ஜப்பான் பயணத்தை முடித்துவிட்டு சீனா சென்றடைந்தார் பிரதமர் மோடி!
ஷாங்காய் ஒத்துழைப்பு மாநாட்டில் பங்கேற்பதற்காக சீனா சென்றார்; சீன அதிபரை சந்திக்கவுள்ளதாக தகவல்!
அரசுமுறைப் பயணமாக ஜப்பான் சென்றிருந்த இந்தியப் பிரதமர் நரேந்திர மோடி, தனது பயணத்தை நிறைவு செய்து, ஷாங்காய் ஒத்துழைப்புக் கூட்டமைப்பு மாநாட்டில் பங்கேற்பதற்காகச் சீனா சென்றடைந்தார்.
ஜப்பான் பயணம்:
வர்த்தக மாநாடு: வெள்ளிக்கிழமை ஜப்பான் சென்ற பிரதமர் மோடி, தலைநகர் டோக்கியோவில் நடைபெற்ற இந்தியா-ஜப்பான் வர்த்தக மாநாட்டில் பங்கேற்றார். அப்போது, இந்தியாவில் அடுத்த 10 ஆண்டுகளில் ₹6 லட்சம் கோடி முதலீடு செய்ய ஜப்பான் நிறுவனங்கள் இலக்கு நிர்ணயித்துள்ளதாகத் தெரிவித்தார்.
முதலீட்டு அழைப்பு: இந்தியா விரைவில் உலகின் மூன்றாவது பெரிய பொருளாதார நாடாக உயரும் என்பதால், ஜப்பான் தொழில் அதிபர்கள் இந்தியாவில் முதலீடு செய்ய வேண்டும் என்று பிரதமர் மோடி அழைப்பு விடுத்தார்.
ஆளுநர்கள் சந்திப்பு: ஜப்பானில் உள்ள 16 மாகாணங்களின் ஆளுநர்களையும் பிரதமர் மோடி சந்தித்துப் பேசினார். இரு நாடுகளின் கூட்டு ஒத்துழைப்புக்கு அவர் அழைப்பு விடுத்தார்.
சீனா பயணம்:
ஜப்பானில் தனது பயணத்தை முடித்த பிரதமர் மோடி, விமானம் மூலம் சீனாவின் தியான்ஜின் நகருக்குச் சென்றடைந்தார். அங்கு அவருக்கு உற்சாக வரவேற்பு அளிக்கப்பட்டது.
சீனாவில் நடைபெறவுள்ள ஷாங்காய் ஒத்துழைப்புக் கூட்டமைப்பு மாநாட்டில் பங்கேற்று பிரதமர் மோடி உரையாற்ற உள்ளார். மேலும், அவர் சீன அதிபரையும் சந்தித்துப் பேச உள்ளதாகத் தகவல்கள் வெளியாகியுள்ளன.
