கள்ளக்காதல் விவகாரத்தில் வெறிச்செயல்: போலீஸ் ஏட்டுவின் மகன் பெண் ஒருவரைக் கொடூரமாக வெட்டிக் கொலை! Tuticorin Shocker Cop's teenage son brutally murders father's mistress

கள்ளக்காதல் விவகாரத்தில் வெறிச்செயல்: போலீஸ் ஏட்டுவின் மகன் பெண் ஒருவரைக் கொடூரமாக வெட்டிக் கொலை!

தாய் பிரிந்து சென்றதற்கு பழிவாங்கும் நோக்கம்; சோகமான சம்பவம் தூத்துக்குடியில் பெரும் பரபரப்பு!


தூத்துக்குடி: தூத்துக்குடி அருகே, தனது தந்தையின் கள்ளக்காதல் உறவால் தாய் பிரிந்து சென்றதற்குக் கோபமடைந்த போலீஸ் ஏட்டுவின் 16 வயது மகன், தனது நண்பனுடன் சேர்ந்து அந்தப் பெண்ணைக் கொடூரமாக வெட்டிக் கொன்ற சம்பவம் பெரும் பரபரப்பை ஏற்படுத்தியுள்ளது.

தூத்துக்குடி, மாப்பிள்ளையூரணி, திரேஸ் நகரைச் சேர்ந்த ராமசுப்புவின் மனைவி சக்தி மகேசுவரி (38). கணவருடன் ஏற்பட்ட குடும்பப் பிரச்சினை காரணமாகப் பிரிந்து தனியாக வசித்து வந்தார். அப்போது, அதே பகுதியைச் சேர்ந்த, சிப்காட் காவல் நிலையத்தில் பணியாற்றும் ஒரு போலீஸ் ஏட்டுவுடன் அவருக்கு கள்ளக்காதல் தொடர்பு ஏற்பட்டதாகக் கூறப்படுகிறது. அந்த ஏட்டுக்கு மனைவி, மகள் மற்றும் 16 வயது மகன் உள்ளனர்.

ஏட்டுவின் கள்ளக்காதல் உறவு காரணமாக அவரது மனைவி வேதனையடைந்து, கணவரைப் பிரிந்து சென்றுள்ளார். இதனால், தனது தாயின் பிரிவுக்குச் சக்தி மகேசுவரிதான் காரணம் என்று ஏட்டுவின் மகன் ஆத்திரமடைந்துள்ளார். சக்தி மகேசுவரியைப் பழிவாங்க முடிவு செய்த அந்தச் சிறுவன், நேற்று மாலை தனது 16 வயது நண்பனுடன் சேர்ந்து சக்தி மகேசுவரியின் வீட்டிற்குச் சென்றுள்ளார்.

அங்கு தனியாக இருந்த சக்தி மகேசுவரியை இருவரும் அரிவாளால் சரமாரியாக வெட்டியுள்ளனர். இதில் படுகாயமடைந்த அவர், சம்பவ இடத்திலேயே துடிதுடித்து உயிரிழந்தார். இதனை உறுதி செய்த பிறகு இருவரும் அங்கிருந்து தப்பி ஓடிவிட்டனர். தகவல் அறிந்து சம்பவ இடத்திற்கு வந்த தாளமுத்துநகர் போலீசார், சக்தி மகேசுவரியின் உடலைக் கைப்பற்றி, பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர்.

இந்தச் சம்பவம் குறித்து வழக்குப் பதிவு செய்த போலீசார், தப்பியோடிய இரண்டு சிறுவர்களையும் தீவிரமாகத் தேடி வருகின்றனர். தந்தையின் கள்ளக்காதலியைச் சிறுவன் கொலை செய்த சம்பவம் அப்பகுதியில் பெரும் சோகத்தையும், அதிர்ச்சியையும் ஏற்படுத்தியுள்ளது.

Previous Post Next Post

Post Ads 1

Post Ads 2

The Chennai Silks - Let the Celebrations Begin!

Silk Sarees- Buy Pure Silk and Soft Silk Sarees at The SCM Silk