<p>தமிழ்நாட்டில் கொத்துக் கொத்தாக கொலைகள் நடந்து கொண்டிருக்க, யாருக்குமே பாதுகாப்பற்ற இந்த Reels ஆட்சியை யாருக்காக நடத்துகிறார் முதலமைச்சர் என்று திமுக இளைஞரணித் தலைவரும் துணை முதல்வருமான உதயநிதி <a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a> கடுமையாகச் சாடி உள்ளார்.</p>
<p>இதுகுறித்து எக்ஸ் தளத்தில் வெளியிட்டுள்ள பதிவில் உதயநிதி கூறும்போது, ‘’பட்டப் பகலில் இரட்டைக் கொலை உட்பட 2 நாட்களில் 9 கொலைகள் - என்ன செய்கிறார் Dummy முதலமைச்சர்?</p>
<p>திருநெல்வேலியில் டால்டன் மற்றும் நிக்கோலஸ் என அண்ணன், தம்பி இருவர் பட்டப் பகலில் குத்திக்கொல்லப்பட்டுள்ள சம்பவம் கடும் அதிர்ச்சியை ஏற்படுத்தியுள்ளது.</p>
<p>இதேபோல, சென்னை ஐஸ் ஹவுஸில் கஞ்சா விற்பதில் ஏற்பட்ட போட்டியில் அஜித் என்னும் இளைஞரை ஒரு கும்பல் வெட்டிக் கொலை செய்துள்ள கொடூரமும் அரங்கேறியுள்ளது.</p>
<p><strong>காவலர்களுக்கும் இந்த ஆட்சியில் பாதுகாப்பு இல்லை</strong></p>
<p>குற்றத்தைத் தடுக்க வேண்டிய காவலர்களுக்கும் இந்த ஆட்சியில் பாதுகாப்பு இல்லை என்பதற்கு சாட்சியாக, பரமக்குடியில் பெண் காவலர் கண்ணகி, கீழே தள்ளிவிடப்பட்டு உயிரிழந்து இருக்கிறார். </p>
<p>இது தவிர, மயிலாடுதுறை - திருவண்ணாமலை - சேலம் - கன்னியாகுமரி - தேனி கூடலூர் என கடந்த 2 நாட்களில் மட்டும் 9 கொலைகள் நடந்து இருக்கின்றன. </p>
<p><strong>யாருக்காக இந்த ரீல்ஸ் ஆட்சி?</strong></p>
<p>இப்படி கொத்துக் கொத்தாக கொலைகள் நடந்து கொண்டிருக்க, யாருக்குமே பாதுகாப்பற்ற இந்த Reels ஆட்சியை யாருக்காக நடத்துகிறார் முதலமைச்சர்?</p>
<p>இனியும் மிக்சர் சாப்பிட்டுக் கொண்டிருக்காமல் சட்டம் ஒழுங்கை நிலைநாட்ட முதலமைச்சர் உறுதியான நடவடிக்கை எடுக்க வேண்டும்’’ என்று எதிர்க் கட்சித் தலைவர் உதயநிதி கடுமையாகச் சாடி உள்ளார். </p>
<p><iframe class="vidfyVideo" style="border: 0px;" src="https://tamil.abplive.com/web-stories/gk/why-does-the-sky-look-blue-275909" width="631" height="381" scrolling="no"></iframe></p>
Source: Read Full Article
