ராணிப்பேட்டை வாலாஜாபேட்டை காவல் நிலையத்திற்கு முதலமைச்சர் விருது! Walajapet Police Station Wins Chief Minister's Award

டி.ஜி.பி.யிடம் விருது பெற்ற ஆய்வாளருக்கு மாவட்ட எஸ்.பி. அய்மன் ஜமால் வாழ்த்து!


ராணிப்பேட்டை: தமிழ்நாடு அரசின் சார்பில், ஒவ்வொரு ஆண்டும் மாவட்ட / மாநகர அளவில் சிறந்த காவல் நிலையங்கள் தேர்வு செய்யப்பட்டு, "தமிழ்நாடு முதலமைச்சரின் சிறந்த காவல் நிலையத்திற்கான பரிசு" வழங்கப்படுகிறது. அதன்படி, 2023-ஆம் ஆண்டிற்கான சிறந்த காவல் நிலையமாக ராணிப்பேட்டை மாவட்டத்தில் உள்ள வாலாஜாபேட்டை காவல் நிலையம் தேர்வு செய்யப்பட்டுள்ளது.

இந்த விருதை, வாலாஜாபேட்டை காவல் நிலையம் சார்பாக, ஆற்காடு கிராமிய காவல் ஆய்வாளர் சாலமோன் ராஜா, கடந்த செப். 6-ஆம் தேதி சென்னை காவல்துறை தலைமை அலுவலகத்தில் நடைபெற்ற நிகழ்ச்சியில், காவல்துறை தலைமை இயக்குநர் அவர்களிடம் இருந்து பெற்றார்.

இந்தச் சாதனையை பாராட்டும் வகையில், விருது பெற்ற காவல் ஆய்வாளர் சாலமோன் ராஜாவை, மாவட்ட காவல் அலுவலகத்தில் வைத்து மாவட்ட காவல் கண்காணிப்பாளர் அய்மன் ஜமால் நேரில் அழைத்து வாழ்த்து தெரிவித்தார். இந்நிகழ்ச்சியின்போது ராணிப்பேட்டை உட்கோட்ட காவல் துணை கண்காணிப்பாளர் இமயவர்மன் உடனிருந்தார்.

Previous Post Next Post

Post Ads 1

Post Ads 2

The Chennai Silks - Let the Celebrations Begin!

Silk Sarees- Buy Pure Silk and Soft Silk Sarees at The SCM Silk