கோட் சூட் அணிந்த ஒசாமா பின்லேடன்: பாகிஸ்தான் ராணுவத் தளபதிக்கு கடும் விமர்சனம்! US Ex-Military Official Condemns Pakistan's Threat to India

பாகிஸ்தான் அணு ஆயுத மிரட்டலுக்கு அமெரிக்க Ex அதிகாரி ஆவேசம்! - கோட் சூட் அணிந்த ஒசாமா பின்லேடன் என கடும் விமர்சனம்!

அமெரிக்க மண்ணிலிருந்து இந்தியாவுக்குப் பாகிஸ்தான் தளபதி மிரட்டல்! - பாகிஸ்தானின் அணு ஆயுதங்களைக் கைப்பற்ற அமெரிக்கா நடவடிக்கை எடுக்க வேண்டும் என முன்னாள் பென்டகன் அதிகாரி மைக்கேல் ரூபின் சாடல்!


வாஷிங்டன்: அமெரிக்க மண்ணில் இருந்து இந்தியாவுக்கு அணு ஆயுத மிரட்டல் விடுத்த பாகிஸ்தான் ராணுவத் தளபதி ஆசிம் முனீருக்கு, முன்னாள் பென்டகன் அதிகாரி மைக்கேல் ரூபின் கடுமையான கண்டனம் தெரிவித்துள்ளார். ஆசிம் முனீர் ஒரு கோட் சூட் அணிந்த ஒசாமா பின்லேடன் என அவர் கடும் வார்த்தைகளால் விமர்சித்துப் பேசியது, உலக அரங்கில் பெரும் பரபரப்பை ஏற்படுத்தியுள்ளது.

அமெரிக்கா சென்றுள்ள பாகிஸ்தான் ராணுவத் தளபதி ஆசிம் முனீர், அங்கு நடந்த நிகழ்ச்சியொன்றில் பேசியபோது, எங்கள் இருப்புக்கு அச்சுறுத்தல் ஏற்பட்டால், உலகத்தின் பாதியை அழித்துவிடுவோம் என இந்தியாவுக்கு அணு ஆயுத மிரட்டல் விடுத்தார். மேலும், இந்தியா சிந்து நதியின் குறுக்கே அணை கட்டினால், அதை ஏவுகணைகளைக் கொண்டு தகர்த்துவிடுவோம் எனவும் அவர் மிரட்டியதாகத் தகவல்கள் வெளியாகின. நட்பு நாடான அமெரிக்காவின் மண்ணிலிருந்து பாகிஸ்தான் இவ்வாறு மிரட்டல் விடுத்தது, இந்திய வெளியுறவுத் துறையினரின் கடுமையான கண்டனத்தைப் பெற்றது.

இந்த விவகாரம் குறித்துப் பேசிய முன்னாள் பென்டகன் அதிகாரி மைக்கேல் ரூபின், அமெரிக்க மண்ணில் இருந்துகொண்டு அணு ஆயுத மிரட்டல் விடுப்பது முற்றிலும் ஏற்றுக்கொள்ள முடியாதது. பாகிஸ்தான் ஒரு பொறுப்பற்ற நாடாக மாறி வருகிறது. அணு ஆயுதம் கொண்ட ஒரு நாட்டின் ராணுவத் தளபதி, பயங்கரவாத அமைப்பின் தலைவரைப் போலப் பேசுகிறார் எனக் குற்றம்சாட்டினார். மேலும், பாகிஸ்தானின் அணு ஆயுதங்கள் தவறான நபர்களின் கைகளில் செல்லாமல் இருக்க, அமெரிக்கா அதனைக் கைப்பற்ற வேண்டிய நேரம் வந்துவிட்டது எனவும் அவர் வலியுறுத்தினார். பாகிஸ்தானை பயங்கரவாதத்திற்கு நிதியுதவி அளிக்கும் நாடாக அறிவிக்க வேண்டும் எனவும் அவர் அமெரிக்க அரசுக்குக் கோரிக்கை விடுத்துள்ளார்.

Previous Post Next Post

Post Ads 1

Post Ads 2

The Chennai Silks - Let the Celebrations Begin!

Silk Sarees- Buy Pure Silk and Soft Silk Sarees at The SCM Silk