<p>ஆசியாவின் முன்னணி பொழுதுபோக்கு மற்றும் தொழில்நுட்ப உச்சி மாநாடான APOS 2026-ல் பேசிய இஷான் சட்டர்ஜி IPL 2026 போட்டித் தொடர் 1.2 பில்லியன் பார்வையாளர்களை கடந்ததையும், ICC ஆண்கள் T20 உலகக் கோப்பை 2026 இறுதிப்போட்டியின் போது ஜியோஹாட்ஸ்டார் உலகளாவிய அளவில் 72.5 மில்லியன் ஒரே நேர பார்வையாளர்கள் (concurrent viewers) என்ற சாதனையைப் படைத்ததையும் குறிப்பிட்ட அவர், ஒரு தளத்திற்கு “அளவு” (Scale) என்பதன் உண்மையான அர்த்தத்தை விளக்கினார்.</p>
<p>“இன்று இந்தியாவில் நாம் நம்பமுடியாத அளவிலான பார்வையாளர்களைச் சேவையளித்து வருகிறோம். ஒவ்வொரு IPL சீசனிலும் 1 பில்லியனுக்கும் மேற்பட்ட பார்வையாளர்களை தொடர்ந்து அடைகிறோம். இந்த சீசனில் 1.2 பில்லியன் பார்வையாளர்களை எட்டினோம். சமீபத்தில் முடிந்த ICC உலகக் கோப்பை இறுதிப்போட்டியில், 72.5 மில்லியன் பார்வையாளர்கள் ஒரே நேரத்தில் இணைந்து பார்த்த உலக சாதனையை படைத்தோம். ஆனால் இதிலிருந்து நான் எடுத்துக்கொள்ளும் முக்கியமான விஷயம் என்னவென்றால், நேரடி விளையாட்டுகளும் குறிப்பாக கிரிக்கெட்டும் தனித்துவமானவை. இன்று உள்ளடக்கங்கள் அளவற்ற அளவில் கிடைக்கும் உலகில், நேரடி விளையாட்டுகளைப் போல பார்வையாளர்களை ஒருங்கிணைக்கக்கூடிய சொத்துகள் மிகவும் குறைவு. இந்தியா-பாகிஸ்தான் போட்டி அல்லது IPL இறுதிப்போட்டி நடந்தால், கோடிக்கணக்கான மக்கள் அதை பார்க்க வருவார்கள் என்பது உறுதி. அதுவே எங்கள் மூலோபாயத்தின் மையமாக உள்ளது.”</p>
<p>ஒரு பில்லியன் பார்வையாளர்களைச் சேவையளிப்பது என்பது அந்த எண்ணிக்கையின் பின்னால் இருக்கும் பல்வகைமையைப் புரிந்துகொள்வதைக் குறிக்கிறது என்றும் அவர் கூறினார்.</p>
<p>“அந்த 1 பில்லியன் பார்வையாளர்களில் தென் மும்பையில் உள்ள ஒருவர் Connected TV-யில் பார்க்கலாம்; அதே நேரத்தில் இந்தியாவின் ஒரு கிராமத்தில் ஒருவர் மொபைல் போனில் பார்க்கலாம். இருவருக்கும் ஒரே மாதிரியான அனுபவத்தை வழங்குவது சாத்தியமில்லை.”</p>
<p>இந்தியாவில் விளையாட்டை மக்களிடம் கொண்டு செல்ல மொழி சார்ந்த தனிப்பயனாக்கம் (Personalisation) மிக முக்கியமானதாக மாறிவிட்டதாக அவர் குறிப்பிட்டார்.</p>
<p>“IPL-ஐ ரசிகர்கள் 12-க்கும் மேற்பட்ட மொழிகளில் பார்க்கும் வசதியை வழங்கியுள்ளோம். தற்போது IPL-இன் மொத்த பார்வை நேரத்தில் ஆங்கிலத்தின் பங்கு 10% க்கும் குறைவாக உள்ளது. 90% பார்வை நேரம் இந்திய மொழிகளிலிருந்தே வருகிறது. ஹிந்தியைத் தவிர மற்ற பிராந்திய மொழிகள், மற்ற அனைத்து மொழிகளையும் விட இரு மடங்கு வேகமாக வளர்ந்துள்ளன. இவ்வளவு பெரிய அளவில் வெற்றி பெற வேண்டுமெனில் இத்தகைய தனிப்பயனாக்கம் அவசியம் என்பதை இது காட்டுகிறது.”</p>
<p>கிரிக்கெட்டுக்கு அப்பாற்பட்ட விளையாட்டுகளின் வளர்ச்சியைப் பற்றி பேசுகையில், சர்வதேச விளையாட்டு சொத்துகள் இந்தியாவில் மிகப்பெரிய அளவில் வளர்ந்து வருவதாக அவர் கூறினார்.</p>
<p>“IPL எங்கள் ஒட்டுமொத்த உத்தியில் முக்கியமானது. ஆனால் அது மட்டுமே எங்களின் வளர்ச்சி இயந்திரம் அல்ல. தற்போது எங்கள் தளத்தில் ஆண்டுக்கு 350 நாட்களுக்கும் மேல் பல்வேறு விளையாட்டுகளின் நேரடி ஒளிபரப்புகள் உள்ளன. கடந்த சீசனில் மட்டும் Premier League-ஐ இந்தியாவில் 100 மில்லியனுக்கும் மேற்பட்டோர் பார்த்தனர். Wimbledon டிஜிட்டல் ரீச் 80% வளர்ச்சி கண்டது. அதனைத் தொடர்ந்து நடைபெற்ற US Open போட்டி 75% வளர்ச்சி கண்டது. இந்தியாவில் பல்வேறு விளையாட்டுகளுக்கான பார்வையாளர் ஆர்வம் வேகமாக அதிகரித்து வருவதற்கான எடுத்துக்காட்டுகள் இவை.”</p>
<h2>ஜியோஸ்டார் மேற்கொண்ட முதலீடுகள் குறித்து</h2>
<p>“கிரிக்கெட்டிற்கு அப்பாற்பட்ட விளையாட்டுகளுக்கு இந்தியாவில் மிகப்பெரிய வாய்ப்பு உள்ளது. எங்களிடம் கிரிக்கெட் மூலம் தளத்திற்குள் வரும் பெரிய பார்வையாளர் அடித்தளம் உள்ளது. அவர்களை மற்ற விளையாட்டுகளுக்குத் திருப்பி புதிய ரசிகர்களை உருவாக்க முடியும். அதற்கு சிறந்த எடுத்துக்காட்டு கபடி. கடந்த சீசனில் கபடி 300 மில்லியனுக்கும் அதிகமான பார்வையாளர்களை ஈர்த்தது. கடந்த 10 ஆண்டுகளில் இந்த சொத்தினை நாங்களே உருவாக்கியுள்ளோம். இது இந்தியாவில் புதிய விளையாட்டு பிரிவுகளை உருவாக்க முடியும் என்பதை நிரூபித்துள்ளது.”</p>
<h2>Swiggy உடனான கூட்டாண்மையின் குறித்து </h2>
<p>“இன்றைய உலகில் பயனர்களின் கவன நேரம் மிகவும் குறைந்துவிட்டது. எனவே ஒரே தளத்தில் முழுமையான அனுபவத்தை வழங்குவது அவசியமாகிறது. IPL போட்டிகள் பொதுவாக இரவு உணவு நேரத்தில் நடைபெறுகின்றன. போட்டி பார்க்கும் ரசிகர்கள் சமையலறையில் நேரம் செலவிடாமல் உணவை ஆர்டர் செய்ய விரும்புவார்கள் என்பதை நாங்கள் அறிந்திருந்தோம். அதனால் Swiggy-யை நேரடியாக எங்கள் செயலியில் ஒருங்கிணைத்தோம். இதன் மூலம் ரசிகர்கள் போட்டியைப் பார்த்துக்கொண்டே உணவை ஆர்டர் செய்து, பணம் செலுத்தி, டெலிவரி நிலையை கண்காணிக்க முடிகிறது. இது புதிய வருவாய் வாய்ப்புகளையும் உருவாக்குகிறது.”</p>
<h2>OpenAI உடனான கூட்டாண்மை மற்றும் AI ரசிகர் அனுபவம் பற்றி</h2>
<p>“OpenAI உடன் பணியாற்றும்போது இரண்டு முக்கிய போக்குகளை கவனித்தோம். ஒன்று, பிராந்திய மொழிகளில் ஆழமான உள்ளூர்மயமாக்கல். மற்றொன்று, தட்டச்சு செய்வதை விட குரல் வழி பயன்பாடு அதிகரிப்பது. OpenAI ஒருங்கிணைப்பு என்பது வெறும் குரல் தேடலுக்காக அல்ல. ரசிகர்கள் விளையாட்டை மேலும் ஆழமாக அனுபவிக்க உதவுகிறது. உதாரணமாக IPL பார்க்கும் போது, ‘வைபவ் சூர்யவன்ஷியின் கடந்த IPL ஸ்ட்ரைக் ரேட் என்ன?’ என்று கேட்கலாம். ChatGPT உடனடியாக பதில் வழங்கும். இது ரசிகர்களின் ஈடுபாட்டை மேலும் ஆழப்படுத்தும். தற்போது நாங்கள் தேடல் மற்றும் உள்ளடக்க கண்டுபிடிப்பு அனுபவத்தை மேம்படுத்தியுள்ளோம். எதிர்காலத்தில் இது முழுமையான AI Agent அனுபவமாக மாறும்.”</p>
<h2>விளம்பரங்களின் பரிணாம வளர்ச்சி மற்றும் புதிய வருவாய் வழிகள் குறித்து </h2>
<p>“தேசிய அளவிலான பிராண்டிங் பிரச்சாரங்களை வழங்குவதில் நாங்கள் ஏற்கனவே சிறப்பாக செயல்படுகிறோம். ஆனால் சமூக ஊடகங்கள் மற்றும் பல்வேறு போட்டி உள்ளடக்கங்களால் மக்களின் கவன நேரம் குறைந்துவிட்டது. எனவே அதிக ஈடுபாட்டையும், ஒவ்வொரு பார்வையாளருக்கும் தனிப்பயனாக்கப்பட்ட அனுபவத்தையும் வழங்குவது தான் எதிர்கால வளர்ச்சிக்கான முக்கிய பாதையாகும்.”</p>
Source: Read Full Article
