Donald Trump: “எங்கள்ட ஆயுதங்கள் தீர்ந்துடுமா.? கோழைகளும், துரோகிகளும் தான்..“ கொந்தளித்த ட்ரம்ப் கூறியது என்ன.?

<p><span dir="auto">மேற்கு ஆசியாவில் ஈரானுடன் நிலவி வரும் மோதல் மற்றும் பதற்றங்களுக்கு மத்தியில், அமெரிக்க</span><span dir="auto"> அதிபர் டொனால்ட் ட்ரம்ப் ஒரு முக்கிய அறிக்கையை வெளியிட்டுள்ளார். ஈரான் மோதலின் போது, அமெரிக்காவிடம் வெடிமருந்துகள் மற்றும் ஆயுதங்களுக்கு தட்டுப்பாடு நிலவுவதாகக் கூறப்படும் யூகங்களை அவர் முற்றிலுமாக நிராகரித்துள்ளார். அமெரிக்காவிடம் வெடிமருந்துகள் மற்றும் ஆயுதங்களுக்கு எந்தத் தட்டுப்பாடும் இல்லை என்று ட்ரம்ப் கூறியுள்ளார். அமெரிக்கா தனது ஆயுதக் கையிருப்பை தொடர்ந்து அதிகரித்து வருவதாகவும் அவர் தெரிவித்துள்ளார்.</span></p> <p><span dir="auto">மேற்கு ஆசியாவில் அமெரிக்காவிற்கும் ஈரானுக்கும் இடையிலான பதற்றம் கிட்டத்தட்ட 7 மாதங்களாக அதிகரித்து வருகிறது. அமெரிக்க ஆயுத விநியோகத்தில் தட்டுப்பாடு ஏற்படக்கூடும் என்ற யூகங்கள் எழுந்த நிலையில், அமெரிக்க அதிபர் டொனால்ட் ட்ரம்ப் இன்று தனது சமூக வலைதள பக்கத்தில் ஒரு பதிவைப் பகிர்ந்தார்.</span></p> <h2><span dir="auto">ட்ரம்ப்பின் பதிவு என்ன.?</span></h2> <p><span dir="auto">தனது ட்ரூத் சோசியல் பக்கத்தில் பதிவிட்ட அமெரிக்க அதிபர் ட்ரம்ப், அந்தப் பதிவில், ஆயுதப் பற்றாக்குறை குறித்த அச்சங்களை டொனால்ட் டிரம்ப் முற்றிலுமாக நிராகரித்ததோடு, 'கோழைகளும் துரோகிகளும் அமெரிக்காவிடம் வெடிமருந்துகளும் ஆயுதங்களும் தீர்ந்துவிட்டதாகக் கூற விரும்புவார்கள், ஆனால் அது உண்மையல்ல' என்றும் கூறியுள்ளார்.</span></p> <p><span dir="auto">'நம்மிடம் உள்ள அனைத்து வகையான ஆயுதங்களையும் பயன்படுத்துவதை நம்மால் கற்பனை செய்துகூட பார்க்க முடியாது. ஆனால் இப்போது, ​​முன்னெப்போதும் இல்லாத அளவிற்கு நமது ஆயுதக் கையிருப்பை அதிகரித்து வருகிறோம்,' என்று அவர் பதிவிட்டுள்ளார்.&nbsp;</span></p> <p><span dir="auto"><iframe class="truthsocial-embed" style="max-width: 100%; border: 0;" src="https://truthsocial.com/@realDonaldTrump/117314399826449877/embed" allowfullscreen="allowfullscreen"></iframe> <script src="https://truthsocial.com/embed.js" async="async"></script> </span></p> <h2><span dir="auto">பெஷெஷ்கியனின் நியூயார்க் பயணத்திற்கு முன்பு வெளியான ட்ரம்ப்பின் அறிக்கை</span></h2> <p><span dir="auto">அமெரிக்க ஆயுதக் கையிருப்பு குறித்த அதிபர் டொனால்ட் ட்ரம்பின் அறிக்கை, ஈரான் அதிபர் மசூத் பெஷெஷ்கியன் தலைமையிலான ஈரானிய தூதுக்குழுவின் நியூயார்க் பயணத்திற்கு முன்னதாக வெளியாகியுள்ளது. </span></p> <p><span dir="auto">ஈரானிய அதிபர் மசூத் பெஷெஷ்கியன், ஐக்கிய நாடுகள் பொதுச் சபையில் (UNGA) கலந்துகொள்வதற்காக, இந்த வாரம் நியூயார்க்கிற்கு செல்ல இருக்கிறார். அவரது பயணத்திற்காக ட்ரம்ப் நிர்வாகத்தின் வெளியுறவுத்துறை அவருக்கு விசாக்களை வழங்கியுள்ளது. இதற்கிடையே, ஐ.நா. பொதுச் சபையின் போது, தனது ஈரானிய சகாவை சந்திப்பது குறித்து அமெரிக்க அதிபர் டொனால்ட் ட்ரம்ப் சூசகமாக தெரிவித்துள்ளார்.</span></p> <p><span dir="auto">பெஷெஷ்கியனின் அமெரிக்க பயணத்தின் போது, அமெரிக்க அதிபர் ட்ரம்ப் அவரை தனியாக சந்தித்து அவருடன் பேசுவாரா என்ற எதிர்பார்ப்பு எழுந்துள்ளது. என்ன நடக்கிறது என்பதை பொறுத்திருந்து பார்ப்போம்.</span></p> <p>&nbsp;</p> <p><span dir="auto"><iframe class="vidfyVideo" style="border: 0px;" src="https://tamil.abplive.com/web-stories/health/benefits-of-milk-know-5-health-benefits-of-drinking-milk-daily-275315" width="631" height="381" scrolling="no"></iframe></span></p> <p>&nbsp;</p>

Source: Read Full Article