“அவர்கள் எங்கே?” பதில் தேடும் டிஎன்ஏ சோதனை! தஞ்சையில் இன்று உறவினர்களிடம் ரத்த மாதிரி சேகரிப்பு

<p style="text-align: justify;">தஞ்சாவூர்: நேபாளத்தில் ஏற்பட்ட பயங்கர வெள்ளப்பெருக்கில் மாயமான தமிழகத்தைச் சேர்ந்த புனித யாத்திரிகர்களின் நிலை குறித்து இதுவரை உறுதியான தகவல் கிடைக்காத நிலையில், அவர்களின் உறவினர்களிடம் டிஎன்ஏ பரிசோதனைக்காக ரத்த மாதிரிகள் சேகரிக்கும் பணி தஞ்சாவூர் மருத்துவக் கல்லூரி மருத்துவமனையில் இன்று (செப்.5) நடைபெறுகிறது.&nbsp;</p> <p style="text-align: justify;">மாயமானவர்களின் அடையாளத்தை உறுதி செய்வதற்காக நடைபெறும் இந்த பரிசோதனை தஞ்சாவூர் மாவட்டத்தில் பெரும் சோகத்தையும் பரபரப்பையும் ஏற்படுத்தியுள்ளது.</p> <p style="text-align: justify;"><strong>கைலாஷ் யாத்திரைக்கு சென்ற 57 பே</strong>ர்</p> <p style="text-align: justify;">கும்பகோணத்தில் செயல்பட்டு வரும் தனியார் டிராவல்ஸ் ஏஜென்சி மூலம் தஞ்சாவூர் மற்றும் திருவாரூர் மாவட்டங்களைச் சேர்ந்தவர்கள் உள்ளிட்ட மொத்தம் 57 பேர் கைலாஷ் புனித யாத்திரைக்காக நேபாளம் சென்றுள்ளனர். இதில் தஞ்சாவூர் மாவட்டத்தைச் சேர்ந்த 16 பேரும், திருவாரூர் மாவட்டத்தைச் சேர்ந்த 2 பேரும் இடம் பெற்றிருந்தனர்.</p> <p style="text-align: justify;">புனித யாத்திரைக்காக சென்ற அவர்கள் நேபாளத்தில் இருந்தபோது கடந்த 26-ம் தேதி அங்கு ஏற்பட்ட திடீர் வெள்ளப்பெருக்கு பெரும் அதிர்ச்சியை ஏற்படுத்தியது. இந்த வெள்ளத்தில் பலர் மாயமானதாக தகவல் வெளியானது. அவர்களில் தஞ்சாவூர் மற்றும் திருவாரூர் மாவட்டங்களைச் சேர்ந்தவர்களும் இருப்பதாக கூறப்படுகிறது.</p> <p style="text-align: justify;"><strong>இதுவரை தகவல் இல்லை</strong></p> <p style="text-align: justify;">வெள்ளப்பெருக்கு ஏற்பட்டு பல நாட்கள் கடந்த நிலையிலும், மாயமானவர்களின் நிலை குறித்து அவர்களது குடும்பத்தினருக்கு இதுவரை உறுதியான தகவல் கிடைக்கவில்லை. உறவினர்கள் ஒருபுறம் தங்களது அன்புக்குரியவர்கள் உயிருடன் திரும்பி வருவார்கள் என்ற நம்பிக்கையில் காத்திருக்க, மறுபுறம் அவர்களின் நிலை என்ன என்பது தெரியாததால் பெரும் வேதனையில் உள்ளனர்.</p> <p style="text-align: justify;">இந்த சூழலில், மாயமானவர்களின் அடையாளத்தை அறிவியல் ரீதியாக உறுதி செய்வதற்காக டிஎன்ஏ பரிசோதனை நடத்தும் நடவடிக்கையை நேபாள அரசு மேற்கொண்டுள்ளது.</p> <p style="text-align: justify;"><strong>உறவினர்களிடம் ரத்த மாதிரி சேகரிப்பு</strong></p> <p style="text-align: justify;">மாயமானவர்களின் உறவினர்களிடம் இருந்து டிஎன்ஏ பரிசோதனைக்கான ரத்த மாதிரிகளை அவர்களது சொந்த பகுதிகளில் உள்ள மருத்துவமனைகளில் சேகரிக்க வேண்டும் என நேபாள அரசு, இந்திய அரசிடம் கோரிக்கை விடுத்துள்ளது. இதன் தொடர்ச்சியாக தஞ்சாவூர் மருத்துவக் கல்லூரி மருத்துவமனையின் தடயவியல் மருத்துவத் துறையில் இன்று உறவினர்களிடம் இருந்து ரத்த மாதிரிகள் சேகரிக்கப்படுகின்றன. காலை 10 மணி முதல் மாலை 4 மணி வரை இந்தப் பணி நடைபெறுகிறது.</p> <p style="text-align: justify;"><strong>தடய அறிவியல் ஆய்வகத்தில் பரிசோதனை</strong></p> <p style="text-align: justify;">தஞ்சாவூர் மருத்துவக் கல்லூரி மருத்துவமனையில் உறவினர்களிடம் இருந்து சேகரிக்கப்படும் ரத்த மாதிரிகள், தஞ்சாவூர் பிள்ளையார்பட்டியில் உள்ள மண்டல தடய அறிவியல் ஆய்வகத்துக்கு அனுப்பி வைக்கப்பட உள்ளன.</p> <p style="text-align: justify;">அங்கு ரத்த மாதிரிகள் அறிவியல் ரீதியாக பகுப்பாய்வு செய்யப்பட்டு, டிஎன்ஏ தொடர்பான அறிக்கை தயாரிக்கப்படும். பின்னர் அந்த அறிக்கை தஞ்சாவூர் மாவட்ட நிர்வாகம் வாயிலாக நேபாள அரசுக்கு அனுப்பி வைக்கப்படும் என மண்டல தடய அறிவியல் ஆய்வக அதிகாரிகள் தெரிவித்துள்ளனர்.</p> <p style="text-align: justify;"><strong>ஒரு பக்கம் நம்பிக்கை... மறுபக்கம் கலக்கம்</strong></p> <p style="text-align: justify;">மாயமானவர்கள் உயிருடன் இருக்கிறார்களா? அல்லது வெள்ளப்பெருக்கில் உயிரிழந்தார்களா? என்ற பதற்றமான கேள்விகளுக்கு விடை கிடைக்காமல் குடும்பத்தினர் தவித்து வருகின்றனர். இந்த நிலையில், உறவினர்களிடம் டிஎன்ஏ மாதிரிகள் சேகரிக்கப்படுவது மாயமானவர்களின் அடையாளத்தை உறுதி செய்வதற்கான முக்கிய நடவடிக்கையாக பார்க்கப்படுகிறது. நேபாள வெள்ளத்தில் மாயமான தமிழக யாத்திரிகர்களின் குடும்பங்களுக்கு விரைவில் உறுதியான தகவல் கிடைக்க வேண்டும் என்பதே அனைவரின் எதிர்பார்ப்பாக உள்ளது.</p> <p style="text-align: justify;">நேபாள வெள்ளத்தில் மாயம்... தஞ்சையில் இன்று டிஎன்ஏ சோதனை; உறவினர்களின் கண்ணீருக்கு விடை கிடைக்குமா?</p> <p style="text-align: justify;">&nbsp;</p>

Source: Read Full Article