<p>பள்ளிகளுக்குள் அத்துமீறி நிர்வாகத் தலையீடு செய்தால் அது தவெகவினராக இருந்தாலும் கடுமையான நடவடிக்கை எடுக்கப்பட்டு வருகிறது என தமிழக வெற்றிக் கழகம் ஐடி விங் திமுகவுக்கு பதிலடி கொடுத்துள்ளது. </p>
<h2><strong>பள்ளியில் ஒளிபரப்பான விஜய் நிகழ்ச்சி</strong></h2>
<p>கரூரில் நேற்று மக்கள் சந்திப்பு நிகழ்ச்சியில் முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> பங்கேற்று திமுக கடுமையாக சாடினார். இந்த பேச்சை கரூர் மாவட்டம் கிருஷ்ணராயபுரம் தொகுதியில் உள்ள அரசுப்பள்ளி ஒன்றில் நேரடியாக ஒளிபரப்பு செய்து மாணவ, மாணவியர்களை பார்க்க வைத்த வீடியோ இணையத்தில் வெளியாகி பெரும் சர்ச்சைகளை கிளப்பியது. இதற்கு எதிர்க்கட்சிகள் கடும் கண்டனம் தெரிவித்தன. </p>
<p>உடனடியாக ஆக்‌ஷனில் இறங்கிய பள்ளிக்கல்வித்துறை அமைச்சர் ராஜ்மோகன், சம்பந்தப்பட்ட பள்ளியின் தலைமையாசிரியரை சஸ்பெண்ட் செய்து உத்தரவிட்டார். மேலும் இதுபோன்ற செயல்களை ஏற்றுக்கொள்ளவே முடியாது என திட்டவட்டமாக தெரிவித்தார். இந்த சம்பவம் தொடர்பாக கண்டனம் தெரிவித்த திமுக, பள்ளிக்கூடம் அறிவை வளர்க்கத்தான், உங்கள் அரசியல் புகழ் பாடுவதற்கு அல்ல என விமர்சித்திருந்தது. </p>
<p><iframe title="Jaipur schoolgirl CCTV | பள்ளியில் வைத்து தற்கொலை! CLASSROOM-ல் நடந்தது என்ன? பகீர் CCTV காட்சி" src="https://www.youtube.com/embed/CnxsIo_Bwbk" width="1022" height="575" frameborder="0" allowfullscreen="allowfullscreen"></iframe></p>
<h2><strong>திமுகவுக்கு பதிலடி கொடுத்த தவெக</strong></h2>
<p>இந்த நிலையில் இதற்கு பதிலடி கொடுக்கும் வகையில் தவெக ஐடி விங் பதிவு ஒன்றை வெளியிட்டது. அதில், “2021 மே மாதம் ஆட்சிப் பொறுப்பேற்ற உடனேயே, திருச்சியில் உள்ள கட்சி அலுவலகத்தில் அதிகாரப்பூர்வ பள்ளிக்கல்வித் துறை கூட்டத்தை நடத்திக் கொண்டவர்கள் தான் இந்த ஓடுகாலி முன்னேற்றக் கழகப் பண்ணையார்கள்.</p>
<p>2024 நவம்பர் மாதம் உதயநிதி பிறந்தநாளின்போது, “ஏன் பிறந்தாய் மகனே, ஏன் பிறந்தாயோ?” என அப்போதே பாடிக்கொண்டிருந்தபோது, பள்ளி மாணவர்களை கொளுத்தும் வெயிலில் விளையாட்டு மைதானத்தில் நிற்க வைத்து உதயநிதிக்கு “Happy Birthday” வாழ்த்து கூறும் வீடியோவை வெளியிட்ட விளம்பர வெறியர்கள்… இன்று ஒட்டுமொத்தமாக நல்லவர் வேடம் கட்டி நடிக்கிறார்கள்!</p>
<p><strong>Also Read: <a title="TVK Vijay: செந்தில் பாலாஜியை வச்சுகிட்டு ஊழல் பத்தி பேச கூச்சமே இருக்காதா? - திமுகவை சாடிய தவெக!" href="https://tamil.abplive.com/news/tamil-nadu/tvk-it-wing-condemn-to-ex-dmk-minister-ss-sivasankar-speech-about-cm-joseph-vijay-karur-visit-267018" target="_blank" rel="noopener">TVK Vijay: செந்தில் பாலாஜியை வச்சுகிட்டு ஊழல் பத்தி பேச கூச்சமே இருக்காதா? - திமுகவை சாடிய தவெக!</a></strong></p>
<p>எதிர்கால வரலாற்றை மாற்றி எழுதப்போகும் மகத்தான பிஞ்சு மாணவர்களின் கரங்களில் மையை ஊற்றி, கைரேகை (Thumbprint) மூலம் உதயநிதி ஸ்டாலினின் உருவப்படத்தை உருவாக்கி, பிறந்தநாள் பரிசாக அளித்தவர்கள் நீங்கள் தான்.</p>
<p>பள்ளிக்கூடங்களை ரசிகர் மன்றங்களாகவும், கட்சி அலுவலகங்களை ஆட்சி இடங்களாகவும், பள்ளிக்கல்வித் துறை தலைமை அலுவலகத்தையே கமிஷன் வாங்கும் பணச் சுடுகாடாகவும் மாற்றிய பெருமை, ஆஸ்கர் நாயகர்களின் அமைச்சரவைக் காலங்களில்தான் நடந்தது. தவெக அரசு அமைந்ததும், பள்ளிகளில் அரசியல் நடவடிக்கைகள் அறவே கூடாது என திட்டவட்டமாக அறிவிக்கப்பட்டது.</p>
<p><a title="தவெக" href="https://tamil.abplive.com/topic/tvk" data-type="interlinkingkeywords">தவெக</a>வினராக இருந்தாலும், பள்ளிகளுக்குள் அத்துமீறி நிர்வாகத் தலையீடு செய்தால் கடுமையான நடவடிக்கை எடுக்கப்பட்டு வருகிறது! கட்சி நிகழ்வை பள்ளியில் ஒளிபரப்பிய விவகாரத்தில்கூட, அதிரடியாக, உடனடியாக நடவடிக்கை எடுக்கப்பட்டுள்ளது. ஏனென்றால் இது வெற்றித் தலைவர் அவர்களின் நேர்மையான அரசு! மனசாட்சி உள்ள மக்களாட்சி! என்றும் மக்களுக்கான ஆட்சி” என தெரிவிக்கப்பட்டுள்ளது. </p>
<p><iframe class="vidfyVideo" style="border: 0px;" src="https://tamil.abplive.com/web-stories/health/health-tips-is-apple-seeds-contain-a-toxic-compound-266958" width="631" height="381" scrolling="no"></iframe></p>
Source: Read Full Article
