<p>மதுராந்தகம் தொகுதி இடைத் தேர்தலில் தவெக வேட்பாளருக்குப் பிரச்சாரம் செய்ய முதல்வர் விஜய், ஆத்தூர் வந்துள்ளார்.</p>
<p><strong>அங்கு அவர் பேசியதாவது:</strong></p>
<p>’’முதலமைச்சராக இங்கு நான் வரவில்லை. இடைத் தேர்தலுக்காக ஓட்டு கேட்டு வந்துள்ளேன். உங்க வீட்டுப் பிள்ளையாக, அண்ணனாக, தம்பியாக, மகனாக ஓட்டு கேட்டு வந்திருக்கிறேன்.</p>
<p>தமிழ்நாட்டில் ஆபாச நதி ஓடிக்கொண்டு இருக்கிறது. திமுகவில் தலைவர் முதல் நிர்வாகிகள் வரை அவதூறாகவே பேசிக் கொண்டிருக்கிறார்கள்.</p>
<h2><strong>என் தங்கச்சி மரகதம் குமரவேல்…</strong></h2>
<p>என் தங்கச்சி மரகதம் குமரவேலுக்கு தயவுசெய்து விசில் சின்னத்துக்கு ஓட்டு போடுங்கள். விசில் சின்னத்துக்கு நீங்கள் ஓட்டு போடுவது, மகளிர் பாதுகாப்புக்கு நீங்களே கொடுக்கும் உறுதி.</p>
<p>முன்னாள் முதல்வர் ஜெயலலிதாவை, திமுக தலைவர் ஸ்டாலினே ஆபாசமாகப் பேசினார். திமுகவுக்கு வாக்களிப்பது, பெண்கள் மீதான ஆபாச பேச்சை ஆதரிப்பது ஆகிவிடும்.</p>
<p><strong>திமுகவின் கிளைக் கழகமான அதிமுக</strong></p>
<p>பாஜகவின் கிளைக் கழகமாக இருந்த அதிமுக, தற்போது திமுகவின் கிளைக் கழகமாக மாறி விட்டது. அரசியலுக்கு நாங்கள் (<a title="தவெக" href="https://tamil.abplive.com/topic/tvk" data-type="interlinkingkeywords">தவெக</a>) குழந்தைதான். ஆனால் மக்களின் குழந்தை.</p>
<p><strong>திமுகதான் பாஜக, பாஜகதான் திமுக!</strong></p>
<p>எப்போது பார்த்தாலும் பாஜக உள்ளே வந்துவிடும் என்று பூச்சாண்டி காட்டுகின்றனர். டெல்லியில் உள்ள திமுகதான் பாஜக. தமிழ்நாட்டில் உள்ள பாஜகதான் திமுக.</p>
<p><strong>வாயைத் திறங்க ஸ்டாலின் சார்!</strong></p>
<p>தமிழ்நாட்டில் சிறுமிகளைச் சீரழித்த ஒருவனைத் தூக்கி உள்ளே வைத்துவிட்டோம். ஆனால் திமுக ஆட்சியில் நடந்த இந்தக் குற்றம்பற்றி ஸ்டாலினோ, மற்றும் பலரோ வாயையே திறக்கவில்லை. இதில் கூடவா கூட்டு வைப்பீர்கள்?</p>
<p><strong>ஸ்டாலின் என் SWEET UNCLE!</strong></p>
<p>மு.க.<a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a>தான் எதிர்க்கட்சித் தலைவர்கூட ஆகவில்லையே, ஏன் விமர்சிக்கிறேன் என்கிறார்கள். தேர்தலில் ஜெயித்தாலும் தோற்றாலும் அவர் என்னோட ஸ்வீட் அங்கிள்!''.</p>
<p>இவ்வாறு முதல்வர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> பேசினார்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/food/rice-chilla-275492" width="631" height="381" scrolling="no"></iframe></p>
Source: Read Full Article
