அரசியல் கட்சிகளைப் பணியிடமாகக் கருத முடியாது... உச்சநீதிமன்றத்தின் அதிரடி தீர்ப்பால் ஏற்பட்ட பரபரப்பு!
பணியிடங்களில் பெண்களுக்கு எதிரான துன்புறுத்தலைத் தடுக்கும் சட்டம் (POSH), அரசியல் கட்சிகளுக்குப் பொருந்தாது என உச்ச நீதிமன்றம் அதிரடித் தீர்ப்பை வழங்கியுள்ளது. ஒரு நபர் அரசியல் கட்சியில் சேர்வது, அது வேலைவாய்ப்பாகக் கருதப்படாது என்றும் நீதிமன்றம் தெளிவுபடுத்தியுள்ளது. இது அரசியல் வட்டாரங்களில் பெரும் விவாதத்தைக் கிளப்பியுள்ளது.
சட்ட விதிகளின்படி, ஒரு நபர் அரசியல் கட்சியில் சேர்வது என்பது, அவர் ஒரு ஊழியராகப் பணியமர்த்தப்பட்டதாகக் கருத முடியாது. அரசியல் கட்சிகள், தொழிலாளர் நலச் சட்டங்கள் பொருந்தும் ஒரு பணியிடமாக வரையறுக்கப்படவில்லை. எனவே, பாலியல் துன்புறுத்தலைத் தடுக்கும் POSH சட்டம், அரசியல் கட்சிகளுக்குப் பொருந்தாது என்று உச்ச நீதிமன்றம் விளக்கம் அளித்துள்ளது.
உச்ச நீதிமன்றத்தின் இந்தத் தீர்ப்பு, அரசியல் கட்சிகளில் இருக்கும் பெண் தொண்டர்கள் மற்றும் நிர்வாகிகளின் பாதுகாப்பு குறித்து பல்வேறு கேள்விகளை எழுப்பியுள்ளது. அரசியல் கட்சிகளுக்குள் பெண்களுக்குப் பாதுகாப்பு இல்லை என்ற நிலை உருவாகிவிடும் என்றும், இது அவர்களுக்கு எதிராகப் பயன்படுத்தப்படலாம் என்றும் சமூக ஆர்வலர்கள் கவலை தெரிவித்துள்ளனர். அரசியல் கட்சிகளுக்கு இந்தச் சட்டம் பொருந்தாது என்றால், அவர்களுக்குப் பாதுகாப்பு வழங்குவதற்கான வழிமுறைகள் என்னென்ன என்ற விவாதம் தற்போது அனல் பறந்து வருகிறது.
in
இந்தியா
