<p>விழுப்புரம் : அரசியலில் துரவரம் மேற்கொண்டுள்ளதாக ராமதாஸ் தெரிவித்தாலும், மருத்துவர் ராமதாசின் வழிகாட்டுதலின் படி அரசியல் செய்வோம் அவர் தான் தங்களின் வழிகாட்டி என பாமக தலைவர் அன்புமணி ராமதாஸ் தெரிவித்துள்ளார். </p>
<p> பாமக நிறுவனர் மருத்துவர் இராமதாஸ் அவர்களின் 88-வது பிறந்தநாள் விழா, விழுப்புரம் மாவட்டம் கோனேரிக்குப்பத்தில் உள்ள ராமதாஸ் கல்வி அறக்கட்டளை கல்லூரி வளாகத்தில் விமரிசையாக நடைபெற்றது. இந்நிகழ்வில் பாமக தலைவர் அன்புமணி ராமதாஸ் தனது குடும்பத்தினருடன் கலந்துகொண்டு உரையாற்றினார்.</p>
<p><strong>கல்வி மற்றும் மது விற்பனை பற்றிய கவலை:</strong></p>
<p>தமிழகத்திலேயே விழுப்புரம் மாவட்டம் அதிகளவில் மது விற்பனை நடைபெறும் முதல் மாவட்டமாக உருவெடுத்துள்ளது குறித்து வேதனை தெரிவித்த அன்புமணி ராமதாஸ், அதே நேரத்தில் இம்மாவட்டம் கல்வியில் கடைசி இடத்தில் இருப்பது மிகவும் கவலையளிப்பதாகக் குறிப்பிட்டார்.</p>
<p><strong>கல்வியும் சமூக சீர்திருத்தமும்:</strong></p>
<p>மருத்துவர் இராமதாஸ் அவர்கள் கல்வி வளர்ச்சிக்கு மிகச்சிறந்த வழிகாட்டியாகத் திகழ்கிறார் எனப் பாராட்டிய அவர், ராமதாஸ் அவர்கள் ஒரு சிறந்த சமூக சீர்திருத்தவாதி என்றும், ஒவ்வொரு விஷயத்திலும் தெளிவான கொள்கைகளைப் பின்பற்றி வாழ்ந்து வருகிறார் என்றும் புகழாரம் சூட்டினார்.</p>
<p><strong>சுற்றுச்சூழல் விழிப்புணர்வு குறித்த விமர்சனம்:</strong></p>
<p>தற்போதுள்ள பிற அரசியல் கட்சிகளுக்குச் "சுற்றுச்சூழல்" என்றால் என்னவென்றே தெரியவில்லை என்று அன்புமணி கடுமையாக விமர்சித்தார்.</p>
<h2>"ராமதாஸ் வழியிலேயே நமது அரசியல் பயணம்"</h2>
<p>மருத்துவர் இராமதாஸ் அவர்கள் தான் அரசியலில் இருந்து துறவறம் பூண்டுள்ளதாகத் தெரிவித்திருந்தாலும், பாமகவின் அரசியல் பயணம் தொடர்ந்து அவருடைய வழிகாட்டுதலின் படியே அமையும் என்பதை அன்புமணி ராமதாஸ் தெளிவுபடுத்தினார்.</p>
<p>"மருத்துவர் இராமதாஸ் அவர்களே எங்களின் என்றும் மாறாத வழிகாட்டி. பாட்டாளி மக்கள் கட்சி தமிழகத்தை ஆட்சி செய்வதை மருத்துவர் அய்யா அவர்கள் கண்டிப்பாகத் தனது கண்களால் காண்பார்." என அன்புமணி ராமதாஸ் தெரிவித்தார்.</p>
Source: Read Full Article
