ஓசோன் துளை மூடுகிறது: எதிர்கால சந்ததியினருக்கு ஒரு நற்செய்தி! Ozone Hole is Closing: World Meteorological Organization

1980-களின் நிலைக்குத் திரும்பும் ஓசோன் படலம்... அறிவியல் உலகின் நம்பிக்கைக் கீற்று!

பூமியின் உயிர்களுக்குப் பெரும் அச்சுறுத்தலாக இருந்த ஓசோன் துளை இப்போது படிப்படியாக மீண்டு வருவதாக உலக வானிலை அமைப்பு (WMO) தெரிவித்துள்ளது. இந்த நூற்றாண்டின் நடுப்பகுதியில், 1980-களில் இருந்த நிலைக்கு ஓசோன் படலம் முழுமையாகத் திரும்பும் என விஞ்ஞானிகள் நம்பிக்கை தெரிவித்துள்ளனர். இது, எதிர்கால சந்ததியினருக்கு ஒரு மிகப்பெரிய நற்செய்தியாகக் கருதப்படுகிறது.

ஓசோன் துளை விரிவடைவது சுற்றுச்சூழல் சமநிலை, மனிதர்களின் ஆரோக்கியம் ஆகியவற்றுக்குப் பெரும் அச்சுறுத்தலாக இருந்தது. இதனால் தோல் புற்றுநோய், கண்புரை போன்ற நோய்கள் அதிகரித்தன. ஆனால், ஓசோன் படலத்தைக் காப்பதற்காக உலக நாடுகள் மேற்கொண்ட கூட்டு முயற்சிகள் இப்போது பலன் தரத் தொடங்கியுள்ளன.

ஓசோன் படலத்தைப் பாதுகாப்பதற்காகக் கையெழுத்திடப்பட்ட மாண்ட்ரீல் புரோட்டோகால் ஒப்பந்தம், ஓசோனைச் சிதைக்கும் ரசாயனப் பயன்பாடுகளைக் கட்டுப்படுத்த உதவியது. இதன் விளைவாக, ஓசோன் துளை சுருங்கி வருகிறது. இந்த அறிவியல் வெற்றி, உலக நாடுகள் இணைந்து செயல்பட்டால், எந்தச் சுற்றுச்சூழல் அச்சுறுத்தலையும் சமாளிக்க முடியும் என்பதற்கு ஒரு சிறந்த உதாரணமாக அமைவதாகச் சுற்றுச்சூழல் ஆர்வலர்கள் தெரிவித்துள்ளனர்.