போதைப்பொருட்களுக்கு 'நோ': மயிலாடுதுறையில் போதைப் பொருட்களுக்கு எதிராக திரண்ட அந்த 600 பேர்..!

<p style="text-align: justify;"><strong>மயிலாடுதுறை:</strong> மயிலாடுதுறை மாவட்ட நிர்வாகம் மற்றும் தேசிய போதைப்பொருள் தடுப்பு இயக்கம் இணைந்து 'போதைப்பொருள் இல்லா தமிழ்நாடு' என்ற உன்னத நோக்கத்தை வலியுறுத்தி பிரம்மாண்ட விழிப்புணர்வு மாரத்தான் போட்டி இன்று நடைபெற்றது. இளைஞர்கள் மற்றும் மாணவ சமுதாயத்திடையே போதைப்பொருட்களின் தீமைகள் குறித்த விழிப்புணர்வை ஏற்படுத்தி, அவர்களை நல்வழிப்படுத்தும் நோக்கில் இந்த இயக்கம் தீவிரமாக முன்னெடுக்கப்பட்டு வருகிறது.</p> <p style="text-align: justify;">மயிலாடுதுறை மாவட்ட ஆட்சியர் அலுவலக வளாகத்தில் நடைபெற்ற தொடக்க நிகழ்ச்சியில், மாவட்ட ஆட்சியர் ஹெச்.எஸ். ஸ்ரீகாந்த், மாவட்ட காவல் கண்காணிப்பாளர் சினேஹா ப்ரியா நேரில் கலந்துகொண்டு, விழிப்புணர்வு மாரத்தான் ஓட்டத்தை கொடியசைத்து முறைப்படி தொடங்கி வைத்தனர். அப்போது போதைப்பொருளுக்கு எதிரான வாசகங்கள் அடங்கிய பதாகைகளை ஏந்தியவாறு பங்கேற்பாளர்கள் திரண்டிருந்தனர்.</p> <h3 style="text-align: justify;">600-க்கும் மேற்பட்ட மாணவர்கள் உற்சாக பங்கேற்பு</h3> <p style="text-align: justify;">சமுதாயத்தில் போதைப்பொருள் பயன்பாட்டை முற்றிலும் ஒழிக்கும் இந்த விழிப்புணர்வு ஓட்டத்தில் மாவட்டத்தின் பல்வேறு பள்ளிகள் மற்றும் கல்லூரிகளைச் சேர்ந்த 600-க்கும் மேற்பட்ட மாணவ, மாணவிகள் மிகுந்த ஆர்வத்துடனும் உற்சாகத்துடனும் கலந்துகொண்டனர். மாவட்ட ஆட்சியர் அலுவலகத்தில் இருந்து புறப்பட்ட இந்த மாரத்தான் போட்டியானது, நகரின் முக்கிய வீதிகளின் வழியாகச் சென்று, இறுதியாக இராஜன்தோட்டம் பகுதியில் அமைந்துள்ள சாய் விளையாட்டு அரங்கத்தில் நிறைவடைந்தது. வழிநெடுகிலும் திரண்டிருந்த பொதுமக்கள் மாரத்தான் ஓட்டத்தில் பங்கேற்ற மாணவ, மாணவிகளுக்குக் கையதட்டி தங்களது ஆதரவையும் உற்சாகத்தையும் தெரிவித்தனர்.&nbsp;ஓட்டத்தின் போது போதைப்பொருள் ஒழிப்பு குறித்த விழிப்புணர்வு முழக்கங்களும் எழுப்பப்பட்டு, பொதுமக்களின் கவனத்தை ஈர்த்தன.</p> <h3 style="text-align: justify;">விழிப்புணர்வு கலை நிகழ்ச்சி வாகனம் தொடக்கம்</h3> <p style="text-align: justify;">மாரத்தான் போட்டியைத் தொடர்ந்து, சமூகத்தில் அனைத்துத்தரப்பு மக்களிடமும் போதைப்பொருள் ஒழிப்புச் செய்தியைக் கொண்டு சேர்க்கும் வகையில் சிறப்பு ஏற்பாடு செய்யப்பட்டிருந்தது. 'போதைப்பொருள் இல்லா தமிழ்நாடு' என்ற இலக்கை வலியுறுத்தும் விழிப்புணர்வு கலை நிகழ்ச்சி வாகனத்தின் சேவையை மாவட்ட ஆட்சியர் ஹெச்.எஸ். ஸ்ரீகாந்த் மற்றும் மாவட்ட காவல் கண்காணிப்பாளர் சினேஹா ப்ரியா ஆகியோர் இணைந்து தொடங்கி வைத்தார்கள்.&nbsp;</p> <p style="text-align: justify;">இந்த வாகனம் மாவட்டம் முழுவதிலும் உள்ள கிராமங்கள் மற்றும் நகரப் பகுதிகளுக்குச் சென்று, நாடகம், பாடல் மற்றும் பல்வேறு கலை நிகழ்ச்சிகள் மூலமாக போதைப்பொருட்களால் ஏற்படும் உடல் நலக்கேடுகள், குடும்பச் சீரழிவுகள் மற்றும் சமூகப் பாதிப்புகள் குறித்துப் பொதுமக்கள் மத்தியில் தொடர்ந்து விழிப்புணர்வை ஏற்படுத்தும் வகையில் வடிவமைக்கப்பட்டுள்ளது.</p> <h3 style="text-align: justify;">வெற்றி பெற்றவர்களுக்கு பரிசுகள் வழங்கல்</h3> <p style="text-align: justify;">மாரத்தான் போட்டியின் நிறைவாக மயிலாடுதுறை சாய் விளையாட்டு மைதானத்தில் சிறப்புப் பரிசளிப்பு விழா நடைபெற்றது. இதில் போட்டியில் பங்கேற்று முதல் சில இடங்களைப் பிடித்து வெற்றி பெற்ற மாணவ, மாணவிகளுக்கு மாவட்ட ஆட்சியர், பரிசுகள் மற்றும் பாராட்டுச் சான்றிதழ்களை வழங்கி கௌரவித்தார். மேலும், போட்டியில் கலந்துகொண்ட அனைத்து மாணவ, மாணவிகளையும் சமூக அக்கறையைப் பாராட்டி ஆட்சியர் வாழ்த்தினார். எதிர்கால சந்ததியினரைக் காக்க மாணவர்கள் போதைப்பொருட்களுக்கு எதிராகப் போராட வேண்டும் என்றும் கேட்டுக்கொண்டார்.</p> <h3 style="text-align: justify;">அரசு அலுவலர்கள் மற்றும் முக்கியப் பிரமுகர்கள் பங்கேற்பு</h3> <p style="text-align: justify;">இந்நிகழ்ச்சியில் மாவட்டத்தின் முக்கிய உயர் அலுவலர்கள் பலரும் கலந்துகொண்டு சிறப்பித்தனர். குறிப்பாக, மாவட்ட வருவாய் அலுவலர் ஆர். பூங்கொடி, உதவி ஆணையர் (கலால்) மாணிக்கராஜ், மாவட்ட விளையாட்டு மற்றும் இளைஞர் நல அலுவலர் உமாசங்கர் மற்றும் மாவட்ட குழந்தை பாதுகாப்பு அலுவலர் கணபதி ஆகியோர் முன்னிலை வகித்தனர். இவர்கள் தவிர ஏராளமான அரசு அலுவலர்கள், விளையாட்டுத் துறைப் பணியாளர்கள், ஆசிரியர்கள், பொதுமக்கள் மற்றும் திரளான மாணவ, மாணவிகள் இந்த விழிப்புணர்வு இயக்கத்தில் பங்கேற்று நிகழ்ச்சியைப் பெருமைப்படுத்தினர்.</p>

Source: Read Full Article