<p class="p1">உலக கால்பந்து ஜாம்பவான் லியோனல் மெஸ்ஸி<span class="s1">, </span>மைதானத்தில் மட்டுமல்ல விளம்பர உலகிலும் தனது மார்க்கெட் மதிப்பை மீண்டும் நிரூபித்துள்ளார்<span class="s1">. </span>ஹாலிவுட்டின் மிகப்பெரிய சூப்பர் ஹீரோ படமான<span class="s1"> Spider-Man: Brand New Day </span>படத்திற்கான விளம்பர வீடியோவில் நடிகர் டாம் ஹாலந்துடன் இணைந்து நடித்ததற்காக<span class="s1">, </span>இந்திய மதிப்பில் சுமார் ரூ<span class="s1">.143 </span>கோடி<span class="s1"> (15 </span>மில்லியன் அமெரிக்க டாலர்<span class="s1">) </span>சம்பளமாக பெற்றதாக தகவல்கள் வெளியாகியுள்ளன<span class="s1">. </span>இந்த தகவல் சமூக வலைதளங்களில் வேகமாக பரவி வருகிறது<span class="s1">. </span></p>
<p class="p1">வெறும்<span class="s1"> 40 </span>விநாடிகள் மட்டுமே ஓடும் இந்த புரமோஷன் வீடியோவில்<span class="s1">, </span>ஸ்பைடர்மேனை தேடி செல்லும் மெஸ்ஸி<span class="s1">, </span>பின்னர் அவருடன் நியூயார்க் நகரில் சாகச பயணம் மேற்கொள்வது போன்ற காட்சிகள் இடம்பெற்றுள்ளன<span class="s1">. </span>சோனி பிக்சர்ஸ் வெளியிட்ட இந்த வீடியோ வெளியான சில மணி நேரங்களிலேயே கோடிக்கணக்கான பார்வைகளை பெற்று இணையத்தில் வைரலாகியது<span class="s1">.</span></p>
<h2>சம்பளத்தில் சினிமா பிரபலங்களை மிஞ்சிய மெஸ்ஸி</h2>
<p class="p1">மெஸ்ஸி வாங்கியதாக கூறப்படும் இந்த ரூ<span class="s1">.143 </span>கோடி சம்பளம் தற்போது சினிமா உலகிலும் பேசுபொருளாகியுள்ளது<span class="s1">. </span>இந்திய சினிமாவில் முன்னணி நடிகர்கள் பலர் ஒரு முழு திரைப்படத்திற்கு பெறும் சம்பளத்தை விட<span class="s1">, </span>மெஸ்ஸி ஒரு விளம்பரத்திற்காகவே பெற்றிருப்பது அனைவரையும் ஆச்சரியத்தில் ஆழ்த்தியுள்ளது<span class="s1">. </span>குறிப்பாக இந்த தொகை<span class="s1">, </span>உலக அளவில் விளையாட்டு வீரர்களின் வணிக மதிப்பு எவ்வளவு உயர்ந்துள்ளது என்பதையும் வெளிப்படுத்துகிறது<span class="s1">.</span></p>
<p class="p1">மெஸ்ஸி ஏற்கனவே அடிடாஸ்<span class="s1">, </span>பெப்சி உள்ளிட்ட பல சர்வதேச நிறுவனங்களின் பிராண்ட் தூதுவராக இருந்து வருகிறார்<span class="s1">. </span>மைதானத்தில் அவர் படைக்கும் சாதனைகள் மட்டுமல்லாமல்<span class="s1">, </span>உலகம் முழுவதும் உள்ள ரசிகர் பட்டாளமும் அவரை விளம்பர நிறுவனங்களின் முதல் தேர்வாக மாற்றியுள்ளது<span class="s1">. </span>அதனால் அவர் இடம்பெறும் ஒவ்வொரு விளம்பரமும் உலகளாவிய கவனத்தை ஈர்க்கிறது<span class="s1">.</span></p>
<p class="p1">இதற்கிடையில்<span class="s1">, </span>தற்போது நடைபெற்று வரும்<span class="s1"> 2026 FIFA </span>உலகக் கோப்பை தொடரிலும் மெஸ்ஸி மீதான எதிர்பார்ப்பு உச்சத்தில் உள்ளது<span class="s1">. 39 </span>வயதிலும் அர்ஜென்டினா அணியின் முக்கிய வீரராக களமிறங்கி விளையாடி வரும் அவர்<span class="s1">, </span>அணியை மீண்டும் கோப்பை வெற்றிக்கு அழைத்துச் செல்வாரா என்ற எதிர்பார்ப்பில் உலகம் முழுவதும் உள்ள கால்பந்து ரசிகர்கள் காத்திருக்கின்றனர்<span class="s1">. </span>மைதானத்தில் அவரது ஒவ்வொரு ஆட்டமும் கவனத்தை ஈர்க்கும் நிலையில்<span class="s1">, </span>திரையுலகிலும் அவர் உருவாக்கியுள்ள இந்த புதிய சாதனை<span class="s1">, </span>விளையாட்டு வீரர்களின் உலகளாவிய வணிக சக்தியை மீண்டும் ஒருமுறை நிரூபித்துள்ளது<span class="s1">.</span></p>
<p class="p1"><span class="s1"><iframe class="vidfyVideo" style="border: 0px;" src="https://tamil.abplive.com/web-stories/business/new-rule-introduced-for-credit-card-users-265893" width="631" height="381" scrolling="no"></iframe></span></p>
<p class="p2"> </p>
Source: Read Full Article
