<p class="p1"> </p>
<p class="p1">சென்னை அண்ணா சாலையில் உள்ள கேசினோ திரையரங்கில்<span class="s1">, <em>Spider-Man: Brand New Day</em> </span>திரைப்படத்திற்காக டிக்கெட் முன்பதிவு செய்த ரசிகர்கள் கடும் அதிருப்தியில் ஈடுபட்ட சம்பவம் பரபரப்பை ஏற்படுத்தியுள்ளது<span class="s1">. </span>அவர்கள் முன்பதிவு செய்த காட்சிக்கு பதிலாக ஜனநாயகன் திரைப்படத்தை பார்க்குமாறு கூறப்பட்டதாக ரசிகர்கள் குற்றம்சாட்டியுள்ளனர்<span class="s1">.</span></p>
<p class="p1">பாதிக்கப்பட்ட ரசிகர்கள் கூறுகையில்<span class="s1">, </span>ஆன்லைனில் காலை<span class="s1"> 11.30 </span>மணி<span class="s1"> (AM) <em>Spider-Man: Brand New Day 3D</em> </span>காட்சிக்காக டிக்கெட் முன்பதிவு செய்திருந்ததாக தெரிவித்தனர்<span class="s1">. <em>BookMyShow</em> </span>மற்றும் தியேட்டரின் டிக்கெட் தளத்திலும் அதே நேரமே காட்டப்பட்டதாகவும் கூறினர்<span class="s1">. </span>ஆனால்<span class="s1">, </span>டிக்கெட் உறுதிப்படுத்தப்பட்ட பிறகு அது இரவு<span class="s1"> 11.30 </span>மணி<span class="s1"> (PM) </span>காட்சியாக மாற்றப்பட்டிருந்ததாக புகார் தெரிவித்தனர்<span class="s1">.</span></p>
<p class="p1">இந்த மாற்றம் குறித்து விளக்கம் கேட்க தியேட்டருக்கு வந்தபோது<span class="s1">, </span>முன்பதிவு செய்யப்பட்ட காட்சிக்கு பதிலாக ஜனநாயகன் திரைப்படத்தை பார்க்குமாறு கூறியதாக ரசிகர்கள் குற்றம்சாட்டினர்<span class="s1">. </span>ஆனால்<span class="s1">, </span>ஜனநாயகன் திரைப்படம்<span class="s1"> 'A' </span>சான்றிதழ் பெற்றிருப்பதால்<span class="s1">, </span>மாணவர்கள் உள்ளிட்ட சிலரை உள்ளே அனுமதிக்க முடியாது என்றும் தியேட்டர் தரப்பில் தெரிவிக்கப்பட்டதாக அவர்கள் கூறினர்<span class="s1">.</span></p>
<p class="p1">இதனால்<span class="s1">, </span>காலை முதலே வந்திருந்த நூற்றுக்கணக்கான ரசிகர்கள் தியேட்டர் வளாகத்தில் திரண்டு<span class="s1">, </span>பணத்தை திருப்பித் தர வேண்டும் என்று வலியுறுத்தினர்<span class="s1">. </span>உடனடியாக பணத்தை திருப்பி வழங்காமல்<span class="s1">, </span>இரண்டு நாட்களுக்குப் பிறகு ரீஃபண்ட் வழங்கப்படும் என்று மட்டுமே தெரிவிக்கப்பட்டதாகவும்<span class="s1">, </span>அதற்கான எழுத்துப்பூர்வ உறுதிமொழி அல்லது ஆதாரம் எதுவும் வழங்கப்படவில்லை என்றும் ரசிகர்கள் குற்றம்சாட்டினர்<span class="s1">.</span></p>
<p class="p1">மேலும்<span class="s1">, </span>இந்த விவகாரம் குறித்து பேச தியேட்டர் நிர்வாகத்திலிருந்து எந்த மேலாளரும் நேரில் வரவில்லை என்றும்<span class="s1">, </span>ஊழியர்கள் மட்டுமே பதிலளித்ததாகவும் ரசிகர்கள் தெரிவித்தனர்<span class="s1">. </span>பலர் வெவ்வேறு பகுதிகளில் இருந்து நீண்ட தூரம் பயணம் செய்து வந்த நிலையில்<span class="s1">, </span>திடீரென காட்சி நேரம் மாற்றப்பட்டதாலும் மாற்று ஏற்பாடுகள் செய்யப்படாததாலும் கடும் ஏமாற்றம் ஏற்பட்டதாக கூறினர்<span class="s1">.</span></p>
<p class="p1">இந்த சம்பவம் தொடர்பான வீடியோக்கள் தற்போது சமூக வலைதளங்களில் பரவி வரும் நிலையில்<span class="s1">, </span>டிக்கெட் முன்பதிவு நடைமுறை மற்றும் தியேட்டர் நிர்வாகத்தின் செயல்பாடு குறித்து பலரும் கேள்வி எழுப்பி வருகின்றனர்<span class="s1">. </span>இதுகுறித்து கேசினோ திரையரங்கம் சார்பில் இதுவரை அதிகாரப்பூர்வ விளக்கம் வெளியாகவில்லை<span class="s1">.</span></p>
<p class="p1"> </p>
Source: Read Full Article
