China Warning to Nepal: இன்னும் முடியவில்லை.! 3 நாட்களில் நேபாளத்திற்கு பேரழிவு காத்திருக்கிறது.! பீதியை கிளப்பும் சீனா

<p><span dir="auto">நேபாளத்தின் மூன்று மாவட்டங்களில் போதேகோஷி ஆற்றில் ஏற்பட்ட திடீர் வெள்ளம் பேரழிவை ஏற்படுத்தியதை அடுத்து, ஆபத்து இன்னும் நீங்கவில்லை என சீனா எச்சரிக்கை விடுத்துள்ளது. நேபாளத்தில் சோசென் கோலா மற்றும் புர்பு சாங்போ ஆறுகள் சங்கமிக்கும் இடத்திற்கு அருகில், வியாழக்கிழமை காலை நிலவரப்படி, சுமார் 2 மில்லியன் கன மீட்டர் நீர் கொள்ளளவுடன் ஒரு பெரிய தடுப்பு ஏரி உருவாகியுள்ளதாகவும், அந்த ஏரி ஏற்கனவே நிரம்பி வழிவதாகவும் சீனாவின் நீர்வள அமைச்சகம் தெரிவித்துள்ளது.&nbsp;</span></p> <p><span dir="auto">அடுத்த மூன்று நாட்களில் ஏரிக்குள் கூடுதலாக 30 லட்சம் கன மீட்டர் தண்ணீர் பாயும் என எதிர்பார்க்கப்படுவதால், ஏரி உடைவதற்கான அதிக அபாயம் உள்ளது என தெரிவிக்கப்படுகிறது.</span></p> <h2><span dir="auto">வெளியுறவு அமைச்சரின் காத்மாண்டு-பெய்ஜிங் தூதர்களுடனான சந்திப்பு</span></h2> <p><span dir="auto">மோசமான வெள்ளச் சூழ்நிலையைக் கருத்தில் கொண்டு, இந்திய வெளியுறவுத்துறை அமைச்சர் எஸ். ஜெய்சங்கர் ஒரு சிறப்பு ஆய்வுக் கூட்டத்தை நடத்தினார். இதில் வெளியுறவு அமைச்சகத்தின் குழுவினர் மற்றும் காத்மாண்டு, பெய்ஜிங்கில் உள்ள இந்தியத் தூதர்கள் கலந்துகொண்டனர். நிவாரணம் மற்றும் மீட்புப் பணிகள் குறித்தும், பாதிக்கப்பட்ட பகுதிகளில் உள்ள மக்களின் பாதுகாப்பு குறித்தும் விவாதிக்கப்பட்டது.</span></p> <p><span dir="auto">இதைத் தொடர்ந்து, தனது எக்ஸ் தளத்தில் பதிவிட்ட வெளியுறவுத்துறை அமைச்சர் எஸ். ஜெய்சங்கர், "நேபாளத்தில் ஏற்பட்ட வெள்ளப் பேரழிவு தொடர்பாக வெளியுறவுத்துறை செயலாளர், வெளியுறவு அமைச்சகக் குழுவினர் மற்றும் காத்மாண்டு, பெய்ஜிங்கில் உள்ள இந்தியத் தூதர்களுடன் நான் ஒரு ஆய்வுக் கூட்டத்தை நடத்தினேன். வெள்ளத்தால் பாதிக்கப்பட்ட பகுதிகளில் உள்ள அனைத்து இந்தியர்களின் நிலை மற்றும் பாதுகாப்பு குறித்த தகவல்களை விரைவாகச் சேகரிக்க முயற்சிகள் மேற்கொள்ளப்பட்டு வருகின்றன," என்று கூறியுள்ளார்.</span></p> <h2><span dir="auto">நிவாரண நடவடிக்கைகளின் ஆய்வு</span></h2> <p><span dir="auto">வெளியுறவு அமைச்சகம், இத்திட்டத்தில் ஈடுபட்டுள்ள பல்வேறு அமைச்சகங்கள், மாநில அரசுகள், சுற்றுலா ஏற்பாட்டாளர்கள் மற்றும் அதிகாரிகளுடன் ஒருங்கிணைந்து செயல்படுவதாக ஜெய்சங்கர் தெரிவித்தார். மேலும், நிவாரணம் மற்றும் மீட்புப் பணிகள் தொடர்பாக நேபாள அரசாங்கம் மற்றும் சம்பந்தப்பட்ட அதிகாரிகளுடன் தாங்கள் நெருங்கிய தொடர்பில் இருப்பதாகவும், இணைந்து பணியாற்றி வருவதாகவும் அவர் கூறினார்.</span></p> <h2><span dir="auto">பெருவெள்ளம் ஏற்பட்டது எப்படி.?</span></h2> <p><span dir="auto">ஆகஸ்ட் 26 அன்று, நேபாளத்தில் திடீர் வெள்ளம் பேரழிவை ஏற்படுத்தியது. போதேகோஷி ஆற்றின் துணை நதியான லெண்டே ஆற்றின் நீரோட்டத்தை ஒரு பனிச்சரிவு தடுத்ததால் இந்த வெள்ளம் ஏற்பட்டது. நேபாள-சீன எல்லைக்கு அருகிலுள்ள ரசுவாகதி பகுதியில் அமைந்துள்ள திமுரே கிராமமே முதலில் பாதிக்கப்பட்டது.</span></p> <p><span dir="auto">அப்பகுதியில் மழை பெய்யாததால், பேரழிவு குறித்து மக்களுக்குத் தெரியவில்லை என்று அந்த அறிக்கை கூறுகிறது. வெள்ளம் தாக்கியபோது மக்கள் தங்கள் அன்றாடப் பணிகளில் மும்முரமாக இருந்தனர். இந்த இக்கட்டான நேரத்தில் இந்தியாவும் பிற நாடுகளும் நேபாளத்திற்கு முழு ஆதரவை வழங்கி வருகின்றன.&nbsp;</span></p> <h2><span dir="auto">பேரிடரில் இந்தியா உதவிக்கரம்</span></h2> <p><span dir="auto">நேபாளத்தில் ஏற்பட்ட வெள்ளப்பெருக்கிற்கு பதிலளிக்கும் விதமாக, இந்தியா உதவிக்கரம் நீட்டி, நிவாரணப் பொருட்களை அனுப்பும் தனது முயற்சிகளைத் தொடர்கிறது. புதன்கிழமை 10 டன் மனிதாபிமான உதவிகளைக் கொண்ட முதல் தொகுப்பை அனுப்பியதைத் தொடர்ந்து, நேபாளத்தில் நிவாரணம் மற்றும் மீட்புப் பணிகளுக்கு உதவுவதற்காக, வியாழக்கிழமை 37.5 டன் கொண்ட இரண்டாவது தொகுப்பை இந்தியா அனுப்பியதாக வெளியுறவு அமைச்சர் எஸ். ஜெய்சங்கர் தெரிவித்தார்.</span></p> <p>&nbsp;</p> <p>&nbsp;</p> <p><span dir="auto"><iframe class="vidfyVideo" style="border: 0px;" src="https://tamil.abplive.com/web-stories/health/eating-eggs-in-daily-basis-health-benefits-and-effects-on-body-272521" width="631" height="381" scrolling="no"></iframe></span></p>

Source: Read Full Article