<p>மத்திய கிழக்கில் மீண்டும் பதற்றம் ஏற்படும் வகையில், இஸ்ரேலும் ஈரானும் மாறி மாறி தாக்குதல்களை நடத்தி வருகின்றன. போர் நிறுத்தத்தை மீறி இஸ்ரேல் தாக்குதல்களை நடத்தி வரும் நிலையில், முன்னதாக நெதன்யாகுவை ட்ரம்ப் எச்சரித்திருந்தார். இந்த நிலையில், சற்று நேரத்திற்கு முன்பு, இஸ்ரேலும் ஈரானும் உடனடியாக தாக்குதலை நிறுத்துமாறு அவர் கூறியுள்ளார்.</p>
<h2>ட்ரம்ப்பின் லேட்டஸ்ட் வார்னிங்</h2>
<p>ஏற்கனவே இஸ்ரேலிய பிரதமர் பெஞ்சமின் நெதன்யாகுவை தொலைபேசியில் அழைத்து, ஈரான் மீது தாக்குதல் நடத்த வேண்டாம் என்று எச்சரித்திருந்த அமெரிக்க அதிபர் ட்ரம்ப், சற்று நேரத்திற்கு முன்பு தனது சமூக வலைதள பக்கத்தில், இரு நாடுகளும் தாக்குதலை உடனடியாக நிறுத்துமாறு கூறி ஒரு பதிவை போட்டுள்ளார்.</p>
<p><iframe class="truthsocial-embed" style="max-width: 100%; border: 0;" src="https://truthsocial.com/@realDonaldTrump/116713809450237814/embed" allowfullscreen="allowfullscreen"></iframe>
<script src="https://truthsocial.com/embed.js" async="async"></script>
</p>
<h2>ஏற்கனவே ட்ரம்ப் கூறியது என்ன.?</h2>
<p><span dir="auto">அமெரிக்க அதிபர் டொனால்ட் ட்ரம்ப்</span><span dir="auto"> மற்றும் இஸ்ரேலிய பிரதமர் பெஞ்சமின் நெதன்யாகு ஆகியோர் ஈரானுடனான போர் தொடர்பாக தற்போது கடும் கருத்து வேறுபாட்டில் உள்ளனர். அமெரிக்கா முன்வைக்கும் எந்தவொரு சமரசத்தையும் நெதன்யாகு ஏற்றுக்கொள்ள வேண்டும் என்று ஙரம்ப் தெளிவாகக் கூறியுள்ளார். மத்திய கிழக்கில் போரை முடிவுக்குக் கொண்டுவர, வாஷிங்டன் மேற்கொள்ளும் எந்தவொரு ஒப்பந்தத்தையும் ஏற்றுக்கொள்வதைத் தவிர அவருக்கு வேறு வழியில்லை என்றும் ட்ரம்ப் கூறியுள்ளார். </span></p>
<p><span dir="auto">ஃபைனான்சியல் டைம்ஸ் பத்திரிகைக்கு அளித்த பேட்டியில், டெஹ்ரானுக்கு எதிரான அமெரிக்க-இஸ்ரேலிய தாக்குதல் தொடர்பான இறுதி முடிவை எடுக்கும் அதிகாரம் தனக்கே உள்ளது என்று ட்ரம்ப் கூறியுள்ளார். மேலும், நெதன்யாகுவுக்கு வேறு வழியில்லை என்றும், எல்லாவற்றையும் தாமே தீர்மானிப்பதாகவும், நெதன்யாகுவால் எதையும் தீர்மானிக்க முடியாது என்றும் ட்ரம்ப் தெரிவித்துள்ளார்.</span></p>
<p>ஏப்ரல் மாத தொடக்கத்தில் எட்டப்பட்ட நிலையற்ற போர்நிறுத்தத்தின் மிகக் கடுமையான மீறலாக, ஈரான் இஸ்ரேல் மீது கண்டம் விட்டு கண்டம் பாயும் ஏவுகணைகளை ஏவிய சிறிது நேரத்திலேயே, அமெரிக்க அதிபரின் இந்த அறிக்கை வெளியாகியுள்ளது. இதற்கிடையே, ஈரானுக்கு எதிராக பதிலடி கொடுக்க வேண்டாம் என்றும், பேச்சுவார்த்தை மேசைக்கு திரும்புமாறும், நெதன்யாகுவுக்கு அறிவுறுத்துவதாக ட்ரம்ப் ஃபாக்ஸ் நியூஸ் மற்றும் ஆக்சியோஸ் ஊடகங்களிடம் தெரிவித்துள்ளார். இருப்பினும், ட்ரம்பின் நிலைப்பாடு இஸ்ரேலிய இராணுவம் வெளியிட்ட அறிக்கைகளிலிருந்து முற்றிலும் வேறுபடுகிறது.</p>
<p><iframe title="INDIA Alliance | ஒன்றுகூடிய ராகுல், மம்தா, அகிலேஷ்! "நாங்க வரமாட்டோம்” MEETING-ஐ புறக்கணித்த திமுக" src="https://www.youtube.com/embed/oWcgoJxQHlE" width="756" height="425" frameborder="0" allowfullscreen="allowfullscreen"></iframe></p>
<h2><span dir="auto">ட்ரம்ப் நெதன்யாகுவிடம் கூறியது என்ன.? </span></h2>
<p><span dir="auto">ஒரு நல்ல ஒப்பந்தத்தை எட்டுவதற்கு நெருங்கிவிட்டதால், சிறிது காலம் பொறுத்திருக்குமாறு ட்ரம்ப் நெதன்யாகுவிடம் தொலைபேசியில் கூறியதாக, ஒரு அமெரிக்க அதிகாரியை மேற்கோள் காட்டி ஆக்சியோஸ் செய்தி வெளியிட்டுள்ளது. அந்த அறிக்கையின்படி, இஸ்ரேலிய தலைவர் ஆரம்பத்தில் எதிர்த்தாலும், இறுதியில் பின்வாங்க ஒப்புக்கொண்டார். </span></p>
<p><span dir="auto">மேலும் பதற்றத்தை அதிகரிக்க வேண்டாம் என எச்சரித்த ட்ரம்ப், மற்றொரு ராணுவ மோதல் நிலைமையை நீட்டிக்கவே செய்யும் என்று கூறினார். </span><span dir="auto">"பிபி அவர்களைத் திருப்பித் தாக்கினால், இது கடந்த 47 ஆண்டுகளைப் போலவோ அல்லது கடந்த 3,000 ஆண்டுகளைப் போலவோ தொடர்ந்துகொண்டே இருக்கும்," என்று அவர் கூறினார்.</span></p>
<p><span dir="auto"><iframe class="vidfyVideo" style="border: 0px;" src="https://tamil.abplive.com/web-stories/health/half-a-teaspoon-of-fennel-can-give-relief-from-many-health-problems-know-details-263069" width="631" height="381" scrolling="no"></iframe></span></p>
<p><span dir="auto">ஈரான் இஸ்ரேல் மீது நடத்திய தாக்குதல்கள், அமெரிக்க-ஈரான் பேச்சுவார்த்தைகளை நிறைவு செய்வதற்கான தனது விருப்பத்தை மாற்றவில்லை என்று ட்ரம்ப் ஃபைனான்சியல் டைம்ஸ் பத்திரிகையிடம் கூறினார். அது ஒப்பந்தத்தை பாதிக்காது என்றும் டொனால்ட் ட்ரம்ப் கூறினார்.</span></p>
<p> </p>
Source: Read Full Article
