உள்ளாட்சித் தேர்தலுக்குள் திமுக இமேஜை உடைக்க த.வெ.க. போட்ட மாஸ் பிளான்! கசிந்த ரகசியம்

<p style="text-align: justify;">வரும் உள்ளாட்சித் தேர்தலுக்குள் ஆளும்கட்சியான தி.மு.க.வின் ஒட்டுமொத்த செல்வாக்கையும் உடைக்க வேண்டும் என்ற இலக்கோடு தமிழக வெற்றிக் கழகம் (த.வெ.க.) தீவிரமாகச் செயல்படத் தொடங்கியுள்ளது. கட்சி தொடங்கப்பட்டதில் இருந்தே தி.மு.க. எதிர்ப்பையே தனது பிரதான அரசியலாக த.வெ.க. தலைவர் விஜய் முன்னெடுத்து வருகிறார். 'தீயசக்தி தி.மு.க.' என்ற அ.தி.மு.க.வின் கோஷத்தைத் தனது கையில் எடுத்துள்ள அவர், ஆளும்கட்சி மீதான ஊழல் குற்றச்சாட்டுகளைத் தொடர்ச்சியாக அடுக்கி வருகிறார். அடுத்த மூன்று மாதங்களுக்கு தி.மு.க. மீதான இந்த விமர்சனத் தாக்குதலை மேலும் வேகப்படுத்த த.வெ.க. தலைமை முடிவு செய்துள்ளது.</p> <h3 style="text-align: justify;">த.வெ.க.வின் புதிய வியூகம் மற்றும் கூட்டமைப்பு</h3> <p style="text-align: justify;">சமீபத்தில் த.வெ.க.வின் உயர்வரை ஆலோசகர்கள், அரசு மற்றும் சமூக வலைதள நிர்வாகிகள் என மூன்று முக்கியக் கட்டமைப்புகளின் நிர்வாகிகளுடன் ஆலோசனைக் கூட்டம் நடைபெற்றது. இதில், பெண்களுக்கு எதிராகப் பேசிய எதிர்க்கட்சித் தலைவர் மீது நடவடிக்கை எடுத்த விவகாரம் த.வெ.க.வுக்கே எதிர்மறையாகத் திரும்பியதால், தங்களது வியூகத்தில் சில மாற்றங்களைச் செய்ய முடிவெடுக்கப்பட்டது. அதன்படி, தி.மு.க.வின் பழைய வரலாற்றுச் சம்பவங்களைத் தோண்டி எடுத்துப் பேசுவது, அவர்களின் செல்வாக்கைச் சரிப்பது மற்றும் தி.மு.க.வினரும் பொதுமக்களும் பலமாக நம்பும் விஷயங்களைக் குறிவைத்துத் தாக்குவது எனத் திட்டமிடப்பட்டுள்ளது. இதன் தொடக்கமாகவே சட்டமன்றத்தில் 'சர்க்காரியா கமிஷன்' குறித்து <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> பேசியதும், அடுத்து தி.மு.க. தலைவர் <a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a> 'மிசா' கைது தொடர்பாக த.வெ.க. நிர்வாகிகள் விமர்சித்ததும் நடந்துள்ளன.</p> <h3 style="text-align: justify;">மும்முனைத் தாக்குதலும் த.வெ.க.வின் நோக்கமும்</h3> <p style="text-align: justify;">மேலும், முன்னாள் அமைச்சர்கள் மீதான ஊழல் வழக்குகளைப் பதிவுசெய்யும் பணியை அரசு நிர்வாகம் தீவிரமாகச் செய்து வரும் நிலையில், தி.மு.க. பத்திரிகையான 'முரசொலி' அலுவலகம் அமைந்துள்ள பஞ்சமி நில விவகாரம் உட்படப் பல்வேறு காலக்கட்டங்களில் தி.மு.க.வை ஆட்டம் காண வைத்த வரலாற்றுச் சம்பவங்களைப் பொதுவெளிக்குக் கொண்டுவரத் திட்டமிட்டுள்ளனர். இதற்காக விவாதங்கள், கட்சி மேடைகள் மற்றும் சமூக வலைதளங்கள் என மூன்று பிரிவுகளாகப் பணிகளைப் பிரித்து த.வெ.க. நிர்வாகிகள் களமிறக்கப்பட்டுள்ளனர். உள்ளாட்சித் தேர்தல் வரை தினமும் பல கோணங்களில் தாக்குதலைத் தொடுப்பதன் மூலம், தி.மு.க.வைத் திணறடித்து, தேர்தலை எதிர்கொள்ள விடாமல் செய்ய வேண்டும் என்பதே த.வெ.க.வின் முதன்மை நோக்கமாகும்.</p>

Source: Read Full Article