<ul>
<li>மின் வாரிய கள உதவியாளர் பணிக்கான உடல் தகுதித் தேர்வில் வெறும் காலில் மின்கம்பம் ஏற வேண்டும் என்ற விதி தளர்த்தப்படுவதாக அறிவிக்கப்பட்டுள்ளது. 1850 பணியிடங்கள் நிரம்பும் வகையில் நடவடிக்கை எடுக்கப்பட்டுள்ளது.</li>
<li>டாஸ்மாக்கை தனியார்மயமாக்குவது குறித்து ஆய்வு செய்து வருவதாக அமைச்சர் விக்னேஷ் தெரிவித்துள்ளார். டாஸ்மாக் வருமானத்தில் தான் அரசு நடைபெற வேண்டும் என்ற எண்ணம் முதலமைச்சருக்கு இல்லை என அவர் தெரிவித்துள்ளார். </li>
<li>அசாமில் சட்டவிரோத அகதிகள் ஆதார் அட்டை பெறுவதை தடுக்க 18 வயதுக்கு மேற்பட்டோருக்கு புதிதாக ஆதார் அட்டை வழங்குவதை நிறுத்த அம்மாநில அமைச்சரவைக் கூட்டத்தில் முடிவெடுக்கப்பட்டுள்ளது. </li>
<li>மத்திய கல்வியமைச்சர் தர்மேந்திர பிரதான் பதவி விலகக்கோரி பெங்களூருவில் கரப்பான் பூச்சி ஜனதா கட்சி நடத்தும் ஆர்ப்பாட்டத்தில் நடிகர் பிரகாஷ்ராஜ் பங்கேற்கிறார். அனைவரும் இதற்கு ஆதரவளிக்க வேண்டும் என கேட்டுக் கொண்டுள்ளார். </li>
<li>மகளிர் டி20 உலகக்கோப்பை தொடரின் முதல் ஆட்டத்தில் இந்தியா - பாகிஸ்தான் அணிகள் இன்று மோதுவதால் பெரும் எதிர்பார்ப்பு ஏற்பட்டுள்ளது. </li>
<li>நெல்லை மணிமுத்தாறு அருவியில் 11வது நாளாக வெள்ளப்பெருக்கு ஏற்பட்டுள்ள நிலையில் சுற்றுலா பயணிகள் குளிக்க தடை விதிக்கப்பட்ட நிலையில் அருவியை பார்வையிட அனுமதியளிக்கப்பட்டுள்ளது.</li>
</ul>
<p><iframe title="People on Vijay Govt | CM விஜயின் ஒரு மாத ஆட்சிமோசமா? சூப்பரா? மக்கள் சொல்வது என்ன? TVK" src="https://www.youtube.com/embed/z4JKL0ep6_E" width="1022" height="575" frameborder="0" allowfullscreen="allowfullscreen"></iframe></p>
<ul>
<li>தனது நிறுவனத்தின் கார்களின் விலையை 1.5% வரை உயர்த்த உள்ளதாக டாடா மோட்டார்ஸ் நிறுவனம் தெரிவித்துள்ளது. உற்பத்தி செலவுகளில் ஏற்பட்ட மாற்றமே விலை உயர்வுக்கு காரணம் என தெரிவிக்கப்பட்டுள்ளது.</li>
<li>மத்திய அரசின் கேந்திரிய வித்யாலயா பள்ளிகளில் 2026-2027 கல்வியாண்டு முதல், 6 மற்றும் 9ம் வகுப்புகளில் குறைந்தபட்சம் ஒரு பிரிவிலாவது சமஸ்கிருத மொழி கற்பிக்கப்படுவது கட்டாயம் என தெரிவிக்கப்பட்டுள்ளது.</li>
<li>ராகுல் காந்தியின் அணுகுமுறைகள் இந்தியா கூட்டணியை வலுப்படுத்துவதற்கு மாறாக பாஜகவுக்கு சாதகமாகவே அமைகிறது என கேரள முன்னாள் முதல்வர் பினராயி விஜயன் விமர்சித்துள்ளார். திமுககூட்டணியில் இருந்து காங்கிரஸ் வெளியேறியது போன்ற செயல்கள் பாஜகவின் நலன்களுக்கு சாதகமாகனதாக தெரிவித்துள்ளார். </li>
<li>214 கோயில்களில் காலியாக உள்ள அறங்காவலர்கள் பதவிகளுக்கு பரம்பரை முறைவழி சாரா அறங்காவலர்கள் நியமிக்கப்படவுள்ளதாக அறநிலையத்துறை அறிவித்துள்ளது. தகுதியான நபர்கள் விண்ணப்பிக்கலாம் என தெரிவிக்கப்பட்டுள்ளது.</li>
<li>முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> மற்றும் அமைச்சர் ஸ்ரீநாத் குறித்து அவதூறான கருத்துகளை பேசியதாக நாம் தமிழர் கட்சியின் தலைமை ஒருங்கிணைப்பாளர் சீமான் மீது காவல் ஆணையர் அலுவலகத்தில் தவெக புகார் அளித்துள்ளது.</li>
<li>இந்தியா - நேபாளம் இடையே ரயில் போக்குவரத்தை உருவாக்க இருநாடுகளின் அதிகாரிகளும் பேச்சுவார்த்தை நடத்தியுள்ளனர். நேபாளத்தின் ஜனக்பூரில் இருந்து அயோத்தி வரை ரயில்களை இயக்க ஆலோசனை நடத்தப்பட்டுள்ளது.</li>
<li>பிரான்சில் நடைபெறவுள்ள ஜி 7 மாநாட்டில் பிரதமர் மோடி, அமெரிக்க அதிபர் டிரம்பை சந்திக்க உள்ளதாக வெள்ளை மாளிகை அறிவித்துள்ளது.</li>
</ul>
<p><strong>Also Read: <a title="வன்மத்தில் வடை சுடும் ஸ்டாலின்.. தமிழ்நாட்டையே ஷாப்பிங் செய்த குடும்பம்.. தவெக சரமாரி விமர்சனம்!" href="https://tamil.abplive.com/news/tamil-nadu/tamilaga-vettri-kazhagam-it-wing-slams-dmk-mk-stalin-over-on-his-allegations-against-cm-joseph-vijay-263763" target="_self">வன்மத்தில் வடை சுடும் ஸ்டாலின்.. தமிழ்நாட்டையே ஷாப்பிங் செய்த குடும்பம்.. தவெக சரமாரி விமர்சனம்!</a></strong></p>
<p><iframe class="vidfyVideo" style="border: 0px;" src="https://tamil.abplive.com/web-stories/health/health-tips-these-people-should-be-avoid-eating-potato-details-here-263680" width="631" height="381" scrolling="no"></iframe></p>
Source: Read Full Article
