<p>இந்தி திரையுலகின் மிகவும் பிரபலமான நடிகர் சல்மான்கான். நீட் தேர்வு குளறுபடி விவகாரத்தால் டெல்லியில் நடக்கும் போராட்டம் மொத்த இந்தியாவையும் திரும்பி பார்க்க வைத்துள்ளது. இந்த விவகாரம் குறித்து நேற்று மாணவர்களின் போராட்டம் மிகவும் சரியான அணுகுமுறை, அமைதியாக போராட்டம் நடக்கிறது என்று பதிவிட்டிருந்தார். </p>
<p>இந்த சூழலில், சல்மான்கான் மாணவர்கள் அமைதியாக தங்கள் வீட்டுக்குத் திரும்ப வேண்டும் என்று வேண்டுகோள் விடுத்துள்ளார். இதுதொடர்பாக, அவர் தனது எக்ஸ் பக்கத்தில் பதிவிட்டுள்ளதாவது,</p>
<h2><strong>மாணவர்கள் வீட்டிற்குச் செல்லுங்கள்:</strong></h2>
<p>கல்வி மற்றும் பாதுகாப்பு ஆகிய விஷயங்களில் மாணவர்களுக்கே முன்னுரிமை அளிக்கப்படுகிறது; எனவே, மாணவர்களோ அல்லது அவர்களது பெற்றோரோ இதற்காக கவலைப்படத் தேவையில்லை. பிரதமர் இது குறித்து ட்விட்டரில் பதிவிட்டுள்ளார். வினாத்தாள் கசிவுக்குக் காரணமானவர்கள் மீது அவர் கண்டிப்பாகக் கடுமையான நடவடிக்கை எடுப்பார் என்று நான் உறுதியாக நம்புகிறேன். எனவே மாணவர்களே, தயவுசெய்து உங்கள் பெற்றோரிடமும் வீட்டிற்கும் திரும்பிச் செல்லுங்கள்.</p>
<p>சோனம், எல்லாம் முடிந்துவிட்டது. இதைத் தொடர்ந்து நீட்டிக்க வேண்டாம். தேவைப்பட்டால் (அப்படி ஒரு தேவை இருக்காது என்றே நான் நினைக்கிறேன்) இந்த உணர்வை இன்னொரு நாளுக்கு வைத்துக்கொள்ளலாம்; இப்போது ஏதாவது சாப்பிடுங்கள். உங்களுக்கு வேண்டுமென்றால், வீட்டிலிருந்து உங்களுக்கு உணவு அனுப்பி வைக்கிறேன்.</p>
<p>இவ்வாறு அவர் பதிவிட்டுள்ளார். </p>
<p>இதற்கு முன்பு சல்மான்கான் தனது எக்ஸ் பக்கத்தில் பதிவிட்டுள்ளதாவது, </p>
<h2><strong>வினாத்தாள் கசிவு:</strong></h2>
<p>இது மிகவும் அமைதியான ஒரு போராட்டமாக இருந்தது; இது வன்முறையாக மாறியது மிகுந்த வருத்தமளிக்கிறது. இதில் பாதிக்கப்பட்ட மாணவர்களுக்கும் அவர்களது குடும்பத்தினருக்கும் எனது ஆழ்ந்த அனுதாபங்கள். வினாத்தாள் கசிவு என்பது மிக முக்கியமான ஒரு பிரச்சனை. </p>
<p>சிறந்த கல்வி முறைக்காக நம் நாட்டு மாணவர்கள் ஒன்றிணைந்து செயல்படுவதையும், அதற்கு அவர்களது பெற்றோர்கள் ஆதரவளிப்பதையும் காண்பதில் நான் மகிழ்ச்சியடைகிறேன்.</p>
<p>கடினமாகப் படித்துத் தங்கள் எதிர்காலத்தையும், சிறந்த மற்றும் கல்வியறிவு மிக்க இந்தியாவையும் உருவாக்க வேண்டும் என்ற அர்ப்பணிப்பு, நேர்மை மற்றும் ஆர்வத்துடன் அவர்கள் எடுத்துள்ள இந்த நிலைப்பாட்டை நான் மனதாரப் பாராட்டுகிறேன். இந்தப் போராட்டம் சரியான அணுகுமுறை; மாணவர்கள் இதை அமைதியான முறையில் முன்னெடுத்துள்ளனர். இது மிகுந்த துணிச்சலையும் வீரத்தையும் வெளிப்படுத்துகிறது. கல்வியின் மீது மிகுந்த ஆர்வமும் உத்வேகமும் கொண்ட இந்தத் தலைமுறை இந்தியாவிற்குப் பெருமை சேர்க்கும்.</p>
<h2><strong>அரசியல் ஆதாயம் கூடாது:</strong></h2>
<p>இது மாணவர்களுக்கும் கல்வி முறைக்கும் இடையிலான ஒரு விவகாரம்; இதை அரசியல் ஆதாயத்திற்காகப் பயன்படுத்திக்கொள்ளக் கூடாது. இதற்கான முழுப் பெருமையும் நம் நாட்டு மாணவர்களையே சாரும். அரசு அவர்களுக்குத் தேவையான அனைத்து ஆதரவையும் அளித்து, கல்வி முறையை மேலும் வலுப்படுத்தும் என்று நான் உறுதியாக நம்புகிறேன். இது இரு தரப்புக்கும் நன்மை பயக்கும் ஒரு சூழலாகும். ஒரு நல்ல முடிவுக்காக நான் நம்பிக்கையுடனும் பிரார்த்தனையுடனும் காத்திருக்கிறேன். கல்வி கற்க விரும்பும் உங்கள் அனைவருக்கும் இறைவனின் ஆசி கிடைக்கட்டும்.</p>
<p>கல்வி என்பது அடுத்தகட்ட முக்கியப் போக்கு மற்றும் கலாச்சாரமாக மாற வேண்டும்; அது ஆண்டுதோறும் மேலும் பிரபலமடைய வேண்டும். எந்தளவுக்கு என்றால், வெளிநாட்டினர் கல்வி பயில இந்தியாவுக்கு வரும் நிலையும், இந்தியா ஒரு முக்கியக் கல்வி மையமாகத் திகழும் நிலையும் உருவாக வேண்டும்.</p>
<p>இவ்வாறு அவர் பதிவிட்டிருந்தார்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/entertainment/actress-trisha-educational-qualification-268614" width="631" height="381" scrolling="no"></iframe></p>
Source: Read Full Article
