மூன்று மணி நேரத்திற்கு மேல் காத்திருந்த பக்தர்கள்; வசதிக்கேற்ப ஏற்பாடுகளைச் செய்த கோவில் நிர்வாகம்!
பஞ்சபூத ஸ்தலங்களில் அக்னி ஸ்தலமாக விளங்கும் திருவண்ணாமலை அண்ணாமலையார் திருக்கோவிலில், மகாலய அமாவாசையான இன்று (ஞாயிற்றுக்கிழமை) ஆயிரக்கணக்கான பக்தர்கள் நீண்ட வரிசையில் காத்திருந்து சுவாமி தரிசனம் செய்தனர்.
வழக்கமாகவே, பௌர்ணமி போன்ற நாட்களில் லட்சக்கணக்கான பக்தர்கள் அண்ணாமலையாரை தரிசிப்பதோடு, 14 கிலோமீட்டர் கிரிவலப் பாதையில் வலம் வந்து வழிபடுவது வழக்கம். கடந்த சில மாதங்களாக ஆந்திரா, கர்நாடகா, தெலங்கானா போன்ற வெளி மாநில பக்தர்களும், திரைப்படப் பிரபலங்களும் அதிக அளவில் இங்கு வருகை தருகின்றனர்.
மகாலய அமாவாசை மற்றும் விடுமுறை தினமான இன்று, அதிகாலை நடை திறக்கப்பட்டு அண்ணாமலையார் மற்றும் உண்ணாமுலை அம்மனுக்கு சிறப்பு அபிஷேக ஆராதனைகள் நடைபெற்றன. காலை 5.30 மணி முதல் பக்தர்கள் சாமி தரிசனத்திற்கு அனுமதிக்கப்பட்டனர்.
வழக்கமாக மூன்று முதல் ஐந்து மணி நேரத்திற்கும் மேலாகக் காத்திருந்து தரிசனம் செய்யும் பக்தர்கள், இன்று கூட்டம் சற்று குறைவாக இருந்ததால், ஒரு மணி நேரத்தில் சுவாமி தரிசனம் செய்தனர். பக்தர்களின் வசதிக்காகத் திருக்கோவிலுக்கு உள்ளே பல்வேறு இடங்களில் வரிசைகளும், குடிநீர் வசதிகளும் கோவில் நிர்வாகத்தின் சார்பில் ஏற்பாடு செய்யப்பட்டிருந்தன.
