<h2><strong>" வெட்டிய 6 பேர் கொண்ட கும்பல் "</strong></h2>
<p>சென்னை ஓட்டேரி எஸ்.வி.எம்., நகரைச் சேர்ந்தவர் பலி ஆடு என்ற அஜய் ( வயது 20 ) இவர் மீது, கொலை முயற்சி உட்பட மூன்று வழக்குகள் உள்ளன. இவர், தன் தோழியான காஜல் என்ற திருநங்கையை , ஹோண்டா ஆக்டிவா ஸ்கூட்டரில் அழைத்து சென்று பழைய வண்ணாரப்பேட்டை ராமதாஸ் நகரில் உள்ள வாரிய குடியிருப்பில் இறக்கி விட்டுள்ளார் </p>
<p>அப்போது , அஜயை பின் தொடர்ந்து, மூன்று பைக்குகளில் வந்த ஆறு பேர், அவரை வழிமறித்து கத்தியால் சரமாரியமாக வெட்டி தப்பினர். தலையில் பலத்த வெட்டு காயங்கள் ஏற்பட்டு ரத்த வெள்ளத்தில் சரிந்த அஜய் , சம்பவ இடத்திலேயே உயிரிழந்தார்.</p>
<h2><strong>விசாரணையை துவக்கிய போலீசார்</strong></h2>
<p>தகவலறிந்து வந்த வண்ணாரப்பேட்டை போலீசார் , அவரது உடலை மீட்டு விசாரணையை துவக்கினர். இக்கொலையில் சம்பந்தப்பட்ட அருண்ராஜ் ( வயது 27 ) உட்பட ஆறு பேரை கைது செய்து, நீதிமன்றத்தில் ஆஜர்படுத்தி புழல் சிறையில் அடைத்தனர். இச்சம்பவத்தில் ஈடுபட்ட சிறுவனை, கெல்லீஸில் உள்ள அரசு கூர்நோக்கு இல்லத்தில் சேர்த்தனர்.</p>
<h2><strong>இச்சம்பவம் குறித்து போலீசார் கூறுகையில் ;</strong></h2>
<p>கொலை முயற்சி வழக்கில் சிறையில் அடைக்கப்பட்ட அஜய்க்கும் , அங்கு ஏற்கனவே இருந்த அருண்ராஜ் ( வயது 27 ) என்பவருக்கும் பழக்கம் ஏற்பட்டுள்ளது. இருவரும் வெளியே வந்த நிலையில், 'யார் பெரிய ரவுடி' என, 'வீடியோ' எடுத்து போடுவதில் இருவருக்கும் இடையே தகராறு ஏற்பட்டுள்ளது.</p>
<p>இதற்கிடையே அருண்ராஜின் உறவுக்கார பெண்ணுக்கு அஜய் குறுந் தகவல் அனுப்பி வந்துள்ளார். இது குறித்து மூன்று நாட்களுக்கு முன், அஜய் வீட்டிற்கு சென்று அருண்ராஜ் கேட்ட போது , இருவருக்கும் தகராறு ஏற்பட்டுள்ளது. இதை மனதில் வைத்து அருண்ராஜ், அவரது கூட்டாளிகளான 'ஸ்பேரோ' என்ற தனுஷ் ( வயது 22 ) தமிழரசன் ( வயது 29 ) சுனில் என்ற சூர்யா ( வயது 20 ) சிவா ( வயது 23 ) மற்றும் 17 வயதுடைய சிறுவன் ஆகியோர், அஜயை வெட்டி கொன்றுள்ளனர் என இவ்வாறு கூறினர்.</p>
Source: Read Full Article
