IND vs AFG: இஷான் கிஷன், சுப்மன்கில் பேயாட்டம்! அடிவாங்கிய ஆப்கானிஸ்தான்! தொடரை வென்ற இந்தியா

<p>இந்தியா வந்துள்ள ஆப்கானிஸ்தான் அணி டெஸ்ட் மற்றும் ஒருநாள் தொடரில் ஆடி வருகிறது. ஆப்கானிஸ்தான் அணி டெஸ்ட் தொடரை முடித்து தற்போது ஒருநாள் தொடரில் ஆடி வருகிறது. இரு அணிகளும் மோதிய 2வது போட்டி இன்று நடந்தது.&nbsp;</p> <h2><strong>403 ரன்கள் டார்கெட்:</strong></h2> <p>இந்த போட்டியில் முதலில் பேட் செய்த இந்திய அணிக்கு ஜெய்ஸ்வால் 4 ரன்னில் அவுட்டாகிய நிலையில், முன்னாள் கேப்டன் ரோகித் - கேப்டன் சுப்மன்கில் சிறப்பாக ஆடினார்கள். ரோகித் சர்மா பவுண்டரி, சிக்ஸர் என விளாசிய நிலையில் 39 பந்துகளில் 6 பவுண்டரி, 2 சிக்ஸருடன் 48 ரன்கள் விளாசி அவுட்டானார். கேப்டன் சுப்மன்கில் - இஷான் கிஷன் ஜோடி ஐபிஎல் அதிரடியை இந்த போட்டியிலும் தொடர்ந்தது.&nbsp;</p> <p>சுப்மன்கில் 154 ரன்களும், இஷான் கிஷன் 125 ரன்களும் விளாச இந்திய அணி ஆப்கானிஸ்தானுக்கு 403 ரன்களை இலக்காக நி்ர்ணயித்தது. இமாலய இலக்குடன் களமிறங்கிய ஆப்கானிஸ்தானுக்கு குர்பாஸ் - ஜட்ரான் நிதானமான தொடக்கம் தந்தனர். &nbsp;குர்பாஸ் ஏதுவான பந்துகளை பவுண்டரிக்கும் சிக்ஸருக்கும் விளாசி அதிரடி காட்டினார்.</p> <h2><strong>தனி ஆளாக போராடிய ரஹ்மத்:</strong></h2> <p>சிறப்பாக ஆடிய அவர் 33 பந்துகளில் 7 பவுண்டரி 1 சிக்ஸருடன் 41 ரன்கள் எடுத்து அவுட்டாக, ஜட்ரான் 21 ரன்களில் அவுட்டாக அடுத்து அடல் - ரஹ்மத் ஷா ஜோடி சேர்ந்தனர். இலக்கு பெரியதாக இருந்தாலும் இருவரும் பொறுப்புடன் ஆடினர். அடல் அபாரமாக ஆடி வந்த நிலையில் வாஷிங்டன் சு்ந்தர் சுழலில் 50 பந்துகளில் 5 பவுண்டரி 1 சிக்ஸருடன் 42 ரன்களில் அவுட்டானார்.&nbsp;</p> <p>அவர் ஆட்டமிழந்த பிறகு களமிறங்கிய டார்விஷ் 6 ரன்னில் காயம் காரணமாக வெளியேறினார். அதன்பின்னர், வ்ந்த வீரர்கள் ஒற்றை ரன்னில் அவுட்டாக மறு முனையில் தனி ஆளாக ரஹ்மத் ஷா போராடினார். அர்ஷ்தீப் சிங், ப்ரின்ஸ் யாதவ், குர்னூர் ப்ரார், குல்தீப் யாதவ், வாஷிங்டன் சுந்தர் பந்துவீச்சில் கட்டுக்கோப்பாக வீசினார்.&nbsp;</p> <h2><strong>மாபெரும் வெற்றி:</strong></h2> <p>தனி ஆளாக போராடிய ரஹ்மத்ஷா 9வது விக்கெட்டாக அவுட்டானார். அவர் ப்ரின்ஸ் யாதவ் பந்தில் 89 பந்துகளில் 8 பவுண்டரியுடன் 79 ரன்கள் எடுத்து அவுட்டானார். டார்விஷ் காயம் காரணமாக உள்ளே ஆப்கானிஸ்தான் அணி 170 ரன்கள் வித்தியாசத்தில் தோல்வியைத் தழுவியது.&nbsp;</p> <p>இந்திய பந்துவீச்சாளர் அர்ஷ்தீப்சிங் மற்றும் குர்னூர் ப்ரார் தலா 3 விக்கெட்டுகள், ப்ரின்ஸ் யாதவ் 2 விக்கெட்டுகள் மற்றும் வாஷிங்டன் சுந்தர் தலா 1 விக்கெட்டை வீழ்த்தினர். இந்த வெற்றி மூலம் இந்திய அணி 2-0 என்ற கணக்கில் தொடரை வென்றது.&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/entertainment/how-old-is-pooja-hegde-264163" width="631" height="381" scrolling="no"></iframe></p>

Source: Read Full Article