வார லீவு.. ஊருக்கு போறீங்களா? ஸ்பெஷல் பஸ் ரெடியா இருக்குது! எங்கே இருந்து எவ்வளவு பேருந்துகள்?

<p>தமிழ்நாட்டில் சனி மற்றும் ஞாயிற்றுக்கிழமையில் பள்ளிகள், கல்லூரிகள், பல்வேறு நிறுவனங்கள் விடுமுறையில் இருப்பதால் &nbsp;பேருந்துகளில் பயணிகளின் எண்ணிக்கை அதிகளவு காணப்படும். இதனால், வார இறுதி நாளில் அரசு சார்பில் அரசுப்பேருந்துகள் அதிகளவு இயக்கப்படுவது வழக்கம். இந்த வாரமும் வழக்கத்தை விட அதிக பேருந்துகள் இயக்கப்பட உள்ளது.</p> <p>இதுதொடர்பாக, தமிழக அரசு வெளியிட்ட செய்திக்குறிப்பில் கூறியிருப்பதாவது,&nbsp;</p> <h2><strong>கூடுதல் பேருந்துகள்:</strong></h2> <p>17ம் தேதி (வெள்ளிக்கிழமை) 18ம் தேதி (சனிக்கிழமை) மற்றும் 19ம் தேதி (ஞாயிறுக்கிழமை) மற்றும் வார விடுமுறை நாட்களை முன்னிட்டு சென்னையிலிருந்து இதர இடங்களுக்கும் மற்றும் பிற இடங்களிலிருந்தும் கூடுதலான பயணிகள் தமிழகம் முழுவதும் பயணம் மேற்கொள்வார்கள் என எதிர்பார்க்கப்படுகிறது.</p> <p>இயக்க இதனை கருத்தில் கொண்டு தமிழ்நாடு அரசு போக்குவரத்துக் கழகங்கள் தினசரி இயக்கப்படும் பேருந்துகளுடன் கூடுதலாக சிறப்பு பேருந்துகளை திட்டமிடப்பட்டுள்ளது.</p> <h2><strong>330 பேருந்துகள்:</strong></h2> <p>சென்னை கிளாம்பாக்கத்திலிருந்து திருவண்ணாமலை. திருச்சி, கும்பகோணம், மதுரை, திருநெல்வேலி, நாகர்கோவில், கன்னியாகுமரி, தூத்துக்குடி, கோயம்புத்தூர், சேலம், ஈரோடு, திருப்பூர் ஆகிய இடங்களுக்கு 17/07/2026 (வெள்ளிக்கிழமை) அன்று 395 பேருந்துகளும், 18/07/2026 (சனிக்கிழமை) 330 பேருந்துகளும் இயக்க திட்டமிடப்பட்டுள்ளது.&nbsp;</p> <h2><strong>கோயம்பேட்டில் இருந்து சிறப்பு பேருந்துகள்:</strong></h2> <p>சென்னை கோயம்பேட்டிலிருந்து திருவண்ணாமலை, நாகை, வேளாங்கண்ணி, ஓசூர். பெங்களூரு ஆகிய இடங்களுக்கு 17/07/2026 வெள்ளிக் கிழமை அன்று 120 பேருந்துகளும் 18/07/2026 சனிக்கிழமை அன்று 120 பேருந்துகளும் மேற்கூறிய இடங்களிலிருந்தும் இயக்க திட்டமிடப்பட்டுள்ளது. பெங்களூர், திருப்பூர், ஈரோடு மற்றும் கோயம்புத்தூர் ஆகிய இடங்களிலிருந்து பல்வேறு இடங்களுக்கு 200 சிறப்பு பேருந்துகளும் இயக்க திட்டமிடப்பட்டுள்ளது.&nbsp;</p> <p>மாதவரத்திலிருந்து 17/07/2026 மற்றும் 18/07/2026 ஆகிய நாட்களில் கள்ளக்குறிச்சி, திருவண்ணாமலை. போளூர் மற்றும் புதுச்சேரி ஆகிய இடங்களுக்கு ஒவ்வொரு நாளும் 25 சிறப்பு பேருந்துகள் இயக்க திட்டமிடப்பட்டுள்ளது.</p> <h2><strong>ஞாயிறு &nbsp;சிறப்பு பேருந்துகள்:</strong></h2> <p>மேலும், ஞாயிறு அன்று சொந்த ஊர்களில் இருந்து சென்னை மற்றும் பெங்களூர் திரும்ப வசதியாக பயணிகளின் தேவைகேற்ப அனைத்து இடங்களிலிருந்தும் 19/07/2026 (ஞாயிற்றுக்கிழமை) அன்று 420 சிறப்பு பேருந்துகள் இயக்கிட திட்டமிடப்பட்டுள்ளது.</p> <h2><strong>முன்பதிவு:</strong></h2> <p>இந்நிலையில், இந்த வார இறுதியில் வெள்ளிக்கிழமை அன்று 4683 பயணிகளும் சனிக்கிழமை 1920 பயணிகளும் மற்றும் ஞாயிறு அன்று 6059 பயணிகளும் பயணம் மேற்கொள்ள முன்பதிவு செய்துள்ளனர். இந்த எண்ணிக்கை மேலும் அதிகரிக்க வாய்ப்பு உள்ளதால் தொலைதூர பயணம் மேற்கொள்ள இருக்கும் பயணிகள் கூட்ட நெரிசலை தவிர்க்கும் பொருட்டு தங்களது பயணத்திற்கு www.tnstc.in மற்றும் TNSTC Mobile App மூலம் முன்பதிவு செய்து பயணிக்க &nbsp;கேட்டுக் கொள்ளப்படுகிறார்கள்.</p> <p>இச்சிறப்பு பேருந்து இயக்கத்தினை கண்காணிக்க அனைத்து பேருந்து நிலையங்களிலும் போதிய அலுவலர்கள் நியமிக்கப்பட்டுள்ளனர். எனவே, பயணிகள் மேற்கூறிய வசதியினை பயன்படுத்தி தங்களது பயணத்தினை மேற்கொள்ள இதன் மூலம் கேட்டுக்கொள்ளப்படுகிறது.</p> <p>இவ்வாறு அதில் தெரிவிக்கப்பட்டுள்ளது.&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/health/know-how-to-lose-belly-fat-without-gym-workout-and-with-home-exercises-267472" width="631" height="381" scrolling="no"></iframe></p>

Source: Read Full Article