<p style="font-weight: 400;">சென்னை வெள்ளத்தை தடுப்பதற்கான திருப்புகழ் குழு அறிக்கை ரகசிய ஆவணமா? தமிழ்நாடு அரசு 41 மாதங்களாக ஒளித்து வைத்திருப்பது ஏன் என பாமக கேள்வி எழுப்பி உள்ளது. </p>
<p style="font-weight: 400;">சென்னை வெள்ளத்தை தடுப்பதற்கான திருப்புகழ் குழு அறிக்கையை 41 மாதங்களாக வெளியிடாதது ஏன்? என முனைவர் சௌமியா அன்புமணி இன்று (17.08.2026) சட்டமன்றத்தில் வினா எழுப்பினார். அதற்கு பதிலளித்த அமைச்சர் செங்கோட்டையன், அந்த அறிக்கை குறித்து பத்திரிகை செய்திதான் வந்தது, <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசுக்கு எதுவும் தெரியாது என்று பதில் அளித்துள்ளார்.</p>
<p style="font-weight: 400;">தமிழ்நாடு அரசால் அமைக்கப்பட்ட ஒரு நிபுணர்குழுவின் அறிக்கை முன்னாள் முதல்வரிடம் கொடுக்கப்பட்டது; அது குறித்து இப்போதைய அரசுக்கு எதுவும் தெரியாது என்று சொல்வது ஒரு வெட்கக் கேடான, மோசமான பதில்!</p>
<p style="font-weight: 400;"><strong>பின்னணி</strong></p>
<p style="font-weight: 400;">சென்னை வெள்ளத்தை தடுப்பதற்கான திருப்புகழ் குழு அறிக்கை ரகசிய ஆவணமா? தமிழ்நாடு அரசு 41 மாதங்களாக ஒளித்து வைத்திருப்பது ஏன்?</p>
<p style="font-weight: 400;">கடந்த 2021ஆம் ஆண்டு அக்டோபர், நவம்பர் மாத வெள்ளத்தை தொடர்ந்து முன்னாள் தேசிய பேரிடர் மேலாண்மை நிறுவன கூடுதல் செயலாளர் திருப்புகழ் தலைமையில் சென்னை பெருநகர வெள்ள பேரிடர் தடுப்பு மற்றும் மேலாண்மைக்கான 14 உறுப்பினர்கள் கொண்ட ஆலோசனைக் குழு அமைக்கப்பட்டது.</p>
<p style="font-weight: 400;">இக்குழுவின் 600 பக்க இறுதி அறிக்கை 2023 மார்ச் மாதம் முதலமைச்சரிடம் தாக்கல் செய்யப்பட்டது. 2023 டிசம்பர் மாத வெள்ளத்தை தொடர்ந்து இந்த அறிக்கை விரைவில் வெளியிடப்படும் ஊடகச் செய்திகள் கூறின. ஆனால், இதுவரை திருப்புகழ் குழு அறிக்கை வெளியிடப்படவில்லை.</p>
<p style="font-weight: 400;"><strong>தமிழ்நாடு அரசு ஒளித்து வைத்திருப்பது ஏன்?</strong></p>
<p style="font-weight: 400;">மீண்டும் வட கிழக்குப் பருவமழை தொடங்கவுள்ள நிலையில், 41 மாதங்களாக திருப்புகழ் குழு அறிக்கையை தமிழ்நாடு அரசு ஒளித்து வைத்திருப்பது ஏன்?</p>
<p style="font-weight: 400;">திருப்புகழ் குழுவில் இடம்பெற்றுள்ள பரிந்துரைகள் எத்தனை? அவற்றில் செயல்படுத்தலாம் என தமிழக அரசு ஏற்றுக் கொண்ட பரிந்துரைகள் எத்தனை? அவற்றில் செயல்படுத்தப்பட்ட பரிந்துரைகள் எத்தனை? என்பன உள்ளிட்ட விவரங்கள் அடங்கிய நடவடிக்கை அறிக்கையையும் தமிழக அரசு உடனே வெளியிட வேண்டும்.</p>
<p style="font-weight: 400;">இந்தக் கேள்விகளை பாமக சட்டமன்றக் குழு தலைவர் சௌமியா அன்புமணி சட்டமன்றத்தில் எழுப்பினார். ஒரு நியாயமான, மக்கள் நலனில் அக்கறையுள்ள அரசாக இருந்தால் – அந்த அறிக்கையை உடனே வெளியிட வேண்டும். குதர்க்கமாக பதில் சொல்வது நல்லாட்சிக்கு அழகல்ல.</p>
<p style="font-weight: 400;"><iframe class="vidfyVideo" style="border: 0px;" src="https://tamil.abplive.com/web-stories/lifestyle/don-t-your-clothes-get-wet-during-the-rainy-season-271408" width="631" height="381" scrolling="no"></iframe></p>
Source: Read Full Article
