த விவகாரத்தில் மாணவருக்கு உரிய உதவியை அரசு செய்ய வேண்டும் என்று முன்னாள் முதலமைச்சரும், திமுக தலைவருமான மு.க.<a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a> பதிவிட்டுள்ளார். தனது எக்ஸ் பக்கத்தில் அவர் பதிவிட்டுள்ளதாவது,</p>
<h2><strong>நெஞ்சம் கனக்கிறது:</strong></h2>
<p>“எதைப் பற்றியும் கவலைப்படாமல் படியுங்கள். உங்களுக்கு என்ன தேவையென்றாலும் நமது அரசு நிறைவேற்றித் தரும்” என்ற நம்பிக்கையை முதலமைச்சராக ஒவ்வொரு மேடையிலும் விதைத்தவன் என்ற வகையில், இந்தத் தம்பியின் கண்ணீர் நெஞ்சைக் கனக்கச் செய்கிறது.</p>
<blockquote class="twitter-tweet">
<p dir="ltr" lang="ta">“எதைப் பற்றியும் கவலைப்படாமல் படியுங்கள். உங்களுக்கு என்ன தேவையென்றாலும் நமது அரசு நிறைவேற்றித் தரும்” என்ற நம்பிக்கையை முதலமைச்சராக ஒவ்வொரு மேடையிலும் விதைத்தவன் என்ற வகையில், இந்தத் தம்பியின் கண்ணீர் நெஞ்சைக் கனக்கச் செய்கிறது.<br /><br />அவர் கேட்பது உதவியில்ல, அரசு சார்பில் அவருக்கு…</p>
— M.K.Stalin (@mkstalin) <a href="https://x.com/mkstalin/status/2100579609364591066?ref_src=twsrc%5Etfw">September 17, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>அவர் கேட்பது உதவியில்ல, அரசு சார்பில் அவருக்கு உறுதியளிக்கப்பட்ட உரிமையைத்தான் கோருகிறார். ஆட்சி மாற்றம் ஏற்பட்ட காரணத்தாலேயே ஒரு மாணவரின் பல ஆண்டு உயர்கல்விக் கனவு பாழாகக் கூடாது. </p>
<h2><strong>அவப்பெயர் வேண்டாம்:</strong></h2>
<p>ரோகித் வெமுலாவுக்கு நடந்தது போல எனக்கும் நடக்கிறது என்கிறார். எங்களுக்கு எதிர்க்கட்சியாகவே இருந்தாலும் அப்படி ஒரு அவப்பெயரைத் த.வெ.க. அரசு சுமக்க வேண்டாம் என்பதே என் வேண்டுகோள்.</p>
<p>மாணவர் பாரதிதாசனுக்குத் தேவைப்படும் நிதியை வழங்கமுடியாது என்றால் அதனை முதலமைச்சர் வெளிப்படையாக அறிவித்துவிடவும். தி.மு.க.வும் தமிழ்நாட்டு மக்களும் அந்த மாணவருக்கான கல்விக் கட்டணத்தைக் கட்டிப் படிக்க வைப்போம்.</p>
<p>இவ்வாறு அவர் பதிவிட்டுள்ளார்.</p>
<h2><strong>தமிழக அரசு என்ன செய்யப்போகிறது?</strong></h2>
<p>மாணவர் பாரதிதாசனுக்கு ஆதரவாக பல்வேறு தரப்பினரும் தொடர்ந்து குரல் எழுப்பி வருகின்றனர். இந்த விவகாரத்தில் மாணவருக்கு உரிய உதவியை அரசு செய்ய வேண்டும் என்று தவெக அரசுக்கு பல தரப்பினரும் வலியுறுத்தி வருகின்றனர். இதனால், விரைவில் <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசு இந்த விவகாரத்தில் தக்க நடவடிக்கை எடுக்கும் என்று கருதப்படுகிறது. </p>
<p>தமிழ்நாட்டில் மதுராந்தகம் மற்றும் தாராபுரம் தொகுதியில் விரைவில் இடைத்தேர்தல் நடைபெற உள்ள நிலையில், இந்த விவகாரம் தமிழக அரசுக்கு பின்னடைவை உண்டாக்கும் சூழலும் உருவாகியுள்ளது. </p>
<p><iframe class="vidfyVideo" style="border: 0px;" src="https://tamil.abplive.com/web-stories/health/what-happens-if-you-drink-too-much-soda-274797" width="631" height="381" scrolling="no"></iframe></p>
Source: Read Full Article
