<p style="text-align: justify;"><strong>Thanjavur power cut 11.07.2026: தஞ்சாவூர்:</strong> தஞ்சாவூர் மக்களே வரும் செவ்வாய்க்கிழமை 14ம் தேதி காலை 9 முதல் மாலை 5 வரை மின்தடைங்க. திங்கட்கிழமையே மின்சாதனப் பொருட்களுக்கு சார்ஜ் போட்டுக்கோங்க.</p>
<p style="text-align: justify;">"நாளைக்கு பவர் கட் இருக்கா?" என்று தினமும் கேட்பவர்களுக்கு, இந்த முறை மின்வாரியமே முன்கூட்டியே தகவல் சொல்லி விட்டது. அதனால், மொபைலை 100% சார்ஜ் போடவும், இன்வெர்ட்டரை செக் பண்ணவும், வீட்டில் இருக்கும் குட்டீஸ்களுக்கு 'இன்று டிவி இல்லை' என்று முன்பே சொல்லி சமாதானப்படுத்தவும் நேரம் வந்துவிட்டது.</p>
<p style="text-align: justify;">தஞ்சாவூர் நீதிமன்ற சாலையில் அமைந்துள்ள நகர துணை மின் நிலையத்தில், வரும் ஜூலை 14-ம் தேதி (செவ்வாய்க்கிழமை) பராமரிப்பு பணிகள் நடைபெற உள்ளதால், காலை 9 மணி முதல் மாலை 5 மணி வரை பல்வேறு பகுதிகளில் மின்விநியோகம் நிறுத்தப்பட உள்ளதாக நகர மின்வாரிய உதவி செயற்பொறியாளர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> ஆனந்த் தெரிவித்துள்ளார்.</p>
<p style="text-align: justify;">மின்தடை என்றாலே பலருக்கும் முதலில் ஞாபகம் வருவது "வைஃபை போயிடுமே?", "ஏசி நின்னுடுமே?", "மொபைல் சார்ஜ் போதுமா?" என்பதுதான். ஆனால் இந்த முறை முன்கூட்டியே அறிவிப்பு வந்திருப்பதால், எல்லா ஏற்பாடுகளையும் செய்து கொள்ள பொதுமக்களுக்கு போதிய அவகாசம் கிடைத்துள்ளது. <br />பராமரிப்பு பணிகள் காரணமாக மேம்பாலம், சிவாஜி நகர், சீதாநகர், சீனிவாசபுரம், ராஜன் ரோடு, தென்றல் நகர், கிரி ரோடு, காமராஜ் ரோடு, ஆபிரகாம் பண்டிதர் நகர், மேலவீதி, தெற்கு வீதி, பெரிய கோவில், செக்கடி ரோடு, மேல அலங்கம், ரயிலடி, சாந்தபிள்ளைகேட், மகர்நோன்பு சாவடி, வண்டிக்கார தெரு, தொல்காப்பியர் சதுக்கம், சேவியர் நகர், சோழன் நகர், திவான் நகர், மிஷன் சர்ச் ரோடு, ஜோதி நகர், கீழவாசல், ராவுத்தாபாளையம், கரம்பை, பழைய பஸ் நிலையம், பழைய நீதிமன்ற சாலை, கொண்டிராஜபாளையம், டபீர்குளம் ரோடு உள்ளிட்ட பல்வேறு பகுதிகளில் மின் விநியோகம் இருக்காது.</p>
<p style="text-align: justify;">"செவ்வாய்க்கிழமை வாஷிங் மெஷின் போடலாம்" என்று திட்டமிட்டவர்கள், அந்த திட்டத்தை திங்கட்கிழமையிலேயே முடித்துக் கொள்வது நல்லது. வீட்டிலிருந்து வேலை பார்க்கிறவர்கள், லேப்டாப்பை முழுசாக சார்ஜ் செய்து வைத்துக் கொள்ளவும். மாணவர்கள் ஆன்லைன் வகுப்புகள் இருந்தால், மாற்று ஏற்பாடுகளை முன்கூட்டியே செய்து கொள்ளவும்.</p>
<p style="text-align: justify;">அதேபோல், பிரிட்ஜை அடிக்கடி திறக்காமல் இருந்தால் குளிர்ச்சி நீண்ட நேரம் இருக்கும். மொபைல், பவர் பேங்க், எமர்ஜென்சி விளக்கு போன்றவற்றையும் முன்கூட்டியே சார்ஜ் செய்து வைத்துக் கொண்டால் செவ்வாய்க்கிழமை சிரமம் குறையும்.</p>
<p style="text-align: justify;">இந்த மின்தடை வழக்கமான மின் வெட்டு அல்ல; மின்விநியோகம் தடையின்றி கிடைக்க வேண்டும் என்பதற்காக நடைபெறும் திட்டமிட்ட பராமரிப்பு பணியாகும். எனவே பொதுமக்கள் மின்வாரியத்துக்கு ஒத்துழைப்பு வழங்குமாறு கேட்டுக் கொள்ளப்பட்டுள்ளது.</p>
<p style="text-align: justify;">மின்தடை தொடர்பான கூடுதல் தகவல்கள் அல்லது அவசர தேவைகளுக்கு 9498794987 என்ற எண்ணில் மின்வாரிய அதிகாரிகளை தொடர்பு கொள்ளலாம் என்றும் அறிவிக்கப்பட்டுள்ளது.</p>
<p style="text-align: justify;">அதனால் தஞ்சைவாசிகளே... திங்கட்கிழமை இரவே "சார்ஜிங் திருவிழா" நடத்திவிட்டு, செவ்வாய்க்கிழமை அமைதியாக பராமரிப்பு பணிக்கு ஒத்துழைப்பு கொடுங்கள்! நீங்களும் ரிலாக்ஸாக இருங்க.</p>
Source: Read Full Article
