<p>தமிழ்நாட்டில் ஆட்சியில் உள்ள விஜய் தலைமையிலான தவெக ஆட்சியை முன்னாள் முதலமைச்சரான எடப்பாடி பழனிசாமியும், அதிமுக-வும் விமர்சித்து வருகின்றனர். முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a>யை களவாணி என்று எடப்பாடி பழனிசாமி விமர்சித்துப் பேசியிருந்தார்.</p>
<p>எடப்பாடி பழனிசாமியின் விமர்சனத்திற்கு தவெக ஐடி அணி நேற்று பதில் அளித்திருந்தது. இந்த சூழலில், இன்று <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> ஐடி விங் இன்று தனது எக்ஸ் பக்கத்தில் எடப்பாடி பழனிசாமியை விமர்சித்துள்ளனர். இதுதொடர்பாக, அவர்கள் பதிவிட்டுள்ளதாவது,</p>
<h2><strong>கதறுவது ஏனோ?</strong></h2>
<p>டேபிளுக்கு கீழே தவழ்ந்துபோய் நாற்காலியைப் பிடித்தவர்கள் எல்லாம் நம் ஆட்சியைப் பார்த்துப் பழிப்பது கண்டு கொடநாடு எஸ்டேட் மரங்களும் மண்ணும் அங்கு நடந்த மர்மங்களும்கூட பல்லைக் காட்டிச் சிரிக்கின்றன.</p>
<p>தவறு செய்தது யாராக இருந்தாலும் உடனே துரித நடவடிக்கையை முடுக்கி விடும் மனசாட்சி உள்ள மக்களாட்சியை இழித்துப் பேசும் தீர்ந்துபோன சக்தி, அதிகார வெறியியில் ஆற்றாமையில் தீய்ந்துபோய் கருகிய வாசனையில் காண்டாகிக் கதறுவது ஏனோ?</p>
<blockquote class="twitter-tweet">
<p dir="ltr" lang="ta">டேபிளுக்கு கீழே தவழ்ந்துபோய் நாற்காலியைப் பிடித்தவர்கள் எல்லாம் நம் ஆட்சியைப் பார்த்துப் பழிப்பது கண்டு கொடநாடு எஸ்டேட் மரங்களும் மண்ணும் அங்கு நடந்த மர்மங்களும்கூட பல்லைக் காட்டிச் சிரிக்கின்றன.<br /><br />தவறு செய்தது யாராக இருந்தாலும் உடனே துரித நடவடிக்கையை முடுக்கி விடும் மனசாட்சி உள்ள…</p>
— TVK IT Wing Official (@TVKHQITWingOffl) <a href="https://x.com/TVKHQITWingOffl/status/2077731969027494079?ref_src=twsrc%5Etfw">July 16, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<h2><strong>நகைச்சுவை:</strong></h2>
<p>பழனி விவகாரத்தில் சிபிசிஐடி விசாரணையில் சிரத்தையுடன் இறங்கி உள்ளது தெரியாமல், பத்தாம்பசலித்தன அரசியல் அறிக்கை விடுவது ஏனோ? ஆட்சி அதிகாரத்திற்காக, பதவி பவிசுக்காக, மாநில உரிமைகளை அடகுவைத்த ‘மற்றும் பலர்’ தலைமை, இன்று மாநில உரிமைகளை விட்டுக்கொடுக்காத மக்களரசைப் பார்த்துப் பேசுவதெல்லாம் மாபெரும் நகைச்சுவை.</p>
<p>ஏ.ஐ தெரிந்த ஆட்களைத் தேடி அலையும் எடப்பாடி இடர்சாமிகள் ரீல்ஸ் பற்றிப் பேசி ஃபீல் ஆகி அழுதாலும் இனி அரசியலில் அழுது புரள்வதைத் தவிர வேறு வழியில்லை.</p>
<h2><strong>ஆற்றாமையில் ஏச வேண்டாம்:</strong></h2>
<p>இளைஞர்களுக்காக,பெண்களுக்காக,விவசாயிகளுக்காக என அனைத்து தரப்பு மக்களுக்காக உண்மையாக, நேர்மையாக, லஞ்ச ஊழலற்ற முறையில் உழைக்கத் தெரிந்த அரசை ஆற்றாமையில் அழுதுகொண்டே ஏச வேண்டாம் என்று கேட்டுக்கொள்கிறோம்.</p>
<p>இவ்வாறு அதில் தெரிவிக்கப்பட்டுள்ளது. </p>
<p><iframe class="vidfyVideo" style="border: 0px;" src="https://tamil.abplive.com/web-stories/auto/if-your-car-backs-up-on-a-slope-try-this-trick-267777" width="631" height="381" scrolling="no"></iframe></p>
Source: Read Full Article
