<p>நாளை தொடங்க உள்ள சட்டமன்றக் கூட்டத்தொடரில் எதிர்க் கட்சித் தலைவரைப் பங்கேற்கவிடாமல் தடுப்பதற்காகவே கைது செய்வது அப்பட்டமான கோழைத்தனம் என்று திமுக துணை பொதுச் செயலாளர் கனிமொழி கடுமையாகச் சாடி உள்ளார்.</p>
<p>காவிரி போராட்டத்தின்போது முதல்வர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a>- நடிகை த்ரிஷா குறித்து ஆபாசமாகப் பேசியதாக, எதிர்க் கட்சித் தலைவர் உதயநிதி <a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a> இன்று தஞ்சை காவல்துறையால் கைது செய்யப்பட்டார். இதை எதிர்த்து, திமுகவினர் மாநிலம் முழுவதும் போராட்டத்தில் ஈடுபட்டுள்ளனர். </p>
<h2><strong>கனிமொழி எதிர்வினை</strong></h2>
<p>இந்த நிலையில் உதயநிதி கைதுக்கு கனிமொழி என்ன எதிர்வினை ஆற்றுவார் என்று கேள்வி எழுந்தது. இதுகுறித்து அவர் வெளியிட்ட எக்ஸ் பதிவில், ’’எதிர்க்கட்சித் தலைவர் உதயநிதி ஸ்டாலினைத் தனிப்பட்ட முறையில் பழிவாங்க வேண்டும் என்றால், அரசு வழக்குத் தொடுக்கட்டும். நீதிமன்றம் தீர்ப்பளிக்கட்டும். </p>
<p>ஆனால், எதிர்க் கட்சியாக இருக்கும் தி.மு.க-வை எதிர்கொள்ளத் துணிச்சலின்றி, இப்படியான அடக்குமுறைகளில் <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசு ஈடுபடுவது சட்டத்திற்குப் புறம்பானது.</p>
<h2><strong>அப்பட்டமான கோழைத்தனம்</strong></h2>
<p>நாளை தொடங்க உள்ள சட்டமன்றக் கூட்டத்தொடரில் எதிர்க் கட்சித் தலைவரைப் பங்கேற்கவிடாமல் தடுப்பதற்காகவே கைது செய்வது அப்பட்டமான கோழைத்தனம்’’ என்று கனிமொழி தெரிவித்துள்ளார்.</p>
<p>அதேபோல அதிமுக மகளிர் அணி துணைச் செயலாளர் காயத்ரி ரகுராம் கூறும்போது, ’’திரிஷா மட்டும்தான் பெண்ணா? உண்மையில், கூட்டம்தான் திரிஷாவின் பெயரை முழங்கியது. உதயநிதி அவருடைய பெயரைக் கூட குறிப்பிடவில்லை. </p>
<h2><strong>மக்கள் பிரச்சினைகள் குறித்து அக்கறை இல்லை</strong></h2>
<p>எதிர்க்கட்சித் தலைவர் உதயும் முதல்வர் விஜயும் திரிஷாவின் விவகாரத்தில் மட்டுமே கவனம் செலுத்துகிறார்கள்; தமிழகத்தின் மற்றும் மக்களின் பிரச்சினைகள் குறித்து அவர்களுக்கு அக்கறை இல்லை.</p>
<p>கர்நாடக பாஜக கர்நாடக காங்கிரஸும் கூட தமிழகத்திற்குக் காவிரி நீர் தருவதை எதிர்க்கிறது, ஆனால் முதல்வர் விஜயோ மௌனம் காக்கிறார். இப்போது இவற்றைத் தொடர்புபடுத்திப் பாருங்கள்; தமிழகத்தின் உரிமைகள் குறித்து டிவிகேக்கு அக்கறை இல்லை’’ என்று கடுமையாகச் சாடி உள்ளார்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/auto/hybrid-ev-cng-which-is-cheaper-269959" width="631" height="381" scrolling="no"></iframe></p>
Source: Read Full Article
