சபரிமலை அரவணை தட்டுப்பாடு: ஐயப்ப பக்தர்கள் அதிர்ச்சி, காரணம் என்ன?

<p style="text-align: justify;">சபரிமலை பிரசதமான அரவணை பாயாசம் நபர் ஒருவருக்கு ஒரு டின் அரவணை மட்டுமே&nbsp; விநியோகிக்கப்பட்டது. நடை அடைக்கப்படும் நாளான இன்று பக்தர்கள் வருகை மேலும் அதிகரித்தால், ஒரு டின் அரவணை கூட வழங்க முடியாத இக்கட்டான சூழல் உருவாகியுள்ளதாக புகார் எழுந்துள்ளது.</p> <p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/09/23/da7bc3f0d651281ce946e872be46933b1790138740921193_original.JPG" /></p> <p style="text-align: justify;">புரட்டாசி மாத பூஜைகளுக்காக சபரிமலை ஐயப்ப சுவாமி கோயில் திருநடை கடந்த 16-ம் தேதி மாலை திறக்கப்பட்டது. இந்த நிலையில் சபரிமலையில் அரவணை பிரசாதத்துக்கு கடும் தட்டுப்பாடு ஏற்பட்டுள்ளது. இதனால் பக்தர்களுக்கு நபர் ஒருவருக்கு ஒரு டின் அரவணை மட்டுமே நேற்று விநியோகிக்கப்பட்டது. நடை அடைக்கப்படும் நாளான இன்று பக்தர்கள் வருகை மேலும் அதிகரித்தால், ஒரு டின் அரவணை கூட வழங்க முடியாத இக்கட்டான சூழல் உருவாகும் நிலை ஏற்பட்டுள்ளது.</p> <p style="text-align: justify;"><a title="சபரிமலை" href="https://tamil.abplive.com/topic/sabarimala" data-type="interlinkingkeywords">சபரிமலை</a>யில் உள்ள அரவணை தயாரிப்பு ஆலையின் தயாரிப்புத் திறனை அதிகரிக்கும் நோக்கில் பராமரிப்புப் பணிகள் நடைபெற்று வருவதால், பிரசாத தயாரிப்பு முழுமையாக நிறுத்தி வைக்கப்பட்டதே இந்த தட்டுப்பாட்டிற்கு பிரதான காரணமாகும். கடந்த 20 நாட்களாக ஆலை தற்காலிகமாக மூடப்பட்டுள்ளது என தெரிவிக்கப்பட்டுள்ளது. மேலும், வழக்கமான மாதாந்திர பூஜையை விட இந்த முறை பக்தர்கள் வருகை எதிர்பார்த்ததை விட அதிகமாக இருந்ததே தட்டுப்பாட்டிற்கு காரணம் எனவும் தேவஸ்வம்போர்டு விளக்கம் அளித்துள்ளது.</p> <p style="text-align: justify;">​முந்தைய ஆண்டுகளில் விரிவாக்கம் அல்லது பராமரிப்புப் பணிகள் மேற்கொள்ளப்படும் போது கூட அரவணை தயாரிப்பு முழுமையாக நிறுத்தப்பட்டதில்லை என்பது குறிப்பிடத்தக்கது.&nbsp; ​கடந்த ஆண்டுகளில் புரட்டாசி மாதப் பூஜையின் போது சுமார் 2.50 லட்சம் முதல் 2.80 லட்சம் டின்கள் வரை அரவணை விற்பனையானது. அதனடிப்படையில், இம்முறை 3.20 லட்சம் டின்கள் அரவணை முன்னெச்சரிக்கையாகத் தயாரித்து இருப்பு வைக்கப்பட்ட பின்னரே ஆலை மூடப்பட்டது. ஆனால், நடை திறக்கப்பட்ட இரண்டே நாட்களில் கையிருப்பில் இருந்த 80 சதவீதத்திற்கும் அதிகமான அரவணை விற்றுத் தீர்ந்துவிட்டது.</p> <p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/09/23/2bc9e0924e8e971d8b5868574f7ad6721790138768064193_original.JPG" /></p> <p style="text-align: justify;">முந்தைய மண்டல - மகரவிளக்கு காலத்தின் போது தினசரி 3 முதல் 4 லட்சம் டின்கள் வரை அரவணை விற்பனையானது. அப்போது நாள் ஒன்றுக்கு 2 முதல் 2.25 லட்சம் டின்கள் வரை உற்பத்தி செய்யப்பட்டன. வரும் மண்டல காலத்துக்குள் அரவணை தயாரிப்பு ஆலையில் நாள் ஒன்றுக்கு 3.25 லட்சம் டின்கள் உற்பத்தி செய்யும் வகையில் பணிகள் தீவிரமாக நடைபெற்று வருகின்றன. தற்போது தினமும் 2 முதல் 2.25 லட்சம் டின்கள் தயாரிக்கும் வசதியே உள்ளது. அரவணை தயாரிக்க 26 தயாரிப்புப் பாத்திரங்கள், 6 குளிரூட்டும் அறைகள், 6 கொதிகலன்கள் செயல்பாட்டில் உள்ளன.</p> <p style="text-align: justify;">புதிதாக 6 ​அரவணை தயாரிப்புப் பாத்திரங்கள், 2 குளிரூட்டும் அறைகள், ஒரு ​கொதிகலன் ஆகியவை அமைக்கப்படுகின்றன. கடந்த ஆண்டு மண்டலகாலம் தொடங்கும் முன்பே 50 லட்சம் டின்கள் அரவணை இருப்பு வைக்கப்பட்டிருந்ததால் தட்டுப்பாடு ஏற்படாமல் தவிர்க்கப்பட்டது. புரட்டாசி மாத பூஜைகளுக்காக நடை திறக்கப்பட்டபோது பள்ளிகளுக்கு தொடர்ந்து மூன்று நாட்களும், அரசு அலுவலகங்களுக்கு இரண்டு நாட்களும் விடுமுறை கிடைத்ததால் வழக்கத்தை விட ஐயப்ப பக்தர்களின் வருகை கணிசமாக உயர்ந்தது. இதனால் அரவணை கொடுப்பதில் தட்டுப்பாடு ஏற்பட்டுள்ளதாக கூறப்படுகிறது.</p>

Source: Read Full Article